An Surat ni Jeremias 1
1
1Saro ining kopya kan surat na ipinadara ni Jeremias sa mga taga Jerusalem bago sinda binihag kan hade nin Babilonia saka dinara sa Babilon. Nasusurat digdi an mensahe na ipinagboot nin Dios ki Jeremias na itao sainda.
An Banwaan Nakaatubang sa Sarong Halawig na Pagkabihag
2Nagkasala kamo sa Dios. Kaya madali na kamong darahon sa Babilon bilang mga bihag ni Hadeng Nebukadnezzar. 3Magdadanay kamong bihag duman sa halawig na panahon, sagkod sa ikapitong henerasyon. Pakatapos kaiyan matoninong kamong papangenotan nin Dios pabalik sa saindong daga hale sa Babilon.
4Duman sa Babilon mahihiling nindo an mga dios-dios na gibo sa kahoy, plata, saka bulawan. An mga dios-dios na ini pinapasan kan mga tawo saka natatakotan kan mga pagano. 5Mag-ingat kamo na dai nanggad mag-arog sa mga paganong idto. Dai kamo matakot sa mga dios-dios na idto kun mahiling nindo sinda na ipinagpoprosesyon saka sinasamba. 6Embes kaiyan, magsaboot kamo, “Kagurangnan, ika sana an samong sasambahon.” 7Iibahan kamo duman kan anghel nin Dios asin aatamanon niya kamo.
Mayo nin Magiginibo an mga Dios-dios
8An saindang mga dios-dios nakakalopkopan nin plata saka bulawan, asin igwa nin dila na ginibo kan mga paraukit. Alagad dai sinda nakakataram huli ta bako sindang totoong dios. 9Minagibo nin mga koronang bulawan an mga tawo dangan ibinubugtak iyan sa payo kan saindang mga dios-dios, na garo baga an mga ini mga babaeng mahilig sa mga alahas. 10May mga panahon na an mga plata saka bulawan kan mga dios-dios hilom na hinahabon kan mga padi saka ginagasto ninda para sa sadiri; 11kun minsan ibinabayad ninda iyan sa mga maraot na babae sa templo. An mga dios-dios na iyan na gibo sa kahoy, plata, saka bulawan ginugubingan ninda na garo mga tawo. 12Alagad an mga dios-dios, sulotan man nin mga gubing na purpura, dai kayang mag-ingat kan saindang sadiri tanganing dai sinda pagtaklaon asin pag-anayon. 13Kun minahugpa sa saindang lalawogon an alpog sa templo, kaipuhan igwa nin maghale kaiyan. 14May kapot sindang setro arog kan mga hukom, alagad mayo sinda nin kapangyarihan na padusahan an nagkasala sainda. 15Kun minsan igwa sinda nin kapot na kutsilyo saka patok, alagad dai ninda kayang iligtas an saindang sadiri tanganing dai maraot sa gera o madara kan mga parahabon. 16An gabos na ini nagpapatotoo na bako sindang dios. Kaya dai nindo sinda pagsambahon.
17Arog sa pasang mangko, mayo nin pakinabang an mga dios-dios na idto na nagtutukaw sa saindang mga templo. An saindang mga mata pano nin alpog na dara kan mga bitis kan mga tawong naglalaog duman. 18Pinapapusog kan mga padi an mga templo sa paagi nin mga pinto, barat, saka mga kandado, tanganing dai makalaog an mga parahabon. Kinukulong ninda an mga dios-dios arog sa sarong bilanggo na madali nang gadanon huli sa sarong krimen laban sa hade. 19An mga padi nagpapagkot nin mga ilawan para sa mga dios-dios, na mas dakul ki sa kaipuhan ninda, alagad maski saro kaiyan dai nahihiling kan mga dios-dios. 20An laog ninda kinakakan kan mga anay, arog kan kahoy na kahabaan kan templo, asin raot na an saindang gubing, alagad dai sinda nakakaaram. 21Nangingitom na kan aso na hale sa templo an saindang lalawogon. 22Nagtutugdon sainda an mga kalabidong, mga dignos, saka iba pang gamgam, asin nagtutukaw sainda pati mga ikos. 23An gabos na ini nagpapatotoo na bako sinda dios. Kaya dai nindo sinda pagsambahon.
