Sirac 23
23
1O Kagurangnan, Ama ko asin Pamayo nin sakong buhay, hare ako pagbayae sa kapangyarihan kan sakong mga tataramon; hare pagtugot na an mga iyan iyo an magin dahelan kan sakong pagbagsak. 2Nagmamawot akong hampakon ako huli kan sakong mga kaisipan, tanganing madisiplina kan Kadonongan an sakong isip. Habo kong makaligtas ako kun ako nasasala. Habo kong malihisan maski saro kong kasalan 3tanganing dai magdakul an sakong mga kasalan, asin dai ako mahulog sa kapangyarihan kan sakong mga kaiwal dangan dai ninda ako pagngisihan.
4O Kagurangnan, Ama ko asin Dios nin sakong buhay, likayan ako sa pagigin mapalangkaw; 5halea sako an maraot na kamawotan. 6Likayan ako sa pagigin paslo o marompot; hare ako pagbayae sa kapangyarihan kan makasosopog na mga pagmawot na ini.
An Pagsumpa
7Mga aki ko, dangoga nindo an sasabihon ko dapit sa matanos na pagtaram; sunoda nindo an itinutukdo ko asin dai kamo masisiod. 8Nadadakop an mga parakasala huli kan saindang mapalangkaw saka may pagtuyatuyang mga tataramon.
9Dai kamo matood sa pagsumpa, asin dai nindo pagbasang-basangon an banal na ngaran nin Dios. 10An sarong oripon na danay na hinahampak dai nawawaraan nin mga labod, siring man an tawong danay na nagsusumpa sa Banal na Ngaran dai mawawaraan nin kasalan. 11An tawong danay na nagsusumpa pano nin kasalan, asin harani sa saiyang pamilya an padusa. Nagkakasala siya kun dai niya maotob an saiyang sumpa, asin kun dai man niya pahalagahan iyan magigin doble an saiyang kasalan. Kun nagsumpa siya na pakalwag sana, dai siya pwedeng patawadon asin an saiyang harong magkakaigwa nin dakul na kasakitan.
Maating Pagtaram
12Igwa nin sarong paagi nin pagtaram na nakakaagid sa kagadanan—mayo man logod nin maski sarong Israelita na magkasala nin siring! An mga diosnon dai nagkakasala kan siring na kasalan, asin linilikayan ninda an siring na gawe. 13Dai nindo patoodon an saindong ngoso sa pagtaram nin rapsak, saka marigsok na mga tataramon; kasalan iyan. 14Giromdoma nindo an saindong ama saka ina kun nasa kaibahan kamo nin darakulang tawo; tibaad malingaw kamo sa atubang ninda asin magin garo sarong lolong huli sa sarong marigsok na tataramon na saindong napagtoodan; dangan magmamawot kamong mas marahay pang dai na kamo namundag, asin mamaldisyonon nindo an aldaw na kamo namundag. 15Kun matood na kamo sa paggamit nin nakakapaanggot na mga tataramon, dai na nanggad kamo makakatalingkas diyan sagkod na nabubuhay kamo.
Mga Kasalan sa Laman
16Igwa nin nagkapirang paagi tanganing magkasala dangan maghugpa an kaanggotan nin Kagurangnan, alagad an kamawotan sa laman nin sarong lalaki o sarong babae sarong mainit asin nagkakarabang kalayo na dai pwedeng basta na sana sigbohon; maontok sana iyan kun tumpos na. An sarong lalaki na nabubuhay sana para sa kaogmahan na nakukua sa pakipagdorogan magpapadagos sa saiyang gibo sagkod na matumpos siya kan kamawotan na iyan. 17Sa siring na lalaki, an gabos na babae maninigong mawoton, asin dai siya makokontento sagkod na nabubuhay pa siya.
