Myeelwe 26
26
Kubalwa kwabili
1 #
Mye 1:1-46
Niwakamana mwiika, Yaahwe wakaambila Mozesi u Eliyazali mwanakwe Aloni mupaizhi ati, 2“Amwiibale imbungano ya bantu ba Izilaili, kuhwa bakwete myaka ili makumi obile (20) ya kuzhalwa kuya kumbele, mu maanda a maushabo u babo boonse mu Izilaili bakonzha kuya kunkondo.” 3Mozesi u Eliyazali mupaizhi, bakabandika abo munshi-munshi u mapili a Mowabu, kumutala u Joodani bulangene u Jeliko, ati, 4“Amubabale bantu, kuhwa bakwete myaka ili makumi obile (20) ya kuzhalwa kuya kumbele, mbubona Yaahwe mbwaakalailila Mozesi.” Ba Izilaili bakahwa munshi ya Ijipiti kabali: 5Lubeni, mwana wakutaanguna waka Izilaili; banakwe Lubeni: Hanoki, luhubo lwa Bahanoki; baka Palu, luhubo lwa Bapalu; 6Baka Heziloni, luhubo lwa Baheziloni; baka Kalimi, luhubo lwa Bakalimi. 7Sheshi nshiinhubo sha Balubeni kwiingaina umbubakabalwa, mweelwe wabo kooli shuulu shili makumi one u shuulu shotatwe u myaanda ili chiloba u makumi otatwe (43,730). 8Banakwe Palu: Eliyabu. 9Banakwe Eliyabu: Nemuweli, Datani u Abilamu. Baba mbu ba Datani u Abilamu, bakasalwa kuhwa mumbungano, babo bakalwisha Mozesi u Aloni munkamu yaka Kola, lelyo nibakalwisha Yaahwe. 10Inshi yakayalula mulomo wa yo u kubamina antoomwi u Kola, ku chiindi imbungano niyakafhwa, lelyo mulilo niwakazonauna chakulokota balombwana bali myaanda yobile u makumi osanwe (250). Baba bakaba chichenjezho. 11Pele ba lunungu lwaka Kola baina ukafhwa.
12Banakwe Simiyoni, kwiingaina yiinhubo shabo: Baka Nemuweli, luhubo lwa Banemuweli; baka Jamini, luhubo lwa Bajamini; baka Jakini, luhubo lwa Bajakini; 13baka Zelahi, luhubo lwa Bazelahi; baka Sawuli, luhubo lwa Basawuli. 14Sheshi nshiinhubo sha Basimiyoni, mweelwe wabo kooli shuulu shili makumi obile u shuulu shobile u myaanda yobile (22,200).
15Banakwe Gadi kwiingaina yiinhubo shabo: baka Zefoni, luhubo lwa Bazefoni; baka Hagi, luhubo lwa Bahagi; baka Shuni, luhubo lwa Bashuni; 16baka Ozini, luhubo lwa Baozini; baka Eli, luhubo lwa Baeli; 17baka Alodi, luhubo lwa Baalodi; baka Aleli; luhubo lwa Baaleli. 18Sheshi nshiinhubo sha banakwe Gadi kwiingaina umbubakabalwa, mweelwe wabo kooli shuulu shili makumi one u myaanda yosanwe (40,500).
19Banakwe Juda kabali ba Eli u Onani. Eli u Onani bakafhwila munshi ya Kenani.
20Banakwe Juda kwiingaina yiinhubo shabo: baka Shela, luhubo lwa Bashela; baka Pelezi, luhubo lwa Bapelezi; baka Zelahi, luhubo lwa Bazelahi 21Banakwe Pelezi: Baheziloni, luhubo lwa Baheziloni; baka Hamuli, luhubo lwa Bahamuli. 22Sheshi nshiinhubo shaka Juda kwiingaina umbubakabalwa, mweelwe wabo kooli shuulu shili makumi aali chiloba u shuulu chisambomwi u myaanda yosanwe (76,500).