24An mga dios-dios na ini nakakalopkopan nin bulawan tanganing gumayon, alagad dai sinda magkikinang kun mayo nin magpakinang sainda. Kan sinda tunawon saka pormahon mayo sinda nin namatean. 25Mayo nin kalaenan kun gurano kamahal an presyong ibinabayad para sainda; dai sindang hinangos. 26Mayo sinda nin pakinabang. Kaipuhan pang pasanon sinda huli ta dai sinda nakakalakaw. 27Maski an nag-aataman kan mga dios-dios napapasopog kun nahuhulog an saro sainda asin kaipuhan na puroton iyan. Kun an saro sa mga dios-dios pinapatindog sa sarong lugar, dai iyan nakakahiro. Dangan kun napapatagilid iyan, dai iyan nakakatanos. An pagdolot sainda nin mga regalo nakakaarog sa pagtao nin regalo sa sarong bangkay. 28Ipinapabakal kan mga padi an mga isinakripisyo sa saindang mga dios-dios saka ginagamit ninda an kwarta para sa saindang sadiri. An ibang sakripisyo inaasinan kan saindang mga agom tanganing gamiton ngapit, embes na ihiras sa mga dukha asin sa mga mayong sukat. 29Maski an mga babaeng nareregla o bagong mangaki tinutugotan na magduta sa mga sakripisyo. An gabos na ini nagpapatotoo na bako sinda dios. Kaya dai nindo sinda pagsambahon.
30Paanong maapod sindang mga dios mantang tinutugotan an mga babae na magdolot sa mga bagay na iyan na gibo sa kahoy, plata, saka bulawan? 31Maski panahon nin pagmondo nagtutukaw sa laog kan templo an mga padi na girisi an gubing, aris an buhok, saka mayo nin tahob an payo. 32Nagriribok sinda asin nagkukurahaw sa atubangan kan saindang mga dios-dios arog kan ginigibo nin iba sa panahon na igwa nin gadan. 33Hinuhuba ninda an gubing kan saindang mga dios-dios dangan itinatao sa saindang mga agom saka mga aki. 34Gibohan man nin maraot o nin marahay an mga dios-dios na iyan, dai sinda makakabalos. An sarong tawo dai ninda magigibong hade asin an sarong hade dai ninda mapapahale sa saiyang trono. 35Dai ninda mapapayaman an sarong tawo o matatawan nin kwarta. Kun igwa nin manuga sainda dangan dai maotob iyan, dai ninda iyan mapapabayad. 36Dai ninda ikakaligtas sa kagadanan an sarong tawo, asin dai ninda matatabangan an maluya laban sa makosog. 37Dai ninda magigibong makahiling an sarong buta o ikakaligtas an nasa kasakitan. 38Mayo sinda nin ikakatabang sa mga babaeng balo saka mga ilo. 39An mga bagay na ini na gibo sa kahoy asin napapatos nin plata saka bulawan nakakaarog sa gapong hale sa kabukidan na mayo nin kapangyarihan. Mapapasopog an mga nagsasamba sainda. 40Kaya paano sinda ibibilang o aapodon na mga dios?
An Kalolongan kan Pagsamba sa mga Dios-dios
An mga taga Babilonia iyo mismo an naghahale kan onra kan sadiri nindang mga dios. 41Kun may nahihiling sindang sarong pola, dinadara ninda ini sa templo ni Bel tanganing ipamibi na makataram, na garo baga nasasabotan sinda ni Bel. 42Alagad huli sa saindang kamangmangan, maski aram nindang dai nakakatabang an saindang mga dios, padagos na sinasamba ninda an mga ini. 43Bako sana iyan, may mga babae na nagtutukaw sa gilid kan dalan, may gakod na lubid saka nagtututong nin insenso. Dangan itinatangro ninda an saindang sadiri sa mga lalaki. Kun may napiling saro, minabalik ini tanganing rawrawan an babaeng nagtutukaw kasunod niya na kaya dai napili huli ta bakong magayon arog saiya. 44An gabos na ginigibo manongod sa mga dios na ini bakong tama. Paano sinda ibibilang o aapodon na mga dios?
45Gibo sinda kan mga paraukit saka mga panday; kun ano an boot kan mga ini iyo an mangyayari sainda. 46An mga tawong naggibo sainda dai mabubuhay nin halawig, kaya paanong magigin dios an saindang ginibo? 47An mga tawong ini mayo nin iwinalat na pamana para sa masurunod na henerasyon kundi kaputikan asin kasosopgan. 48Kun minaabot an gera saka karibokan, minaplano an mga padi kun saen sinda magtatago kaiba an saindang mga dios. 49Mayo nin magiginibo an mga dios na iyan sa panahon nin gera asin karibokan. Tadaw ta dai nahihiling kan mga tawo na bako sindang mga dios?
