Maako 2
2
Jeso Waponya Mulema
(Matayo 9:1-8; Luka 5:17-26)
1Nikwakaita mazuba mashoonto, Jeso wakabweela ku munzhi wa Kapenaumi, impuwo yakuti mwaali mu munzhi yakazuwa. 2Bantu banji banji bakeza kubungana koko, iŋanda yakezula bantu bakaata. Jeso wakabakambaucila makani mabotu. 3Naakaakucikambauka, kwakashika bantu bone bakamuletela mulema ngubakaakuzemwine amacila. 4Inzho ukaambo kakuhula kwa bantu, bakakacilwa kumushisha afwaafwi u Jeso. Ubobo bakahumbula lululi lwa ŋanda kwanzanana awo ngaakaakubele Jeso. Bakaselusha macila ngaakaakulele mulema cakwaalengezha kuntambo. 5Jeso naakabona lushomo lwabo, wakaambila mulema ati, “Mwanangu, shibi shako shalecelelwa.”
6Bamwi balembi bakaakuliwo awo bakakanka kulibuzha mu myonzo ati, 7“Nkaamboonzhi wezu muntu ncaasampulila Leza bolya? Kwiina muntu uukonzha kulecelela shibi shabantu cita Leza mwini ice.”
8Pele Jeso wakazhiba ncibakaakutelaika, amane wakababuzha ati, 9“Nciciliye cizumu, kwaamba shibi shako shalecelelwa naa ati buka bweza macila ako uyende? 10Pele ndazanda muzhibe kwaamba ati, Mwanaa Muntu ulikwete insana ano anshi shakulecelela shibi.” Jeso wakamwaambila mulema ati, 11“Zhimuka, bweza macila uukuya kwako!”
12Wakabweza macila akwe ca kufwambaana waya, wakeenda bantu boonse balimulangilile. Inzho boonse bakazoowa cini cini bakatembaula Leza baamba ati, “Tatunacibwene cili bolya.”
Jesu Wamwita Levi
(Matayo 9:9-13; Luka 5:27-32)
13Jeso wakaya ulimwi ku mulando wa lwaatele lwa Galilaya. Bantu banji banji bakamucilila beza kubungana, ngoonaawo wakakanka kubayiisha. 14Inzho naakaakuya bweenda wakabona Levi shimutelo mwanakwe Alufayasi, ulishite amulimo wakwe. Jeso wakamwaambila ati, “Ncilila.” Levi wakazhimuka, wamucilila.
15Jeso u ba shiciiya bakwe bakaya muŋanda mwa Levi, antoomwi uba shimitelo u bashishibi, nkaambo bunji bwabo bakamucilila. 16Inzho bamwi balembi, bakaakuli bankamu yaba Falisi, nibakabona ati Jeso ulalya uba shimitelo, bakababuzha ba shiciiya bakwe ati, “No nkaamboonzhi ulalya antoomwi u bantu bali bolya?”
17Jeso naakateelela bobo, wakabaingula ati, “Ubatali balwazhi tabazanda mushilishi, cita balwazhi. Ume ndiina kwiza kwita baluleme pe, ndakezhila ba shishibi.”
Mubuzho Wakuliimya Kulya
(Matayo 9:14-17; Luka 5:33-39)
18Ciindi cimwi ba shiciiya baa Johani Mupapatizhi u ba Falisi bakaakuliimya kulya. Bantu bamwi bakeza kwa Jeso bamubuzha ati, “No nkaamboonzhi ba shiciiya baa Johani Mupapatizhi u ba shiciiya baba Falisi balaliimya kulya pele ba shiciiya bako tabaliimya?”
19Mukwiingula Jeso wakababuzha mubuzho ati, “Sa batambe kubwinga balakonzha kuliimya kulya ciindi shibwinga naacilyaabo? Pe pe, tabakonzha! Shibwinga naacilyaabo tabakonzha kucita bobo. 20Pele nikuba bobo cilakashika ciindi ushibwinga naakaakushiwa nkubabele, ndilelyo beenzhiina nibakaaliimya kulya mukuusa.
