TƆMSYAADƐ WOOSƐ 16
16
TƆMSYAADƐ WOOSƐ 16
1Pol wɛɛ rek a Dɛrbe hi a Listira. Doo za Yeesu fɔkya gi hɔ nuŋgɔ a Timɔte, nɔɔtɔ gi Yahuduya Yeesu ɗɔbsigya, baatɔ be gi Yonaniŋkoyayɔ. 2Yeesu fɔkya zaadɛ wɔ a Listira hi a Ikoniya ha̧a̧hi Timɔte dɔglɔ be. 3Yɔ Pol ha̧a̧g an gi retin hi gii be, loog nage a Yahuduya wɔ hi gi hɔ hi dɔŋgo anyɔ dood hi mɛɛ sɛw a baatɔ gi Yonaniŋkoyayɔ.
4Yɔ hi daak a waal gbɔlɛ zaadɛ ɗu sɔmsɔm hi dɔksig Yeesu fɔkya wɔ dɔgl wɔ tɔmsya wɔ hi ɗɛntɛ Bɛtwoos kaŋ-kigya wɔ a Urusalima hi bi̧i̧ nɛko. Hi wɛɛ hi raahi a hi fɔ dɔgl wɔ fɔbɔ, bɔhi ɔɔ. 5Yɔ anbɔ Yeesu fɔkya wɔ ɔksilya̧ wɔ ɗɔbsigya̧ gi rek hi tɛŋk doosɛ doosɛ, wɛɛ kitigya̧ gi hɔŋk ɔ̧t nuŋg be.
6Yɔ Bɛt Mɔkilɔ ya̧a̧nihi rek a Aaziya an bɔhi dɔg Bɛt dɔglɔ hɔ, Pol hi Timɔte hi daa a Firiziya hi a Galatiya hɛbt du. 7Yɔ hi tuur a Misiya hɛbt wel du hi tɛb an hi rek a Bitiniya, wɛɛ Yeesu Mɔkilɔ gāāhi gbɔnɔ gɛ. 8Yɔ anbɔ hi wɛɛ hi daar Misiya hi tal hi tii a Torowas. 9À yɛms du Pol gbɛn Bɛt zunsig hinza a gɛrs du:
walzayɔ fu̧u̧z a Makeduniya zɔ̧g a zaam hɛdi a Makeduniya mɔ ɗaasiwi.
10Yɔ Pol bɛɛ hin bɔ lab gbɛnuko wi mɛɛn gɔ a Bɛt gii giw elik an wi dɔks dood Makeduniyaya wɔ Dɔgl Rɔb bɔ, wi ɓɛɛ ma gbɔnɔ gɔ an wi rek a hɔ.
11Wi kar lɛmb du a Torowas wi rek der a Samɔtaras, yoosugɔ wi tuur a Nɛyapolis. 12Yɔ wi ɗuk a Nɛyapolis wi rek a Filipi. (Filipi gii gi waal gbɔɔl biitir a Makeduniya hɛbtɔ du. Dood Romaya wɔ hii wɔmɔ. ) Wi waa ɔ̧t kaasi a waal gbɔɔl bɔrɔ gedu.
13A Yahuduyaadɛ holum-ɔ̧ti wi tuu a waal gbɔɔl bɔ gbɔnɔ bɔ gedu wi rek a zɛɛya̧, wi mɔ̀k nɛ a wi zɛm Yahuduya wɔ a Bɛtzɔ̧kya̧ lɛl bɔ ge hɔ. Wi re wi zɛm nɛɛd zaadɛ hi mɔks lɛlɔdi, wi ɗɔɔt wi booya̧a̧ hi hiya. 14Nɛɛd wɔ zaaya̧ gbun nuŋgɔ a Lidiya gi gbandil hob rɔbɛ riŋnikya, fu̧u̧ a Tiyatira, táā Yahuduya, wɛɛ gi Bɛtɗɔb-sigyayɔ, gis Pol dɔglɔ kɛŋko. Waar Bɛt kpɛrsig kpoosɔ an gi kɔm sob gi kɛm hinyɔ Pol gi dɔko. 15Dag Bɛtmɛm hi doodɔ raa du sɛw. Wɛɛ wariw hin anyɔ lɛ:
a gid nɛ sɔ̧ɔ̧b an be gi ɗɔbsig Bɛt hi rɔbo, zaan nɛ gul be raa du nɛ ɗɔɔtɔ.