23Banakwe Isakali kwiingaina yiinhubo shabo: baka Tola, luhubo lwa Batola; baka Puva, luhubo lwa Bapuni 24baka Jashubu, luhubo lwa Bajashubu; baka Shimuloni, luhubo lwa Bashimuloni. 25Sheshi nshiinhubo shaka Isakali kwiingaina umbushakabalwa, mweelwe wabo kooli shuulu shili makumi aali chisambomwi u shuulu shone u myaanda yotatwe (64,300).
26Banakwe Zebuluni kwiingaina yiinhubo shabo: baka Seledi, luhubo lwa Baseledi; baka Eloni, luhubo lwa Baeloni; baka Jahaleli, luhubo lwa Bajahaleli. 27Sheshi nshiinhubo sha Bazebuluni kwiingaina umbubakabalwa, mweelwe wabo kooli shuulu shili makumi chisambomwi u myaanda yosanwe (60,500).
28Banakwe Jozefu kwiingaina yiinhubo shabo: Manase u Efulaimu. 29Banakwe Manase: baka Makili, luhubo lwa Bamakili; Makili ngu wakaakuli ushi Giliyadi; baka Giliyadi, luhubo lwa Bagileyadi. 30Baba mbubanakwe Giliyadi: baka Lezeli, luhubo lwa Balezeli; baka Heleki, luhubo lwa Baheleki; 31Baka Asiliya, luhubo lwa Baasiliyeli; baka Shekemu, luhubo lwa Bashekemu; 32baka Shemida, luhubo lwa Bashemida; baka Hefeli, luhubo lwa Bahefeli. 33Iinzho Zelofehadi mwanakwe Hefali kaina bana balombwana, pele bakaintu balolona, mazhina abo: Mahila, Nowa, Hogila, Milika u Tiliza. 34Sheshi nshiinhubo shaka Manase, mweelwe wabo wakabalwa kooli shuulu shili makumi osanwe u shuulu shobile u myaanda chiloba (52,700).
35Baba mbubanakwe Efulaimu kwiingaina yiinhubo shabo: baka Shutelahi, luhubo lwa Bashutelahi; baka Bekeli, luhubo lwa Babekeli; baka Tahani, luhubo lwa Batahani. 36Baba mbu banakwe Shutela: baka Elani, luhubo lwa Baelani. 37Sheshi nshiinhubo sha banakwe Efulaimu kwiingaina umbubakabalwa, mweelwe wabo kooli shuulu shili makumi yotatwe u shuulu shobile u myaanda yosanwe (32,500). Baba mbu banakwe Jozefu kwiingaina yiinhubo shabo.
38Banakwe Benjamini kwiingaina yiinhubo shabo: baka Bela, luhubo lwa Babela; baka Ashibeli, luhubo lwa Baashibeli; baka Ahilamu, luhubo lwa Baahilamu; 39baka Shefufamu, luhubo lwa Bashufamu; baka Hufamu, luhubo lwa Bahufamu. 40Banakwe Bela: Aladi u Naamani: baka Aladi, luhubo lwa Baaladi; baka Naamani, luhubo lwa Banaamani. 41Banakwe Benjamini kwiingaina yiinhubo shabo, mweelwe wabo wakabalwa kooli shuulu shili makumi one u shuulu shosanwe u myaanda chisambomwi (45,600).
42Baba mbanakwe Dani kwiingaina yiinhubo shabo: baka Shuhamu, luhubo lwa Bashuhamu. Sheshi nshiinhubo shaka Dani kwiingaina yiinhubo shabo. 43Shoonse inhubo sha Bashuhamu kwiingaina umbubakabalwa, mweelwe wabo kooli shuulu shili makumi chisambomwi u shuulu shone u myaanda yone (64,400).
44Banakwe Asheli kwiingaina yiinhubo shabo: baka Imuna, luhubo lwa Baimuna; baka Ishivi, luhubo lwa Baishivi; baka Beliya, luhubo lwa Babeliya. 45Banakwe Beliya: baka Hebeli, luhubo lwa Bahebeli; baka Malikiyeli, luhubo lwa Bamalikiyeli. 46Mwanakwe Asheli mushimbi kali Selahi. 47Sheshi nshiinhubo sha banakwe Asheli kwiingaina umbubakabalwa, mweelwe wabo kooli shuulu shili makumi osanwe u shuulu shotatwe u myaanda yone (53,400).
