Mga Bilang 26
26
An Ikaduwang Pagsenso
1Pakatapos kan peste, nagtaram an Kagurangnan ki Moises asin ki Eleazar na aking lalaki kan padi na si Aaron, 2“Sensohon nindo an bilog na komunidad nin Israel sosog sa pamilya, asin ilista nindo an gabos na lalaki na beynteng taon an edad paitaas na maninigong maglingkod sa hukbo.” 3-4Nagkuyog si Moises asin si Eleazar; tinipon ninda an gabos na lalaki na beynteng taon an edad paitaas. Nagtiripon sinda sa kapatagan nin Moab, sa ibong kan Salog nin Jordan hale sa Jerico.
Iyo ini an mga Israelita na naghale sa Egipto:
5An mga kaayon sa tribu ni Ruben na matuang aking lalaki ni Jacob iyo an mga kamaganakan ni Hanok, ni Pallu, 6ni Hezron, asin ni Carmi. 7An bilang kan mga kamaganakan na ini uminabot sa kwarenta y tres mil, syete syentos treynta. 8An aking lalaki ni Pallu iyo si Eliab 9asin an mga aking lalaki ni Eliab iyo si Nemuel, si Datan, saka si Abiram. (Iyo ini an Datan saka an Abiram na pinili kan komunidad. Nagrebelde sinda ki Moises asin ki Aaron, dangan nag-apil sa grupo ni Kora kan magtumang siya sa Kagurangnan. 10Nagbuka an daga dangan hinalon sinda. Nagadan sinda kaiba si Kora asin an mga kairiba niya kan masulo an dos syentos singkwentang kalalakihan; sinda nagin sarong patanid para sa mga tawo. 11Alagad dai ginadan an mga aking lalaki ni Kora.)
12An mga kaayon sa tribu ni Simeon iyo an mga kamaganakan ni Nemuel, ni Jamin, ni Jakin, 13ni Zera, asin ni Shaul. 14An bilang kan mga kamaganakan na ini uminabot sa beynte y dos mil, dos syentos.
15An mga kaayon sa tribu ni Gad iyo an mga kamaganakan ni Zefon, ni Haggi, ni Suni, 16ni Ozni, ni Eri, 17ni Arod, asin ni Areli. 18An bilang kan mga kamaganakan na ini uminabot sa kwarenta mil, kinyentos.
19-21An mga kaayon sa tribu ni Juda iyo an mga kamaganakan ni Sela, ni Perez, ni Zera, ni Hezron, asin ni Hamul. (An duwa sa mga aking lalaki ni Juda na si Er asin si Onan, nagadan sa daga nin Canaan.) 22An bilang kan mga kamaganakan na ini uminabot sa setenta y seis mil, kinyentos.
23An mga kaayon sa tribu ni Issakar iyo an mga kamaganakan ni Tola, ni Pua, 24ni Jasub, asin ni Simron. 25An bilang kan mga kamaganakan na ini uminabot sa sesenta y kwatro mil, tres syentos.
26An mga kaayon sa tribu ni Zabulon iyo an mga kamaganakan ni Sered, ni Elon, asin ni Jaleel. 27An bilang kan mga kamaganakan na ini uminabot sa sesenta mil, kinyentos.
28An mga kaayon sa tribu ni Jose iyo an kamaganakan kan duwa niyang aking lalaki na si Manases asin si Efraim.
29An mga kaayon sa tribu ni Manases iyo si Makir na aking lalaki ni Manases. Si Makir iyo an ama ni Gilead, asin masososog ki Gilead an ginikanan kan minasunod na kamaganakan ninda: 30an mga kamaganakan ni Iezer, ni Helek, 31ni Asriel, ni Shekem, 32ni Semida, asin ni Hefer. 33Si Zelofehad na aking lalaki ni Hefer dai nagkaigwa nin mga aking lalaki kundi mga babae sana. An ngaran kan mga babae iyo si Mala, si Noe, si Hogla, si Milca, asin si Tirza. 34An bilang kan mga kamaganakan na ini uminabot sa singkwenta y dos mil, syete syentos.
