Maako 3
3
Jeso Mbwaakaponya Muntu Uupuutile Itashi
(Matayo 12:9-14; Luka 6:6-11)
1Ulimwi Jesu wakanjila mucikombelo caba Juda, momo kamuli muntu wakaakupuutile itashi. 2Kamuli u bantu bamwi bakaakuzanda kupa mulandu Jeso, ubobo bakamulanjisha kwaamba babone na ulamuponya muntu wezo mu buzuba bwa Sabata. 3Jeso wakamwaambila muntu wezo wakaakupuutile itashi ati, “Kweza kono kumbele.” 4Amane Jeso wakababuzha bantu ati, “No mulawo wesu ulatuhumizha kucitaanzhi mu buzuba bwa Sabata? Kuyohwa bantu naa kubazonauna? Kufwutula bumi bwa muntu na kumuyaya?”
Pele balo bakaliinza bulyo. 5Inzho wakabalanjilila ca bukali, wakausa kaambo kabupapyu bwabo. Wakaambila muntu wezo ati, “Hungulula itashi lyako.” Naakalihungulula lyakaba kabotu. 6Inzho ba Falisi bakamuhwa mucikombelo caba Juda baya kuswaangana ubamwi bakabunga kaba Helodiyani kwaamba bayane inzhila yakumuyaya Jeso.
Bantu Banji Banji ku Lwaatele
7Jeso u ba shiciiya bakwe bakaya ku lwaatele lwa Galilaya, inkamu ya bantu yakamucilila. Bamwi bakahwa mucishi ca Galilaya, umucishi ca Judiya, 8umu Jelusalemu, umucishi ca Idumeya kumutala wa lweenje lwa Joodani umuminzhi ya Taya u Sidoni. Baba bantu bakeza kwa Jeso nibakateelela shintu shinji shinji shizoosha nshaakaakuya bucita. 9#Mk 4:1; Lk 5:1-3Ukaambo kakuhula kwa bantu, Jeso wakaambila ba shiciiya ati bamubambile bwato kwaamba bantu batamushaanicizha. 10Nkaambo wakaponya bantu banji banji, ubobo balwazhi kabatonkana kwaamba bamukumye. 11Ubakaakunjililwe moza mubiyabi kufwumbwa bamubona kabawila anshi kumbele kwakwe bakwiila ati, “Ndiwe Mwana Leza.”
12Pele Jeso wakabashinka moza mubiyabi kwaamba batamuzubululi.
Jesu Wasala Batumwa bali Ikumi u Batumwa Bobile
(Matayo 10:1-4; Luka 6:12-16)
13Inzho Jeso wakaliza alupili, waketa mbaakazanda mwini. Bakeza kwakwe, 14inzho wakasala bali ikumi ubatwesha bobile kwaamba abe abo, wakabaulika ati mbatumwa. Wakabaambila ati, “Ndamusala kwaamba mube ame, nkamutume kuya kukambauka. 15Mulakakwata insana shakukusha myoza mibiyabi mubantu.”
16Mbubaba mbaakasala bali ikumi ubatwesha bobile, Saimoni walo Jeso ngwaakaulika ati Pita, 17Jemusi u munina Johani, banakwe Zebedi, babo Jeso mbaakaulika ati Bowanejesi, ucipandulula ati bana bamakali, 18Andulu, u Filipo, u Basolomeyo, u Matayo, u Tomasi, u Jemusi mwanakwe Alufeyasi, u Tadayasi, u Saimoni, wakaakuli mulondo, 19u Judasi Shikalioti shikumwaaba.
Jesu Bamwita ati ngu Belizebule
(Matayo 12:22-32; Luka 11:14-23; 12:10)
20Inzho Jeso wakenjila muŋanda, ulimwi bantu banji banji bakamubunganina cakuti Jeso u ba shiciiya bakwe bakabula ciindi cakulya. 21Basazhiina Jeso nibakateelela bobo bakaya kwaamba bakamukwate, kaambo bamwi bantu bakaakwaamba ati, “Wasondoka!”