50An mga dios na iyan mga kahoy sana na pinatos nin plata saka bulawan. Maabot an panahon na magigin malinaw nanggad na bako sinda mga dios. 51Maaaraman kan gabos na nasyon saka mga hade na an mga dios gibo sana nin tawo. Mayo sinda kan kapangyarihan nin sarong dios, 52asin dapat na maaraman kan gabos na bako sinda totoong dios.
53An sarong tawo dai ninda magigibong hade asin dai ninda mapapabulos an uran. 54Dai sinda makakapagdesisyon manongod sa sadiring mga kasibotan o makakatao nin hustisya sa sarong inapi; mayo nanggad sinda nin magigibo. Mayo sinda nin pakinabang arog kan mga uwak na naglalayog sa kaitaasan. 55Kun nasusulo an templo, minadurulag an mga padi tanganing iligtas an saindang sadiri. Binabayaan ninda an mga dios-dios na gibo sa kahoy asin patos nin plata saka bulawan na nasusulo arog sa mga kahoy na kahabaan. 56Dai sinda makakalaban sa mga hade o makakaduman sa gera. Siisay an matubod na dios sinda?
57Dai ikakaligtas kan mga dios-dios na iyan na gibo sa kahoy asin napapatos nin plata saka bulawan an saindang sadiri laban sa mga parahabon saka mga tulisan na minakua kan mga 58plata, mga bulawan saka mga gubing kan mga dios-dios. Dai sinda mapupugol kan mga dios-dios. 59Marahay pa ki sa mga bakong totoong dios na iyan an sarong maisog na hade o an sarong kasangkapan sa harong. Marahay pa ki sa sainda an sarong pinto na nag-iingat kan mga bagay na nasa laog kan harong. Maski an kahoy na harigi sa sarong palasyo marahay pa ki sa bakong totoong dios.
60Linalang nin Dios an aldaw, an bulan, saka an mga bitoon tanganing magtao nin liwanag, asin minakuyog sinda saiya. 61Siring man an kikilat saka an doros. Mahihiling maski sa harayo an kikilat asin naghuhuyop maski saen an doros. 62Kun pinagbobotan nin Dios an mga panganoron na maglakop sa bilog na kinaban, minakuyog sinda. 63Kun an Dios minapahilig nin kalayo hale sa langit tanganing suloon an kabukidan asin kadlagan, minakuyog iyan kan pagboot niya. An mga bagay na ini dai magigibo kan mga dios-dios—dai ngani ninda iyan kayang arogon. 64Tadaw ta aapodon ta sindang mga dios, mantang dai ninda kayang tabangan kita o kulogon? 65Aram nindo na bako sinda dios, kaya dai nindo sinda pagsambahon.
66An mga dios-dios na ini mayo nin kapangyarihan sa mga hade; dai ninda pwedeng maldisyonon an mga ini o tawan nin mga bendisyon. 67Dai ninda matatawan an mga nasyon nin anoman na tanda sa langit; dai sinda makakatao nin liwanag arog kan aldaw o kan bulan. 68Marahay pa an mga lalaw na hayop ki sa mga dios-dios na iyan, huli ta nakakadulag sinda sa pag-alaman asin natatabangan ninda an saindang sadiri. 69Kaya malinaw nanggad na bako sinda mga dios. Dai nindo sinda pagsambahon.
70An mga dios-dios nindang iyan, na gibo sa kahoy asin patos nin plata saka bulawan nakakaarog sa tawo-tawong patakot sa oma. Mayo iyan nin ikakatabang. 71Garo iyan matonok na sadit na kahoy sa sarong tatamnan na embes na alawon an mga gamgam iyo logod an nagtataong tugdonan sainda. An mga dios-dios na iyan nakakaarog sa bangkay na itinapok sa kadikloman. 72Girisi na an gubing na kolor purpura saka lino#1:72 lino; sa Griyego marmol. na sulot ninda, kaya aram ta na bako sinda dios. Sa kataposan, uuboson sinda kan mga anay asin mayo na sinda nin pakinabang sa kiisay man maski saen.
73Mas marahay an sarong tawong matanos na mayo nin mga dios-dios, huli ta dai siya madadaya asin dai mapapasopog.
