1 Batesalonika 5
5
Kulibambila kwiza kwa Mwami
1Tacizandika nubakwesu kwaamba mulembele makani a mazuba u shiindi nishikaacitika sheshi. 2#Mat 24:43; Lk 12:39; 2 Pita 3:10Nkaambo mulizhi kabotu kabotu umwe nubeni kwaamba ati buzuba Mwami naakaazhoka bulakaba ukoya mutewu mbweezhiza mashiku 3Ciindi bantu nibaamba ati, “Kuli luumuno, atuliibe.” Ndilelyo nakaashika ca kufwambaana kwiza kubazonauna, uleza ukoya mishika ya mukaintu umishi, kwiina naaba womwi ukaayana matiilo. 4Pele umwe nubakwesu tamuli mu mushinze kwaamba buzuba bobu bukamuzooshe ukoya mutewu. 5Umwe noonse muli bantu ba mu mumuni, bantu ba muunza. Tamuli ba mashiku ulimwi tamuli ba mu mushinze. 6Ubobo tatweelele kufwukula ukoya bantu batashomi, tulyeelele kupakamana. 7Nkaambo mashiku bantu ni boona, ulimwi mashiku ni bakolwa. 8#Aiz 59:17; Baefe 6:13-17Pele uswe tuli ba muunza tutabi bashitumpenda. Tusame lushomo u lufwuno shibe ukoya shilikwabilizho sha acamba, u bulanjizhi bwa lufwutuko lwesu bube ukoya imfwuse ya cibulo. 9Nkaambo Leza wiina kutwita kwaamba atusubule mubukali bwakwe, pele ati tukafwuwe lufwutuko kwiita mu Mwami Jeso Kilisito, 10wezo wakatufwila kwaamba tukwate bumi aze, nikuba kwaamba tukayanike tulalanga na tulifwile akeza Jeso. 11Ubobo amubulane u kuzakana mbubona mbumucita ninzho.
Kuzumya zumya kwa Mamanino u Kwaanzha
12Inzho twamulomba nubakwesu kwaamba mubape bulemu bubeelele babo basebeza akati kenu, babo bamupa malailile mu Mwami. 13Amubalemekeshe ca lufwuno nkaambo ka milimo yabo. Akube luumuno akati kenu. 14Twamulomba nubakwesu kwaamba mubacenjezhe bakata, mubazumye zumye batompokelwa, mubayohwe balengushi, mube u myonzo ya kupembelezha bantu boonse. 15Mubone kwaamba kwiina naaba womwi uzholela cibi ku cibi nina, pele coonse ciindi musoleke kubafwila inkumbu bantu boonse.
16Amutangale lyoonse, 17amukombe ku Mwami cakutaleka, 18mulumbe mu shiindi shoonse, ceci ncaazanda Leza ati mucite mu lukamantano u Kilisito.
19Mutookasha kusebeza Moza Usalala. 20Mutaakunyansha bushinshimi bwa mazwi a Leza. 21Pele amushilingule shintu shoonse. Mukakatile ku shintu shiluleme. 22Ulimwi amulikashe ku shibiyabi shoonse.
23Mwini Leza wa luumuno amusalazhe bweelele mu shiyanza shoonse, cakubula katongo mu moza u mu monzo umu mubili ciindi Mwami wesu Jeso Kilisito nakeezhiza. 24Nkaambo wezo wakamwita ula shomeka ulimwi ula kacicita.
25Aswe kamutukombela nubakwesu.
26Mubape mooni wa lufwuno boonse bakwesu.
27Munsana sha Mwami ndamulumika kwaamba lolu luŋwalu lubalilwe boonse bashomi.
28Luse lwa Mwami wesu Jeso Kilisito alube amwe.
Currently Selected:
1 Batesalonika 5: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.