35An mga kaayon sa tribu ni Efraim iyo an mga kamaganakan ni Sutela, ni Beker, asin ni Tahan. 36Masososog ki Sutela an ginikanan kan kamaganakan ni Eran. 37An bilang kan mga kamaganakan na ini uminabot sa treynta y dos mil, kinyentos.
Iyo ini an mga kamaganakan na guminikan ki Jose.
38An mga kaayon sa tribu ni Benjamin iyo an mga kamaganakan ni Bela, ni Asbel, ni Ahiram, 39ni Sefufam, asin ni Hufam. 40Masososog ki Bela an ginikanan kan kamaganakan ni Ard asin ni Naaman. 41An bilang kan mga kamaganakan na ini uminabot sa kwarenta y singko mil, seis syentos.
42An mga kaayon sa tribu ni Dan iyo an kamaganakan ni Husim, 43na an bilang uminabot sa sesenta y kwatro mil, kwatro syentos.
44An mga kaayon sa tribu ni Aser iyo an mga kamaganakan ni Imna, Isvi, asin ni Berias. 45Masososog ki Berias an kamaganakan ni Heber asin ni Malkiel. 46Si Aser igwa nin aking babae na an ngaran Sera. 47An bilang kan mga kamaganakan na ini uminabot sa singkwenta y tres mil, kwatro syentos.
48An mga kaayon sa tribu ni Neftali iyo an mga kamaganakan ni Jazeel, ni Guni, 49ni Jezer, asin ni Sillem. 50An bilang kan mga kamaganakan na ini uminabot sa kwarenta y singko mil, kwatro syentos.
51An kabilogan na bilang kan mga Israelitang lalaki uminabot sa seis syentos uno mil, syete syentos treynta.
52Nagtaram an Kagurangnan ki Moises, 53“Bangaon mo an daga sa mga tribu sosog sa saindang kadakulaan. 54-56Bangaon mo an daga sa paagi nin ripa; tawan mo nin dakulang kahirasan an dakulang tribu, asin nin sadit na kahirasan an sadit na tribu.”
57An mga kaayon sa tribu ni Levi iyo an mga kamaganakan ni Gerson, ni Kohat, asin ni Merari. 58Kaiba sa saindang kapagarakian an mga pamilya ni Libni, ni Hebron, ni Mali, ni Musi, asin ni Kora. Si Kohat iyo an ama ni Amram, 59na an agom iyo an aking babae ni Levi na si Jokebed na namundag sa Egipto. Nagin aki ninda si Aaron, si Moises asin si Miriam. 60Si Aaron nagkaigwa nin apat na aking lalaki na iyo si Nadab, si Abihu, si Eleazar asin si Itamar. 61Nagadan si Nadab asin si Abihu kan magdolot sinda sa Kagurangnan nin bakong banal na kalayo. 62An mga lalaking Levita na sarong bulan an edad paitaas uminabot sa bilang na beynte y tres mil. Ilinista sindang suhay sa ibang mga Israelita, huli ta dai sinda tinawan nin ano man na kahirasan sa Israel.
63Ilinista ni Moises asin ni Eleazar an mga kamaganakan na ini kan sensohon ninda an mga Israelita sa kapatagan nin Moab, sa ibong kan Salog nin Jordan hale sa Jerico. 64Mayo nin natada minsan saro sa mga ilinista ni Moises asin ni Aaron sa enot na pagsenso duman sa Desyerto nin Sinai. 65Nagtaram an Kagurangnan na sinda gabos magagadan sa kalangtadan, asin nagadan mananggad sinda pwera ki Caleb na aking lalaki ni Jefunne, asin ki Josue na aking lalaki ni Nun.
Currently Selected:
Mga Bilang 26: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