Currently Selected:
An Surat ni Jeremias 1: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
An Surat ni Jeremias 1
1
1Saro ining kopya kan surat na ipinadara ni Jeremias sa mga taga Jerusalem bago sinda binihag kan hade nin Babilonia saka dinara sa Babilon. Nasusurat digdi an mensahe na ipinagboot nin Dios ki Jeremias na itao sainda.
An Banwaan Nakaatubang sa Sarong Halawig na Pagkabihag
2Nagkasala kamo sa Dios. Kaya madali na kamong darahon sa Babilon bilang mga bihag ni Hadeng Nebukadnezzar. 3Magdadanay kamong bihag duman sa halawig na panahon, sagkod sa ikapitong henerasyon. Pakatapos kaiyan matoninong kamong papangenotan nin Dios pabalik sa saindong daga hale sa Babilon.
4Duman sa Babilon mahihiling nindo an mga dios-dios na gibo sa kahoy, plata, saka bulawan. An mga dios-dios na ini pinapasan kan mga tawo saka natatakotan kan mga pagano. 5Mag-ingat kamo na dai nanggad mag-arog sa mga paganong idto. Dai kamo matakot sa mga dios-dios na idto kun mahiling nindo sinda na ipinagpoprosesyon saka sinasamba. 6Embes kaiyan, magsaboot kamo, “Kagurangnan, ika sana an samong sasambahon.” 7Iibahan kamo duman kan anghel nin Dios asin aatamanon niya kamo.
Mayo nin Magiginibo an mga Dios-dios
8An saindang mga dios-dios nakakalopkopan nin plata saka bulawan, asin igwa nin dila na ginibo kan mga paraukit. Alagad dai sinda nakakataram huli ta bako sindang totoong dios. 9Minagibo nin mga koronang bulawan an mga tawo dangan ibinubugtak iyan sa payo kan saindang mga dios-dios, na garo baga an mga ini mga babaeng mahilig sa mga alahas. 10May mga panahon na an mga plata saka bulawan kan mga dios-dios hilom na hinahabon kan mga padi saka ginagasto ninda para sa sadiri; 11kun minsan ibinabayad ninda iyan sa mga maraot na babae sa templo. An mga dios-dios na iyan na gibo sa kahoy, plata, saka bulawan ginugubingan ninda na garo mga tawo. 12Alagad an mga dios-dios, sulotan man nin mga gubing na purpura, dai kayang mag-ingat kan saindang sadiri tanganing dai sinda pagtaklaon asin pag-anayon. 13Kun minahugpa sa saindang lalawogon an alpog sa templo, kaipuhan igwa nin maghale kaiyan. 14May kapot sindang setro arog kan mga hukom, alagad mayo sinda nin kapangyarihan na padusahan an nagkasala sainda. 15Kun minsan igwa sinda nin kapot na kutsilyo saka patok, alagad dai ninda kayang iligtas an saindang sadiri tanganing dai maraot sa gera o madara kan mga parahabon. 16An gabos na ini nagpapatotoo na bako sindang dios. Kaya dai nindo sinda pagsambahon.
17Arog sa pasang mangko, mayo nin pakinabang an mga dios-dios na idto na nagtutukaw sa saindang mga templo. An saindang mga mata pano nin alpog na dara kan mga bitis kan mga tawong naglalaog duman. 18Pinapapusog kan mga padi an mga templo sa paagi nin mga pinto, barat, saka mga kandado, tanganing dai makalaog an mga parahabon. Kinukulong ninda an mga dios-dios arog sa sarong bilanggo na madali nang gadanon huli sa sarong krimen laban sa hade. 19An mga padi nagpapagkot nin mga ilawan para sa mga dios-dios, na mas dakul ki sa kaipuhan ninda, alagad maski saro kaiyan dai nahihiling kan mga dios-dios. 20An laog ninda kinakakan kan mga anay, arog kan kahoy na kahabaan kan templo, asin raot na an saindang gubing, alagad dai sinda nakakaaram. 21Nangingitom na kan aso na hale sa templo an saindang lalawogon. 22Nagtutugdon sainda an mga kalabidong, mga dignos, saka iba pang gamgam, asin nagtutukaw sainda pati mga ikos. 23An gabos na ini nagpapatotoo na bako sinda dios. Kaya dai nindo sinda pagsambahon.