48Banakwe Nafutali kwiingaina yiinhubo shabo: baka Jahizeli, luhubo lwa Bajezeli; baka Guni, luhubo lwa Baguni; 49baka Jezeli, luhubo lwa Bajezeli; baka Shilemu, luhubo lwa Bashilemu. 50Sheshi nshiinhubo shaka Nafutali kwiingaina umbushakabalwa, mweelwe wabo kooli shuulu shili makumi one u shuulu shosanwe u myaanda yone (45,400). 51Wezo mweelwe wa bantu ba Izilaili wakabalwa, antoomwi kooli shuulu myaanda chisambomwi u chuulu chomwi u myaanda chiloba u makumi otatwe (601,730).
52 #
Mye 34:13; Jos 14:1, 2 #
Mye 34:13; Jos 14:1, 2 Yaahwe wakaambila Mozesi ati, 53“Inshi yezhi ilakaabanyiwa akati ka baba, kwaamba lukabe lukono kwiingaina u mweelwe wa mazhina.” 54Ku mushobo mukando, ulakapa lukono lukando, ako ku mushobo mushoonto, ulakapa lukono lushoonto; woonse mushobo ulakapewa lukono kwiingaina u mweelwe wabo wakabalwa. 55Pele inshi ilakaabanyiwa kwiita mu kuuma inkakata. Balakakona kwiingaina u mazhina a mishobo ya maushabo. 56Lukono lwabo lulakaabanyiwa kwiita kuuma inkakata mu bukando u mu bushoonto.
57Mbubolya mbubakabalwa Balevi, kwiingaina yiinhubo shabo: baka Gelishoni, luhubo lwa Bagelishoni; baka Kohati, luhubo lwa Bakohati; baka Melali, luhubo lwa Bamelali. 58Sheshi nshiinhubo sha Balevi: luhubo lwa Balibini, luhubo lwa Bahebuloni, luhubo lwa Bamahali, luhubo lwa Bamushi, luhubo lwa Bakolahi. Kohati nguwakaakuli ushi Amulamu. 59Izhina lya mwinakwe Amulamu kalili Jokebedi mwanakwe mushimbi waka Levi, wezo wakazhalwa kwa Levi mu Ijipiti. Kwa Amulamu wakazhala Aloni, Mozesi antoomwi u munyokwabo mukaintu Miliyamu. 60#Mye 3:2#Mye 3:2Aloni wakazhala Nadabu, Abihu, Eliyazali u Itamali. 61#Bale 10:1, 2; Mye 3:4#Bale 10:1, 2; Mye 3:4Pele Nadabu u Abihu bakafhwa lelyo nibakapaizha mulilo wiina ukahumizhiwa kumbele lya Yaahwe. 62Babo bakabalwa kabali shuulu shili makumi obile u shuulu shotatwe (23,000), woonse mulombwana kuhwa ku mwezhi womwi (1) wa kuzhalwa kuya kumbele. Balevi baina ukabalwa akati ka bantu ba Izilaili, nkaambo balo baina lukono ndubakapewa akati ka bantu ba Izilaili.
63Baba mbubakabalwa kwa Mozesi u Eliyazali mupaizhi, babo bakabalwa mweelwe wa bantu ba Izilaili munshi-munshi lya mapili a Mowabu, kumutala wa Joodani bulangene u Jeliko. 64Pele akati ka baba kakwiina naba womwi wa babo bakabalwa kwa Mozesi u Aloni mupaizhi, babo bakabalwa bantu ba Izilaili mwisokwe lya Sinayi. 65#Mye 14:26-35Nkaambo Yaahwe wakabaambila ati, “Balakafhwa mwisokwe.” Kwiina naba womwi wakashaala, chita bulyo Kalebu mwanakwe Jefune u Joshuwa mwanakwe Nuni.
Bible Society of Zambia