Wɛɛ dɛmsiw naan gbɔɔltɔnɔ, wi ɗɛ̄ɛ̄ inik gɛ.
16Ɔ̧tza yɔ wi gi rek a Bɛtzɔ̧k lɛlɛ, wi dagtin hi nisgbaar za yɔ gin loorɛha̧a̧l gi muul du, gɔ gi raasig dood hinyɔ gɔ gi tuur hi gɛrsɛ. Gi daksig ɗɛntɛ ɔ̧ɔ̧ wɔ tus gbɔɔltɔnɔ hi hinyɔ gɔ gis dood walkugo. 17Gi Pol hi wii fɔbzig kuudu hi ya̧a̧ɓolt gi raako a dood wɛrɛ hi gi Bɛt Yɔ Gi Gbɔɔl Gi Daarlɛlɛ woosyaadɛ ɔ̧ɔ̧nɛ. Hi zaak an hi dɔgsin za̧a̧tig gbɔnɔyɔ. 18Nis bɔ gɔ anbɔ ɔ̧t kittɔnɔ. Yɔ dɔglɔ rii Pol anbɔ nɔɔgnɔ, zɛmr raage
a be raam a Yeesu Kristu nuŋg du, loorɛha̧a̧lɛ, tuum a za̧a̧n yɛrɛ gi muul du.
Ɓɔrbɔ loorɛha̧a̧l bɔ tuutu. 19Yɔ nisgbaar bɔ ɗɛntɛ ɔ̧ɔ̧ hi gbɛn a taa an hi dag tus zaa be, hi wa̧a̧ Pol hi Silas hi dirihi a luum ha a dood gbɔlɛ dɔglyɛ̧ɛ̧kya wɔ hi muutdu. 20Yɔ hi ka̧hi a dɔglyɛ̧ɛ̧kya gbɔlɛ wɔ hi muutdu anbɔ hi dɔg
a dood wɛrɛ hi gi Yahuduyaadɛyɔ hi wɛɛ hi lɛl wɛ zɛksugo. 21Hi gók maak zaadɛ dɔɔmɛ wɔ maakdɔgl wɛ yansɛ fɔkɔ, zaabe ta̧a̧kɔ, zaabe wookɔ. Wɛ́ɛ́ yɔ wɛ gi dood Romayaadɛ be, wɛ ɗɛɛ an wɛ fɔb maak ya̧nɛ bɔ gɛ.
22Dood saal sɛw hi ɗuk hi zulha hi niihi; waar ɛ wɔ hi taatir gbandilya̧, hi wɛɛ hi raa dood hi lɛhi hi sɔɔlɛ. 23Yɔ hi lɛhi ha̧a̧ltɔnɔ hi sɔɔlɛ, hi yaahi luknɔ du, dood gbɔlɛ wɔ hi wɛɛ hi raa luknɔ-ookya bɔ a gi oohi bɛttɔnɔ. 24Yɔ luknɔ-ookya bɔ lag anbɔ loohi gbalihi a luknɔ du, a da lɛlyoogil du, wɛɛ dōo̍ ɗɔɔya̧ wɔ a tɛ̧ɛ̧-i̧i̧kil du. 25A yɛms teesdu Pol hi Silas hi ɗɔbsig Bɛto hi hin-ɛɛko, hi gig baanuko. Luknɔya zaadɛ hi gisihi kɛŋko.