24An mga dios-dios na ini nakakalopkopan nin bulawan tanganing gumayon, alagad dai sinda magkikinang kun mayo nin magpakinang sainda. Kan sinda tunawon saka pormahon mayo sinda nin namatean. 25Mayo nin kalaenan kun gurano kamahal an presyong ibinabayad para sainda; dai sindang hinangos. 26Mayo sinda nin pakinabang. Kaipuhan pang pasanon sinda huli ta dai sinda nakakalakaw. 27Maski an nag-aataman kan mga dios-dios napapasopog kun nahuhulog an saro sainda asin kaipuhan na puroton iyan. Kun an saro sa mga dios-dios pinapatindog sa sarong lugar, dai iyan nakakahiro. Dangan kun napapatagilid iyan, dai iyan nakakatanos. An pagdolot sainda nin mga regalo nakakaarog sa pagtao nin regalo sa sarong bangkay. 28Ipinapabakal kan mga padi an mga isinakripisyo sa saindang mga dios-dios saka ginagamit ninda an kwarta para sa saindang sadiri. An ibang sakripisyo inaasinan kan saindang mga agom tanganing gamiton ngapit, embes na ihiras sa mga dukha asin sa mga mayong sukat. 29Maski an mga babaeng nareregla o bagong mangaki tinutugotan na magduta sa mga sakripisyo. An gabos na ini nagpapatotoo na bako sinda dios. Kaya dai nindo sinda pagsambahon.
30Paanong maapod sindang mga dios mantang tinutugotan an mga babae na magdolot sa mga bagay na iyan na gibo sa kahoy, plata, saka bulawan? 31Maski panahon nin pagmondo nagtutukaw sa laog kan templo an mga padi na girisi an gubing, aris an buhok, saka mayo nin tahob an payo. 32Nagriribok sinda asin nagkukurahaw sa atubangan kan saindang mga dios-dios arog kan ginigibo nin iba sa panahon na igwa nin gadan. 33Hinuhuba ninda an gubing kan saindang mga dios-dios dangan itinatao sa saindang mga agom saka mga aki. 34Gibohan man nin maraot o nin marahay an mga dios-dios na iyan, dai sinda makakabalos. An sarong tawo dai ninda magigibong hade asin an sarong hade dai ninda mapapahale sa saiyang trono. 35Dai ninda mapapayaman an sarong tawo o matatawan nin kwarta. Kun igwa nin manuga sainda dangan dai maotob iyan, dai ninda iyan mapapabayad. 36Dai ninda ikakaligtas sa kagadanan an sarong tawo, asin dai ninda matatabangan an maluya laban sa makosog. 37Dai ninda magigibong makahiling an sarong buta o ikakaligtas an nasa kasakitan. 38Mayo sinda nin ikakatabang sa mga babaeng balo saka mga ilo. 39An mga bagay na ini na gibo sa kahoy asin napapatos nin plata saka bulawan nakakaarog sa gapong hale sa kabukidan na mayo nin kapangyarihan. Mapapasopog an mga nagsasamba sainda. 40Kaya paano sinda ibibilang o aapodon na mga dios?
An Kalolongan kan Pagsamba sa mga Dios-dios
An mga taga Babilonia iyo mismo an naghahale kan onra kan sadiri nindang mga dios. 41Kun may nahihiling sindang sarong pola, dinadara ninda ini sa templo ni Bel tanganing ipamibi na makataram, na garo baga nasasabotan sinda ni Bel. 42Alagad huli sa saindang kamangmangan, maski aram nindang dai nakakatabang an saindang mga dios, padagos na sinasamba ninda an mga ini. 43Bako sana iyan, may mga babae na nagtutukaw sa gilid kan dalan, may gakod na lubid saka nagtututong nin insenso. Dangan itinatangro ninda an saindang sadiri sa mga lalaki. Kun may napiling saro, minabalik ini tanganing rawrawan an babaeng nagtutukaw kasunod niya na kaya dai napili huli ta bakong magayon arog saiya. 44An gabos na ginigibo manongod sa mga dios na ini bakong tama. Paano sinda ibibilang o aapodon na mga dios?
45Gibo sinda kan mga paraukit saka mga panday; kun ano an boot kan mga ini iyo an mangyayari sainda. 46An mga tawong naggibo sainda dai mabubuhay nin halawig, kaya paanong magigin dios an saindang ginibo? 47An mga tawong ini mayo nin iwinalat na pamana para sa masurunod na henerasyon kundi kaputikan asin kasosopgan. 48Kun minaabot an gera saka karibokan, minaplano an mga padi kun saen sinda magtatago kaiba an saindang mga dios. 49Mayo nin magiginibo an mga dios na iyan sa panahon nin gera asin karibokan. Tadaw ta dai nahihiling kan mga tawo na bako sindang mga dios?