18An lalaking bakong maimbod sa saiyang agom naghohonang, “Mayo nin makakaaram. Madiklom sa palibot ko asin dai ako nahihiling nin siisay man. Kaya mayo akong dapat na ipaghandal huli ta maski an Kahorohalangkawe dai ako mamamasdan.” 19An lalaking iyan natatakot sana sa ibang tawo. Dai niya naaaraman na an mga mata kan Kagurangnan sampolong ribo pang orog na maliwanag ki sa aldaw, kaya nahihiling niya an gabos na satong ginigibo, maski na ngani maghingowa pa kita na tagoon iyan. 20Aram na niya an gabos bago niya lalangon an kinaban, siring man kan mahaman na niya iyan. 21Madadakop an lalaking iyan sa panahon na dai niya linalaom, asin papadusahan siya sa atubang kan gabos.
22Totoo man iyan sa sarong babae na bakong maimbod sa saiyang agom asin nagkakaigwa nin aki huli sa ibang lalaki. 23Huli ta enot sa gabos, linapas niya an Katogonan kan Kahorohalangkawe. Ikaduwa, nagkasala siya laban sa saiyang agom. Ikatolo, siya man sana an naggibong magin saro siyang maraot na babae huli sa pakidorog sa bako niyang agom dangan nagbados siya huli sa sarong lalaki na bako niyang agom. 24-25An saiyang kaakian iyo an magtitios kan saiyang kasalan. Dai sinda igagalang sa komunidad, ni makakapatindog kan sadiri nindang mga pamilya. An siring na babae dadarahon sa atubang kan katiriponan 26asin mawawaraan nin onra sagkod pa man; mamaldisyonon an saiyang giromdom. Kun gadan na siya, 27maaaraman kan gabos na mayo na nin makakaorog pa sa pagkakaigwa nin pagkatakot sa Kagurangnan, asin mayo nang maorog pa kahamis sa pag-otob kan saiyang mga pagboot.#23:27 An ibang kasuratan idinagdag an bersikulo 28: Sarong dakulang onra an magsunod sa Dios, asin an akoon ka niya nangangahulogan nin halawig na buhay.
Currently Selected:
Sirac 23: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Sirac 23
23
1O Kagurangnan, Ama ko asin Pamayo nin sakong buhay, hare ako pagbayae sa kapangyarihan kan sakong mga tataramon; hare pagtugot na an mga iyan iyo an magin dahelan kan sakong pagbagsak. 2Nagmamawot akong hampakon ako huli kan sakong mga kaisipan, tanganing madisiplina kan Kadonongan an sakong isip. Habo kong makaligtas ako kun ako nasasala. Habo kong malihisan maski saro kong kasalan 3tanganing dai magdakul an sakong mga kasalan, asin dai ako mahulog sa kapangyarihan kan sakong mga kaiwal dangan dai ninda ako pagngisihan.
4O Kagurangnan, Ama ko asin Dios nin sakong buhay, likayan ako sa pagigin mapalangkaw; 5halea sako an maraot na kamawotan. 6Likayan ako sa pagigin paslo o marompot; hare ako pagbayae sa kapangyarihan kan makasosopog na mga pagmawot na ini.
An Pagsumpa
7Mga aki ko, dangoga nindo an sasabihon ko dapit sa matanos na pagtaram; sunoda nindo an itinutukdo ko asin dai kamo masisiod. 8Nadadakop an mga parakasala huli kan saindang mapalangkaw saka may pagtuyatuyang mga tataramon.
9Dai kamo matood sa pagsumpa, asin dai nindo pagbasang-basangon an banal na ngaran nin Dios. 10An sarong oripon na danay na hinahampak dai nawawaraan nin mga labod, siring man an tawong danay na nagsusumpa sa Banal na Ngaran dai mawawaraan nin kasalan. 11An tawong danay na nagsusumpa pano nin kasalan, asin harani sa saiyang pamilya an padusa. Nagkakasala siya kun dai niya maotob an saiyang sumpa, asin kun dai man niya pahalagahan iyan magigin doble an saiyang kasalan. Kun nagsumpa siya na pakalwag sana, dai siya pwedeng patawadon asin an saiyang harong magkakaigwa nin dakul na kasakitan.