26Yaala hɛbt nam ha̧a̧ltɔnɔ, luknɔ bɔ sɛŋkɔ wɔ hi bee, ɓɔrbɔ gbɔnɔ wɔ sɛw hi kpɛ̧ɛ̧tiro. Ba̧a̧ntus wɔ hi wɔmn nɛ luknɔya wɔ sɛw dɔɔya̧ hi dudil wɔmnt muulɛ hi kpɔm hɛbtdi. 27Yɔ luknɔ-ookya bɔ rɛm gi gbɛn luknɔ bɔ gbɔnɔ wɔ hi kpɛ̧ɛ̧tiro mɔk a luknɔya wɔ hi tuu hi nɔɔ da̧a̧da̧. Hɔ̧b daŋbɛsimɔ an gi gbɔmn zulɔ. 28Hɔnɛ Pol ɓooya̧a̧ ha̧a̧ltɔnɔ raage:
a bɔmɔ gaa zul mɔ nɔko, wi sɛw wi gi dihɛ.
29Luknɔ-ookya bɔ ɛr laa, gul nɔɔktɔnɔ hi beeto a luknɔ bɔ gedu re zagl a Pol hi Silas dɔŋdi, 30tudzihi raahi:
a baa, be woo nɔ an be za̧a̧ nɔ?
31Pol hi Silas hi goo:
a ɗɔbsum Waar Yeesu , mɔ za̧a̧ hi zul mɔ hi dood mɔ sɛw.
32Yɔ anbɔ hi wɛɛ hi dɔgsig Waar Yeesu dɔglɔ, hi dood wɔ hi gi gi raa du sɛw. 33Wɛɛ tudzihi nɛɛsihi nɔkya̧ wɔ a yɛms bɔ gedu. Wɛɛ ɓɔrbɔ wɔrɔ hi wɛɛ hi hotinge Bɛtmɛmɛ hi doodɔ wɔ gi raa du sɛw. 34Wɛɛ kam Pol hi Silas gi raa du gaahi lees hi le, wɛɛ dag hat gbɔɔltɔnɔ anyɔ ɗɔbs Bɛt hi doodɔ wɔ raa du hi sɛw.
35Yɔ lɛl gaa, dɔglyɛ̧ɛ̧kya gbɔlɛ wɔ hi yaa laya wɔ hi raas luknɔ-ookya bɔ a gi bis Pol hi Silas hi rekɔ. 36Luknɔ-ookya bɔ raas Pol hinyɔ hi dɔgɔ
a dɔglyɛ̧ɛ̧kya gbɔlɛ wɔ hi yaaz dood a hi bisinɛ. Nɛ yɛrɛ, tuuzinɛ, nɛ́ rek bɛttɔnɔ.
37Hɔnɛ Pol wɛɛ raa laaya wɔ
a wii yɔ wi gi Romayaadɛ, hi lɛwi saal du, hí wɛɛ hí yɛ̧ɛ̧ dɔgl wi gɛ be, hi gbaliw a luknɔ du be, yɛrɛ hi bisiw ri luurlɛl nɔ? Lab gɛ, hii hi zaa hi zulya̧ hi tuusiw wi rekɔ.
38Laaya wɔ hi rek hi fɔks dɔglyɛ̧ɛ̧kya gbɔlɛ wɔ hinyɔ Pol hi Silas hi dɔgɔ . Yɔ hi lag a Pol hi Silas hi gi Romayaadɛyɔ, kol tuuhitu. 39Yɔ anbɔ, hi zaa hi dɛmsihi naanɛ, hi tudzihi luknɔ bɔ gedu, hi wɛɛ hi zɔ̧hi an hi rek hi ɔsihi waalya̧ bɔ. 40Yɔ Pol hi Silas hi tuuz a luknɔ bɔ gedu hi tal a nis bɔ Lidiya lɛl du hi zɛm yɛ̧ɛ̧dɛ Yeesu fɔkya wɔ duhɔ, hi ɓaasihi muulɛ, hi tuu hi rekɔ.