21“Kwiina muntu uusasa cikamba cacisani citana kuyosa, acisani cakale kale. Nkaambo kuti wacita bobo, cikamba ceco cakanka kuyosa, cilamonsola cisani cakale kale nkukuti cipulo cilakomena kubaala. 22Ulimwi kwiina muntu uubika waini mupiya munkomo sha masalu makulukulu pe. Nkaambo inkomo shesho shilaanduka. Inkomo shilazonauka, waini ulapoomokela anshi. Inta kayi waini mupiya ulabikwa munkomo impiya.”
Mubuzho wa Buzuba bwa Sabata
(Matayo 12:1-8; Luka 6:1-5)
23 #
Ciz 23:25
Bumwi buzuba bwa Sabata Jeso wakaita akati kamyuunda ya maila, kaya bweenda u ba shiciiya bakwe. Inzho ba shiciiya bakakanka kupululula makunka a maila balaya bulya. 24Ba Falisi bakaambila Jeso ati, “Langa, Mulawo toohuminya kwaamba ba shiciiya bako baakucita bolya mu buzuba bwa Sabata.”
25Jeso wakabaambila ati, “Sa mwiina nimwakabala Devidi mbwaakacita ciindi walo umbucakaakuli abo nibakafwa inzala? 26#Bale 24:9#1 Sam 21:1-6Bakanjila muŋanda ya Leza bakalya cinkwa cakupa Leza. Ceci cakacitika ciindi Abiyata naakaakuli ngu mukando wa bapaizhi. Inzho kwiita mu mulawo wesu bapaizhi ice mbubakaakuhuminyiwa kulya cinkwa ceci, pele Devidi wakacilya, ukucaabana u babo mbucakaakuli abo.”
27Jeso wakabashimwina ati, “Buzuba bwa Sabata bwakapangwa kwaamba buyohwe muntu, muntu wiina kulengwa ukaambo kabuzuba bwa Sabata. 28Ubobo Mwanaa Muntu ngu Mwami wa buzuba bwa Sabata.”
Currently Selected:
Maako 2: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.
Maako 2
2
Jeso Waponya Mulema
(Matayo 9:1-8; Luka 5:17-26)
1Nikwakaita mazuba mashoonto, Jeso wakabweela ku munzhi wa Kapenaumi, impuwo yakuti mwaali mu munzhi yakazuwa. 2Bantu banji banji bakeza kubungana koko, iŋanda yakezula bantu bakaata. Jeso wakabakambaucila makani mabotu. 3Naakaakucikambauka, kwakashika bantu bone bakamuletela mulema ngubakaakuzemwine amacila. 4Inzho ukaambo kakuhula kwa bantu, bakakacilwa kumushisha afwaafwi u Jeso. Ubobo bakahumbula lululi lwa ŋanda kwanzanana awo ngaakaakubele Jeso. Bakaselusha macila ngaakaakulele mulema cakwaalengezha kuntambo. 5Jeso naakabona lushomo lwabo, wakaambila mulema ati, “Mwanangu, shibi shako shalecelelwa.”
6Bamwi balembi bakaakuliwo awo bakakanka kulibuzha mu myonzo ati, 7“Nkaamboonzhi wezu muntu ncaasampulila Leza bolya? Kwiina muntu uukonzha kulecelela shibi shabantu cita Leza mwini ice.”
8Pele Jeso wakazhiba ncibakaakutelaika, amane wakababuzha ati, 9“Nciciliye cizumu, kwaamba shibi shako shalecelelwa naa ati buka bweza macila ako uyende? 10Pele ndazanda muzhibe kwaamba ati, Mwanaa Muntu ulikwete insana ano anshi shakulecelela shibi.” Jeso wakamwaambila mulema ati, 11“Zhimuka, bweza macila uukuya kwako!”
12Wakabweza macila akwe ca kufwambaana waya, wakeenda bantu boonse balimulangilile. Inzho boonse bakazoowa cini cini bakatembaula Leza baamba ati, “Tatunacibwene cili bolya.”