22 #
Mat 9:34; 10:25 Inzho bamwi balembi bakahwa ku Jelusalemu bakaamba ati, “Wenjilwa Belizebule mwami wa myoza mibiyabi nguumupa insana shakubakusha.”
23Ngoonaawo Jeso wakabeta bantu wabaambila mushikozhano ati, “Mbubuti Shaatani mbwaakonzha kukusha Shaatani? 24Kuti cishi caandaana mu shipanzha, camana cakanka kulilwisha cini, ceco cishi cilawa. 25Kuti mukowa waandaana mutubunga u kukanka kulilwisha ungamukamwini, wezo mukowa ulazundika. 26Kuti bulelo bwa Shaatani bwalyaandaanya mutubunga, tabukala pe, bulazundwa ukumana.
27“Kwiina uukonzha kunjila muŋanda ya muntu shinsana ukumunanga lubono, cita wataanguna kumwaanga wezo shinsana, na ati walozha kumunanga shoonse shili muŋanda yakwe.
28“Cini cini ndamushimwina ati bantu balakonzha kulecelelwa shibi shoonse nshibakacita nishiba shakusampaula Leza. 29#Lk 12:10Pele muntu wezo usampaula Moza Usalala takalecelelwa, kaambo wacita mulandu uutabi kulecelela.” 30Jeso wakaamba bobo kaambo kakuti, bamwi bakaamba ati, “Ulinjililwe myoza mibiyabi.”
Baina Jesu u Banina
(Matayo 12:46-50; Luka 8:19-21)
31Inzho baina Jeso u banina, bakeza kuzhima ansengwe. Bakatuma muntu kwaamba amwite. 32Inzho bantu banji banji mbucaakushite u Jeso bakamushimina ati, “Nguwelya banoko ubanyoko ansengwe, balakwita.”
33Jeso wakabaingula ati, “Anu nguni bama u bakwesu?” 34Amane wakabacebauka bakaakumuzhingulukile waamba ati, “Amubone, mbubaba babama u bakwesu! 35Kufwumbwa uucita luzando lwa Taata ngumukwesu, ulimwi ngu bama.”
Currently Selected:
Maako 3: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.
Maako 3
3
Jeso Mbwaakaponya Muntu Uupuutile Itashi
(Matayo 12:9-14; Luka 6:6-11)
1Ulimwi Jesu wakanjila mucikombelo caba Juda, momo kamuli muntu wakaakupuutile itashi. 2Kamuli u bantu bamwi bakaakuzanda kupa mulandu Jeso, ubobo bakamulanjisha kwaamba babone na ulamuponya muntu wezo mu buzuba bwa Sabata. 3Jeso wakamwaambila muntu wezo wakaakupuutile itashi ati, “Kweza kono kumbele.” 4Amane Jeso wakababuzha bantu ati, “No mulawo wesu ulatuhumizha kucitaanzhi mu buzuba bwa Sabata? Kuyohwa bantu naa kubazonauna? Kufwutula bumi bwa muntu na kumuyaya?”
Pele balo bakaliinza bulyo. 5Inzho wakabalanjilila ca bukali, wakausa kaambo kabupapyu bwabo. Wakaambila muntu wezo ati, “Hungulula itashi lyako.” Naakalihungulula lyakaba kabotu. 6Inzho ba Falisi bakamuhwa mucikombelo caba Juda baya kuswaangana ubamwi bakabunga kaba Helodiyani kwaamba bayane inzhila yakumuyaya Jeso.
Bantu Banji Banji ku Lwaatele
7Jeso u ba shiciiya bakwe bakaya ku lwaatele lwa Galilaya, inkamu ya bantu yakamucilila. Bamwi bakahwa mucishi ca Galilaya, umucishi ca Judiya, 8umu Jelusalemu, umucishi ca Idumeya kumutala wa lweenje lwa Joodani umuminzhi ya Taya u Sidoni. Baba bantu bakeza kwa Jeso nibakateelela shintu shinji shinji shizoosha nshaakaakuya bucita. 9#Mk 4:1; Lk 5:1-3Ukaambo kakuhula kwa bantu, Jeso wakaambila ba shiciiya ati bamubambile bwato kwaamba bantu batamushaanicizha. 10Nkaambo wakaponya bantu banji banji, ubobo balwazhi kabatonkana kwaamba bamukumye. 11Ubakaakunjililwe moza mubiyabi kufwumbwa bamubona kabawila anshi kumbele kwakwe bakwiila ati, “Ndiwe Mwana Leza.”