Maating Pagtaram
12Igwa nin sarong paagi nin pagtaram na nakakaagid sa kagadanan—mayo man logod nin maski sarong Israelita na magkasala nin siring! An mga diosnon dai nagkakasala kan siring na kasalan, asin linilikayan ninda an siring na gawe. 13Dai nindo patoodon an saindong ngoso sa pagtaram nin rapsak, saka marigsok na mga tataramon; kasalan iyan. 14Giromdoma nindo an saindong ama saka ina kun nasa kaibahan kamo nin darakulang tawo; tibaad malingaw kamo sa atubang ninda asin magin garo sarong lolong huli sa sarong marigsok na tataramon na saindong napagtoodan; dangan magmamawot kamong mas marahay pang dai na kamo namundag, asin mamaldisyonon nindo an aldaw na kamo namundag. 15Kun matood na kamo sa paggamit nin nakakapaanggot na mga tataramon, dai na nanggad kamo makakatalingkas diyan sagkod na nabubuhay kamo.
Mga Kasalan sa Laman
16Igwa nin nagkapirang paagi tanganing magkasala dangan maghugpa an kaanggotan nin Kagurangnan, alagad an kamawotan sa laman nin sarong lalaki o sarong babae sarong mainit asin nagkakarabang kalayo na dai pwedeng basta na sana sigbohon; maontok sana iyan kun tumpos na. An sarong lalaki na nabubuhay sana para sa kaogmahan na nakukua sa pakipagdorogan magpapadagos sa saiyang gibo sagkod na matumpos siya kan kamawotan na iyan. 17Sa siring na lalaki, an gabos na babae maninigong mawoton, asin dai siya makokontento sagkod na nabubuhay pa siya.
18An lalaking bakong maimbod sa saiyang agom naghohonang, “Mayo nin makakaaram. Madiklom sa palibot ko asin dai ako nahihiling nin siisay man. Kaya mayo akong dapat na ipaghandal huli ta maski an Kahorohalangkawe dai ako mamamasdan.” 19An lalaking iyan natatakot sana sa ibang tawo. Dai niya naaaraman na an mga mata kan Kagurangnan sampolong ribo pang orog na maliwanag ki sa aldaw, kaya nahihiling niya an gabos na satong ginigibo, maski na ngani maghingowa pa kita na tagoon iyan. 20Aram na niya an gabos bago niya lalangon an kinaban, siring man kan mahaman na niya iyan. 21Madadakop an lalaking iyan sa panahon na dai niya linalaom, asin papadusahan siya sa atubang kan gabos.
22Totoo man iyan sa sarong babae na bakong maimbod sa saiyang agom asin nagkakaigwa nin aki huli sa ibang lalaki. 23Huli ta enot sa gabos, linapas niya an Katogonan kan Kahorohalangkawe. Ikaduwa, nagkasala siya laban sa saiyang agom. Ikatolo, siya man sana an naggibong magin saro siyang maraot na babae huli sa pakidorog sa bako niyang agom dangan nagbados siya huli sa sarong lalaki na bako niyang agom. 24-25An saiyang kaakian iyo an magtitios kan saiyang kasalan. Dai sinda igagalang sa komunidad, ni makakapatindog kan sadiri nindang mga pamilya. An siring na babae dadarahon sa atubang kan katiriponan 26asin mawawaraan nin onra sagkod pa man; mamaldisyonon an saiyang giromdom. Kun gadan na siya, 27maaaraman kan gabos na mayo na nin makakaorog pa sa pagkakaigwa nin pagkatakot sa Kagurangnan, asin mayo nang maorog pa kahamis sa pag-otob kan saiyang mga pagboot.#23:27 An ibang kasuratan idinagdag an bersikulo 28: Sarong dakulang onra an magsunod sa Dios, asin an akoon ka niya nangangahulogan nin halawig na buhay.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.