Currently Selected:
TƆMSYAADƐ WOOSƐ 16: NTD
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
TƆMSYAADƐ WOOSƐ 16
16
TƆMSYAADƐ WOOSƐ 16
1Pol wɛɛ rek a Dɛrbe hi a Listira. Doo za Yeesu fɔkya gi hɔ nuŋgɔ a Timɔte, nɔɔtɔ gi Yahuduya Yeesu ɗɔbsigya, baatɔ be gi Yonaniŋkoyayɔ. 2Yeesu fɔkya zaadɛ wɔ a Listira hi a Ikoniya ha̧a̧hi Timɔte dɔglɔ be. 3Yɔ Pol ha̧a̧g an gi retin hi gii be, loog nage a Yahuduya wɔ hi gi hɔ hi dɔŋgo anyɔ dood hi mɛɛ sɛw a baatɔ gi Yonaniŋkoyayɔ.
4Yɔ hi daak a waal gbɔlɛ zaadɛ ɗu sɔmsɔm hi dɔksig Yeesu fɔkya wɔ dɔgl wɔ tɔmsya wɔ hi ɗɛntɛ Bɛtwoos kaŋ-kigya wɔ a Urusalima hi bi̧i̧ nɛko. Hi wɛɛ hi raahi a hi fɔ dɔgl wɔ fɔbɔ, bɔhi ɔɔ. 5Yɔ anbɔ Yeesu fɔkya wɔ ɔksilya̧ wɔ ɗɔbsigya̧ gi rek hi tɛŋk doosɛ doosɛ, wɛɛ kitigya̧ gi hɔŋk ɔ̧t nuŋg be.
6Yɔ Bɛt Mɔkilɔ ya̧a̧nihi rek a Aaziya an bɔhi dɔg Bɛt dɔglɔ hɔ, Pol hi Timɔte hi daa a Firiziya hi a Galatiya hɛbt du. 7Yɔ hi tuur a Misiya hɛbt wel du hi tɛb an hi rek a Bitiniya, wɛɛ Yeesu Mɔkilɔ gāāhi gbɔnɔ gɛ. 8Yɔ anbɔ hi wɛɛ hi daar Misiya hi tal hi tii a Torowas. 9À yɛms du Pol gbɛn Bɛt zunsig hinza a gɛrs du:
walzayɔ fu̧u̧z a Makeduniya zɔ̧g a zaam hɛdi a Makeduniya mɔ ɗaasiwi.
10Yɔ Pol bɛɛ hin bɔ lab gbɛnuko wi mɛɛn gɔ a Bɛt gii giw elik an wi dɔks dood Makeduniyaya wɔ Dɔgl Rɔb bɔ, wi ɓɛɛ ma gbɔnɔ gɔ an wi rek a hɔ.
11Wi kar lɛmb du a Torowas wi rek der a Samɔtaras, yoosugɔ wi tuur a Nɛyapolis. 12Yɔ wi ɗuk a Nɛyapolis wi rek a Filipi. (Filipi gii gi waal gbɔɔl biitir a Makeduniya hɛbtɔ du. Dood Romaya wɔ hii wɔmɔ. ) Wi waa ɔ̧t kaasi a waal gbɔɔl bɔrɔ gedu.
13A Yahuduyaadɛ holum-ɔ̧ti wi tuu a waal gbɔɔl bɔ gbɔnɔ bɔ gedu wi rek a zɛɛya̧, wi mɔ̀k nɛ a wi zɛm Yahuduya wɔ a Bɛtzɔ̧kya̧ lɛl bɔ ge hɔ. Wi re wi zɛm nɛɛd zaadɛ hi mɔks lɛlɔdi, wi ɗɔɔt wi booya̧a̧ hi hiya. 14Nɛɛd wɔ zaaya̧ gbun nuŋgɔ a Lidiya gi gbandil hob rɔbɛ riŋnikya, fu̧u̧ a Tiyatira, táā Yahuduya, wɛɛ gi Bɛtɗɔb-sigyayɔ, gis Pol dɔglɔ kɛŋko. Waar Bɛt kpɛrsig kpoosɔ an gi kɔm sob gi kɛm hinyɔ Pol gi dɔko. 15Dag Bɛtmɛm hi doodɔ raa du sɛw. Wɛɛ wariw hin anyɔ lɛ:
a gid nɛ sɔ̧ɔ̧b an be gi ɗɔbsig Bɛt hi rɔbo, zaan nɛ gul be raa du nɛ ɗɔɔtɔ.