12Pele Jeso wakabashinka moza mubiyabi kwaamba batamuzubululi.
Jesu Wasala Batumwa bali Ikumi u Batumwa Bobile
(Matayo 10:1-4; Luka 6:12-16)
13Inzho Jeso wakaliza alupili, waketa mbaakazanda mwini. Bakeza kwakwe, 14inzho wakasala bali ikumi ubatwesha bobile kwaamba abe abo, wakabaulika ati mbatumwa. Wakabaambila ati, “Ndamusala kwaamba mube ame, nkamutume kuya kukambauka. 15Mulakakwata insana shakukusha myoza mibiyabi mubantu.”
16Mbubaba mbaakasala bali ikumi ubatwesha bobile, Saimoni walo Jeso ngwaakaulika ati Pita, 17Jemusi u munina Johani, banakwe Zebedi, babo Jeso mbaakaulika ati Bowanejesi, ucipandulula ati bana bamakali, 18Andulu, u Filipo, u Basolomeyo, u Matayo, u Tomasi, u Jemusi mwanakwe Alufeyasi, u Tadayasi, u Saimoni, wakaakuli mulondo, 19u Judasi Shikalioti shikumwaaba.
Jesu Bamwita ati ngu Belizebule
(Matayo 12:22-32; Luka 11:14-23; 12:10)
20Inzho Jeso wakenjila muŋanda, ulimwi bantu banji banji bakamubunganina cakuti Jeso u ba shiciiya bakwe bakabula ciindi cakulya. 21Basazhiina Jeso nibakateelela bobo bakaya kwaamba bakamukwate, kaambo bamwi bantu bakaakwaamba ati, “Wasondoka!”
22 #
Mat 9:34; 10:25 Inzho bamwi balembi bakahwa ku Jelusalemu bakaamba ati, “Wenjilwa Belizebule mwami wa myoza mibiyabi nguumupa insana shakubakusha.”
23Ngoonaawo Jeso wakabeta bantu wabaambila mushikozhano ati, “Mbubuti Shaatani mbwaakonzha kukusha Shaatani? 24Kuti cishi caandaana mu shipanzha, camana cakanka kulilwisha cini, ceco cishi cilawa. 25Kuti mukowa waandaana mutubunga u kukanka kulilwisha ungamukamwini, wezo mukowa ulazundika. 26Kuti bulelo bwa Shaatani bwalyaandaanya mutubunga, tabukala pe, bulazundwa ukumana.
27“Kwiina uukonzha kunjila muŋanda ya muntu shinsana ukumunanga lubono, cita wataanguna kumwaanga wezo shinsana, na ati walozha kumunanga shoonse shili muŋanda yakwe.
28“Cini cini ndamushimwina ati bantu balakonzha kulecelelwa shibi shoonse nshibakacita nishiba shakusampaula Leza. 29#Lk 12:10Pele muntu wezo usampaula Moza Usalala takalecelelwa, kaambo wacita mulandu uutabi kulecelela.” 30Jeso wakaamba bobo kaambo kakuti, bamwi bakaamba ati, “Ulinjililwe myoza mibiyabi.”
Baina Jesu u Banina
(Matayo 12:46-50; Luka 8:19-21)
31Inzho baina Jeso u banina, bakeza kuzhima ansengwe. Bakatuma muntu kwaamba amwite. 32Inzho bantu banji banji mbucaakushite u Jeso bakamushimina ati, “Nguwelya banoko ubanyoko ansengwe, balakwita.”
33Jeso wakabaingula ati, “Anu nguni bama u bakwesu?” 34Amane wakabacebauka bakaakumuzhingulukile waamba ati, “Amubone, mbubaba babama u bakwesu! 35Kufwumbwa uucita luzando lwa Taata ngumukwesu, ulimwi ngu bama.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.