Incito BUPANDULUZHI
BUPANDULUZHI
Ibuka lya Incito sha Batumwa lili lyomwi ibuka lya Makani Mabotu ngaakalemba Luka. Lilakancila a manina ibuka lya Luka kuya kumbele. U twaambo tukando tuli mwibuka leli, tulatondezha Moza Usalala mbuwakasololela ba shiciiya bataanzhi kwaamba batole makani mabotu akanana sha Jeso kumashi oonse kukancila mu Jelusalemu umu Judiya moonse, ulimwi umucishi ca Samaliya kuya kushika ku mamanino anshi. Lilatondezha buhumini bwa cina Kilisito mbubwakakanka akati kaba Juda, ulimwi umbubwakeenda kuya mu mashi aamwi, u kuya kuba buhumini bwanshi yoonse. Ulimwi mulembi ulasoleka ku kutondezha ati bana Kilisito bayina nibakalibozha kubulelo bwa cishi caba Loma, u kwaamba ati buhumini bwaci Juda bulazuzucizhiwa mubuhumini bwa cina Kilisito.
Ibuka lya Incito sha Batumwa lilakonzha kwabanyiwa mu shipanzha shikando shotatwe shalo shitondezha masena a kaakukambaukilwa Makani Mabotu mbwaakaakuya buhula, u shikombelo mbushakakankwa mu masena andeene andeene. (1) Buna Kilisito mbubwakakanka mu Jelusalemu Jeso amane kutolwa kwizeulu. (2) Buna Kilisito mbubwakazandaala mu mashi amwi akubusena bwaku Palesitaini. (3) Bukilisito mbubwakazandaala kuya kumbala kumasena alwaatele lwa Mediteleniani u kuya kushika ku cishi caku Loma.
Cintu cikando mwibuka lya Incito sha Batumwa, makani amulimo wa Moza Usalala, wezo wakeza iinsana a bashomi mu buzuba bwa Pentekositi, ulimwi wakatolelela kweendelezha cikombelo u kupa insana ku basololi mu milimo yoonse ilembelwe mwibuka leli. Milumbe yaba Kilisito bataanzhi ilayanwa mubukambaushi umumilimo ilembelwe mwibuka leli. Shintu shilembelwe mwibuka momu shilatondezha insana shezwi lya Leza mu maumi a bantu kubicilizha ulukamantano mu cikombelo.
Mitwi ya makani
Kulibambila bukamboni 1:1-26
1. Malailile u cishomezho caka Jeso ca mamanino 1:1-14
2. Shimulyazhina lyaka Judasi 1:15-26
Bukamboni bwakacitwa mu Jelusalemu 2:1—8:3
Bukamboni bwakacitwa mu Judaya umu Samaliya 8:4—12:25
Bukamboni bwaka Paulu 13:1—28:31
1. Lweendo lutaanzhi lwabutumwa 13:1—14:28
2. Muswaangano wamu Jelusalemu 15:1-35
3. Lweendo lwabili lwa butumwa 15:36—18:22
4. Lweendo lwatatu lwabutumwa 18:23—21:16
5. Paulu waangwa ku Jelusalemu ku Sizaliya uku Loma 21:17—28:31
Currently Selected:
Incito BUPANDULUZHI: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.