Esita 1
1
Mwami Mukaintu Vashiti Wanyansha Mwami Ahasuyelusi
1 #
Ezi 4:6
Iinzho mu mazuba aka Ahasuyelusi, wezo Ahasuyelusi wakaakulela kuhwa ku Indiya kushikila ku Isopiya a shooko shili mwaanda u makumi obile u shooko chiloba (127). 2Mu mazuba azo, mwami Ahasuyelusi kali achuuna cha bwami chakwe mu chizubilo chizumu cha Susa. 3Mu mwaka watatu (3) wakulela kwakwe, wakabamba ipobwe lya beendelezhi u batwangaakwe boonse. Bashikalumamba ba ku Pezha ubaku Mediya, balemekwa u beendelezhi ba shooko kabali kumbele lyakwe. 4Wakatondezha buhubi bwakwe, bulemu bwa bwami bwakwe, bweebeshi bwakwe u bukando bwakwe kwa mazuba manji-manji, ali mwaanda u mazuba makumi lusele (180). 5Lelyo mazuba aza naakaita, mwami wakabamba ipobwe lya bantu boonse bakayanwa mu chizubilo chizumu cha Susa, boonse bakando u bashoonto. Ipobwe lyakatola mazuba aali chiloba (7) muunda wa maluba-luba waŋanda ya bwami. 6Kakuli shishitilizho sha butonge butuba u sha chilambo cha shichisu mubizusha, shaange u tutambo twa butonge bubotusha twa chilambo cha shichisu mubizusha, kuninga sha siluva u shaanda sha malabulo. Kakuli shuuna sha goludi u siluva achibuwe cha mabwe meebeshi a polifili, malabulo, mabwe ahwa anshi a lwaatele u mabwe amwi meebeshi. 7Shakunwa shakasengelelwa munkapu sha goludi, shisebezho sha mishobo-mishobo. Waini wa bwami kooli munji-munji kwiingaina u mbwakaakulozha mwami. 8Kunwa kakuli mu mulawo wakuti: “Kwiina kushinikizha.” Nkaambo mwami kapele malailile ku basebezhi boonse baŋanda ya bwami bwakwe kuchita umbuli umwi wuumwi mbwaakakuzanda. 9Vashiti mwami mukaintu aze wakachita ipobwe lya bakaintu muŋanda ya bwami, yakaakuli ya mwami Ahasuyelusi.
10Mu buzuba bwa chiloba (7), lelyo monzo wa mwami niwakaakutangele u waini, wakalailila Mehumani, Bizita, Halabona, Bigita, Abagita, Zetali u Kalikasi, bazhibe#1:10 bazhibe chaamba ati balombwana baponde ku bulombwana bali chiloba (7), babo bakaakusebeza kubushu bwa mwami Ahasuyelusi, 11kuleta Vashiti mwami mukaintu kumbele lya mwami u mushini wa bwami wakwe, kwaamba atondezhe bantu u basololi bweebeshi bwakwe, nkaambo kali mubotu chiwa chini-chini. 12Pele bazhibe nibakamwaambila Vashiti mwami mukaintu malailile a mwami, wakakaka kwiza. Chechi chakapa kwaamba mwami alemane chini-chini, ubobo monzo wakwe wakapiya mukati kakwe.
13Ngoona mwami wakaambila balombwana basongo, babo bakaakwizhi shiindi, nkaambo chechi kachili chiyanza cha mwami kuli babo boonse bakaakwizhi mulawo yiimbeta. 14Balombwana bakaakushite kufhwaafhwi kabali: Kalishena, Shetali, Adimata, Talashishi, Melesi, Malisena u Memukani, basololi bali chiloba (7) ba Pezha u Mediya, baba mbubakaakububona bushu bwa mwami, ulimwi mbubakataanguna kukala mu bulelo. 15“Kwiingaina u mulawo, nchiinzhi cheelele kuchitwa kwa Vashiti mwami mukaintu, nkaambo wiina kuchita malailile a mwami Ahasuyelusi, azo bazhibe ngubakamulailila?” 16Ngoona Memukani wakaamba kubushu bwa mwami u beendelezhi ati, “Takuli bulyo ku mwami kwalo Vashiti mwami mukaintu nkwaachita chibiyabi, pele uku beendelezhi boonse u bantu boonse babo bali mu shooko shoonse sha Mwami Ahasuyelusi. 17Nchaachita mwami mukaintu chilakapa kwaamba bakaintu boonse banyanshe balumyaabo, nkaambo balakaamba ati, ‘Mwami Ahasuyelusi wakalailila Vashiti mwami mukaintu kwaamba aletwe kumbele lyakwe, pele walo wakakaka.’ 18Bono mbubona buzuba, bakaintu balemekwa ba Pezha u Mediya babo bachiteelela checho nchaachita mwami mukaintu, abo balakaamba mbubona ku beendelezhi ba mwami, kulakaba kunyansha u bukali bunji-bunji. 19Kuti na chilamubotela mwami, akubikwe mulawo wa bwami bwakwe, ulembwe akati ka milawo ya Bapezha u Bamedi, kwaamba utakachinchiwa, ulimwi Vashiti atashika linji kumbele lya mwami Ahasuyelusi. Busena bwakwe bwa bwami bupewe kuli umwi wezo uli kabotu kubaala Vashiti. 20Ubobo lelyo mulawo wa mwami waambilizhiwa bulyo mu bulelo bwakwe boonse, nkaambo mbukando, bakaintu boonse balaakupa bulemu bukozhene ku balumyaabo, balemu u bantu bulyo.” 21Bubule bobu bwakamubotela mwami u basololi, mwami wakachita mbubona Memukani mbwaakaamba. 22Wakatuma maŋwalu ku shooko shoonse sha bwami, chooko u chooko choonse luŋwalu lwacho, ulimwi bantu boonse mu mulaka wabo, mulombwana woonse abe shimatwanga waŋanda yakwe mwini, ukwaamba kwiingaina u mulaka wa bantu bakwe.
Bible Society of Zambia