LAAGE GO 21

Jag liñgi ti weere gebere ma Israyel wo

1Mokay wo diñ jag liñgi ma äod faage seele maga ndo ngaä ge ra ne hara mono. 2De maga ndo yee gebe we yoo Israyel wo no, aà joñ ge peele mo kiñgi hiira'a, ama nen kiñgi ma de renamn mono, aà kal go de budgi ti see äe bay poë mopo. 3AÀ hay we boñ no, aà raw boñ. AÀ hay aà we de waçy äe no, waçy äen raw ge wer äe. 4Hayga hay kañ waçy we ne hen diñ pan tiñ äen lay no, day se biñ weere de äe noga mayre de äe no, waçyn wo de weeren diñ ma pan tiñ äe no. Ma äen aà raw de see äe boñ. 5Hayga geben waçaç we ga: Ndi de saçy pan tiñ äin ti, waçy äin wo de weere äin wo, ndi bay de saçy rawge go de budgi ti see äi wa no, 6dosen nono pan tiñ äen baa ne, wo de äe pel Baa. AÀ ya' wo de äe jag tiñ noga see koo ma jag tiñ no, aà kal fee sug äe go de waa, day geben la kol go tum ti joñre ne hene.

7Hayga jobo yee may äe we go maga aà mo hay go gebe no, mayn raw ge do gebere ma lan wo no gaè. 8Hayga aà coo we jag pan tiñ äe maga hay waçaç ga se dan waçy we gaa no, aà kne' ge faage cooge äe go gusi. Ama aà bay de kaçaçge ma yeege äe go ne waare wo wa, blam maga se naa gog de äe do mono. 9Hayga aà haçn we ne weel äe no, aà joñn ge ti faage äe do maga aà joñ see naare ma äuyn wo no lay. 10AÀ fer we da waçy ma tigriñ no, aà naa ge mopo go see fen ma waçy ma tañgun gaa hase, reege äe, oçoçbe äe, de faage maga aè joñ waçy de äe mono. 11Day hayga aà joñ feçeçre se swa'n we mo lag gaa no, waçyn kal go raw jag äe beëbeëe, bay haç solay.

12Je maga ma' jobo day 'warn we go no, aè 'warn ge go lay. 13Hayga aà hay laa guu we ne hen gaa, day Baa äo'n le ne hen do no, ndi kañ ge ngeel po yañ maga aà joñ nen ëeege wo go ni.

14Ama, de maga jobo joñ we diñ haçaç see kan äe, kië ëeñ äe ma 'warge äe go no, ndo baa ge je ma sen ndo 'warn ge go, aà mo ëee ba go ti ngeel sië jag yaw.

15Je maga mbar pan äe noga man äe we no, aè 'warn ge go.

16Je maga baa jobo we freñ day yeen we go, noga ëawn do äe kay we no, aè 'warn ge go.

17Je maga faë pan äe we, noga man äe we no, aè 'warn ge go.

18Hayga wuy kañ we ti holañ jar po wo, day mapo boñ äo' keçeç we de huuli, noga so'n de do day 'warn gaa lay joñ ceege äe gesiñ koë no, 19je ma' je lan la joñ bon äe wa. De maga je ceegen ur we go ciñ teäalge de graw caw no, ree bay ti je ma'ge äen wa, diñ ga ane, aà mo kay ne ti joñre äe maga aà caan ne hen jag mono, blam äe aà joñ ceege äe äuy diñ se, haçaç aà peçeç go.

20De maga jobo ma' gebe äe we de graw, twar noga twaçy, day geben da' huli we ne hen do no, aè sa' ge hee äe. 21Ama hayga aà joñ naw we go tenen boñ noga äog no, ni aè sa' ge hee äe gaa, werga aà diñ solay äe.

22Hayga jar po le' wo kaçaçra we day raw wo we srog waçy de äiili, waçyn biñ we go ga mopo joñ we ni gaa no, bon maga aè kañ ne hara ti diñ ga war waçyn kañ poëge ne hara ti, day aà poë ge wo pel je car kiida no. 23Ama, hayga mopo joñ we ni no, aè poë ge tenen de tenene, 24nen de nene, sañ de sañ, do de do, äaale de äaale. 25Roëge de roëge lay, waçaçge de waçaçge lay, huli de huli lay.

26De maga jobo ma' gebe we nene, twar noga twaçy, day äo' nen we go ne hen no, aà äo'n ge go de budgi go ti see äe wer nen äe maga aè äo' ne go mono. 27Day hayga jobo haw sañ we go ne gebe äe, twaçy noga twar no, aà äo' ne ge go ti see äe ti sañ äe maga aè hawn go mono.

28De maga daèy ma' jobo we de coçoç, diñ je twar noga diñ waçy, day huli raw we blam sen ni no, daèy sen mo caw aè äodn ge go de huuli. AÈ ree ge naèy äe gaa, day aè joñ ge bon je daèyn gaa lay. 29Day hayga daèyn yañ go seäaa de haçaç, day aè hay mbe go de wii je äen lay, se day gorge äe gaa no, aè äod ge daèyn go de huuli, de maga aà ii waçy noga je twar we no, je äen mokay aà joñ ge bon äe, aè 'warn ge go. 30Hayga aè kañ poëge we ne hen ti nen maga aà mo coo tenen äe no, aà poën ge go äuy. 31De maga daèyn la ma' mbarga ma twar noga ma twaçy we no, aè joñ ge joñre de jag liñgi sen lay. 32De maga daèyn ma' we diñ gebe ma twar noga twaçy no, je daèyn poë pan tiñ geben solay do swa'a, day aè äod daèyn go de huuli.

33De maga jobo men jag tu we go de koëe, noga de maga jobo tee tu day teçg jag äe we gaa, day gerheçeç noga daèy jobo joñ nen le'ge we ni no, 34Je tuun poë de solay nen horog blo no, day horog ma de hulin gwa' diñ ma äe.

35Hayga daèy jobo ma' ma je tigriñ we de coçoç, day huli kal we ni no, aà yee ge wo daèy ma tenenn go, day äes ge wo solay äen go. AÀ äes ge wo nay daèy ma de hulin go lay. 36Day hayga je daèyn la mbe go de koge ga daèy sen mbar kaçaçra, day se gorn we gaa no, je daèyn ma de de haçaç poë ti daèy ma lan de daèy lay, ma äen se mañ diñ ma de huli no.

Waçaçre ti fen maga aè hay baan go freñ

37Hayga jobo baa daèy we freñ noga fii laybla no, aà poë wer äe ni dwee, ma fiin se poë wer äe ni naa.

Currently Selected:

LAAGE GO 21: TUPB

Highlight

Copy

Compare