Jesu Wamwita Levi
(Matayo 9:9-13; Luka 5:27-32)
13Jeso wakaya ulimwi ku mulando wa lwaatele lwa Galilaya. Bantu banji banji bakamucilila beza kubungana, ngoonaawo wakakanka kubayiisha. 14Inzho naakaakuya bweenda wakabona Levi shimutelo mwanakwe Alufayasi, ulishite amulimo wakwe. Jeso wakamwaambila ati, “Ncilila.” Levi wakazhimuka, wamucilila.
15Jeso u ba shiciiya bakwe bakaya muŋanda mwa Levi, antoomwi uba shimitelo u bashishibi, nkaambo bunji bwabo bakamucilila. 16Inzho bamwi balembi, bakaakuli bankamu yaba Falisi, nibakabona ati Jeso ulalya uba shimitelo, bakababuzha ba shiciiya bakwe ati, “No nkaamboonzhi ulalya antoomwi u bantu bali bolya?”
17Jeso naakateelela bobo, wakabaingula ati, “Ubatali balwazhi tabazanda mushilishi, cita balwazhi. Ume ndiina kwiza kwita baluleme pe, ndakezhila ba shishibi.”
Mubuzho Wakuliimya Kulya
(Matayo 9:14-17; Luka 5:33-39)
18Ciindi cimwi ba shiciiya baa Johani Mupapatizhi u ba Falisi bakaakuliimya kulya. Bantu bamwi bakeza kwa Jeso bamubuzha ati, “No nkaamboonzhi ba shiciiya baa Johani Mupapatizhi u ba shiciiya baba Falisi balaliimya kulya pele ba shiciiya bako tabaliimya?”
19Mukwiingula Jeso wakababuzha mubuzho ati, “Sa batambe kubwinga balakonzha kuliimya kulya ciindi shibwinga naacilyaabo? Pe pe, tabakonzha! Shibwinga naacilyaabo tabakonzha kucita bobo. 20Pele nikuba bobo cilakashika ciindi ushibwinga naakaakushiwa nkubabele, ndilelyo beenzhiina nibakaaliimya kulya mukuusa.
21“Kwiina muntu uusasa cikamba cacisani citana kuyosa, acisani cakale kale. Nkaambo kuti wacita bobo, cikamba ceco cakanka kuyosa, cilamonsola cisani cakale kale nkukuti cipulo cilakomena kubaala. 22Ulimwi kwiina muntu uubika waini mupiya munkomo sha masalu makulukulu pe. Nkaambo inkomo shesho shilaanduka. Inkomo shilazonauka, waini ulapoomokela anshi. Inta kayi waini mupiya ulabikwa munkomo impiya.”
Mubuzho wa Buzuba bwa Sabata
(Matayo 12:1-8; Luka 6:1-5)
23 #
Ciz 23:25
Bumwi buzuba bwa Sabata Jeso wakaita akati kamyuunda ya maila, kaya bweenda u ba shiciiya bakwe. Inzho ba shiciiya bakakanka kupululula makunka a maila balaya bulya. 24Ba Falisi bakaambila Jeso ati, “Langa, Mulawo toohuminya kwaamba ba shiciiya bako baakucita bolya mu buzuba bwa Sabata.”
25Jeso wakabaambila ati, “Sa mwiina nimwakabala Devidi mbwaakacita ciindi walo umbucakaakuli abo nibakafwa inzala? 26#Bale 24:9#1 Sam 21:1-6Bakanjila muŋanda ya Leza bakalya cinkwa cakupa Leza. Ceci cakacitika ciindi Abiyata naakaakuli ngu mukando wa bapaizhi. Inzho kwiita mu mulawo wesu bapaizhi ice mbubakaakuhuminyiwa kulya cinkwa ceci, pele Devidi wakacilya, ukucaabana u babo mbucakaakuli abo.”
27Jeso wakabashimwina ati, “Buzuba bwa Sabata bwakapangwa kwaamba buyohwe muntu, muntu wiina kulengwa ukaambo kabuzuba bwa Sabata. 28Ubobo Mwanaa Muntu ngu Mwami wa buzuba bwa Sabata.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.