50An mga dios na iyan mga kahoy sana na pinatos nin plata saka bulawan. Maabot an panahon na magigin malinaw nanggad na bako sinda mga dios. 51Maaaraman kan gabos na nasyon saka mga hade na an mga dios gibo sana nin tawo. Mayo sinda kan kapangyarihan nin sarong dios, 52asin dapat na maaraman kan gabos na bako sinda totoong dios.
53An sarong tawo dai ninda magigibong hade asin dai ninda mapapabulos an uran. 54Dai sinda makakapagdesisyon manongod sa sadiring mga kasibotan o makakatao nin hustisya sa sarong inapi; mayo nanggad sinda nin magigibo. Mayo sinda nin pakinabang arog kan mga uwak na naglalayog sa kaitaasan. 55Kun nasusulo an templo, minadurulag an mga padi tanganing iligtas an saindang sadiri. Binabayaan ninda an mga dios-dios na gibo sa kahoy asin patos nin plata saka bulawan na nasusulo arog sa mga kahoy na kahabaan. 56Dai sinda makakalaban sa mga hade o makakaduman sa gera. Siisay an matubod na dios sinda?
57Dai ikakaligtas kan mga dios-dios na iyan na gibo sa kahoy asin napapatos nin plata saka bulawan an saindang sadiri laban sa mga parahabon saka mga tulisan na minakua kan mga 58plata, mga bulawan saka mga gubing kan mga dios-dios. Dai sinda mapupugol kan mga dios-dios. 59Marahay pa ki sa mga bakong totoong dios na iyan an sarong maisog na hade o an sarong kasangkapan sa harong. Marahay pa ki sa sainda an sarong pinto na nag-iingat kan mga bagay na nasa laog kan harong. Maski an kahoy na harigi sa sarong palasyo marahay pa ki sa bakong totoong dios.
60Linalang nin Dios an aldaw, an bulan, saka an mga bitoon tanganing magtao nin liwanag, asin minakuyog sinda saiya. 61Siring man an kikilat saka an doros. Mahihiling maski sa harayo an kikilat asin naghuhuyop maski saen an doros. 62Kun pinagbobotan nin Dios an mga panganoron na maglakop sa bilog na kinaban, minakuyog sinda. 63Kun an Dios minapahilig nin kalayo hale sa langit tanganing suloon an kabukidan asin kadlagan, minakuyog iyan kan pagboot niya. An mga bagay na ini dai magigibo kan mga dios-dios—dai ngani ninda iyan kayang arogon. 64Tadaw ta aapodon ta sindang mga dios, mantang dai ninda kayang tabangan kita o kulogon? 65Aram nindo na bako sinda dios, kaya dai nindo sinda pagsambahon.
66An mga dios-dios na ini mayo nin kapangyarihan sa mga hade; dai ninda pwedeng maldisyonon an mga ini o tawan nin mga bendisyon. 67Dai ninda matatawan an mga nasyon nin anoman na tanda sa langit; dai sinda makakatao nin liwanag arog kan aldaw o kan bulan. 68Marahay pa an mga lalaw na hayop ki sa mga dios-dios na iyan, huli ta nakakadulag sinda sa pag-alaman asin natatabangan ninda an saindang sadiri. 69Kaya malinaw nanggad na bako sinda mga dios. Dai nindo sinda pagsambahon.
70An mga dios-dios nindang iyan, na gibo sa kahoy asin patos nin plata saka bulawan nakakaarog sa tawo-tawong patakot sa oma. Mayo iyan nin ikakatabang. 71Garo iyan matonok na sadit na kahoy sa sarong tatamnan na embes na alawon an mga gamgam iyo logod an nagtataong tugdonan sainda. An mga dios-dios na iyan nakakaarog sa bangkay na itinapok sa kadikloman. 72Girisi na an gubing na kolor purpura saka lino#1:72 lino; sa Griyego marmol. na sulot ninda, kaya aram ta na bako sinda dios. Sa kataposan, uuboson sinda kan mga anay asin mayo na sinda nin pakinabang sa kiisay man maski saen.
73Mas marahay an sarong tawong matanos na mayo nin mga dios-dios, huli ta dai siya madadaya asin dai mapapasopog.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.