Wɛɛ dɛmsiw naan gbɔɔltɔnɔ, wi ɗɛ̄ɛ̄ inik gɛ.
16Ɔ̧tza yɔ wi gi rek a Bɛtzɔ̧k lɛlɛ, wi dagtin hi nisgbaar za yɔ gin loorɛha̧a̧l gi muul du, gɔ gi raasig dood hinyɔ gɔ gi tuur hi gɛrsɛ. Gi daksig ɗɛntɛ ɔ̧ɔ̧ wɔ tus gbɔɔltɔnɔ hi hinyɔ gɔ gis dood walkugo. 17Gi Pol hi wii fɔbzig kuudu hi ya̧a̧ɓolt gi raako a dood wɛrɛ hi gi Bɛt Yɔ Gi Gbɔɔl Gi Daarlɛlɛ woosyaadɛ ɔ̧ɔ̧nɛ. Hi zaak an hi dɔgsin za̧a̧tig gbɔnɔyɔ. 18Nis bɔ gɔ anbɔ ɔ̧t kittɔnɔ. Yɔ dɔglɔ rii Pol anbɔ nɔɔgnɔ, zɛmr raage
a be raam a Yeesu Kristu nuŋg du, loorɛha̧a̧lɛ, tuum a za̧a̧n yɛrɛ gi muul du.
Ɓɔrbɔ loorɛha̧a̧l bɔ tuutu. 19Yɔ nisgbaar bɔ ɗɛntɛ ɔ̧ɔ̧ hi gbɛn a taa an hi dag tus zaa be, hi wa̧a̧ Pol hi Silas hi dirihi a luum ha a dood gbɔlɛ dɔglyɛ̧ɛ̧kya wɔ hi muutdu. 20Yɔ hi ka̧hi a dɔglyɛ̧ɛ̧kya gbɔlɛ wɔ hi muutdu anbɔ hi dɔg
a dood wɛrɛ hi gi Yahuduyaadɛyɔ hi wɛɛ hi lɛl wɛ zɛksugo. 21Hi gók maak zaadɛ dɔɔmɛ wɔ maakdɔgl wɛ yansɛ fɔkɔ, zaabe ta̧a̧kɔ, zaabe wookɔ. Wɛ́ɛ́ yɔ wɛ gi dood Romayaadɛ be, wɛ ɗɛɛ an wɛ fɔb maak ya̧nɛ bɔ gɛ.
22Dood saal sɛw hi ɗuk hi zulha hi niihi; waar ɛ wɔ hi taatir gbandilya̧, hi wɛɛ hi raa dood hi lɛhi hi sɔɔlɛ. 23Yɔ hi lɛhi ha̧a̧ltɔnɔ hi sɔɔlɛ, hi yaahi luknɔ du, dood gbɔlɛ wɔ hi wɛɛ hi raa luknɔ-ookya bɔ a gi oohi bɛttɔnɔ. 24Yɔ luknɔ-ookya bɔ lag anbɔ loohi gbalihi a luknɔ du, a da lɛlyoogil du, wɛɛ dōo̍ ɗɔɔya̧ wɔ a tɛ̧ɛ̧-i̧i̧kil du. 25A yɛms teesdu Pol hi Silas hi ɗɔbsig Bɛto hi hin-ɛɛko, hi gig baanuko. Luknɔya zaadɛ hi gisihi kɛŋko.
26Yaala hɛbt nam ha̧a̧ltɔnɔ, luknɔ bɔ sɛŋkɔ wɔ hi bee, ɓɔrbɔ gbɔnɔ wɔ sɛw hi kpɛ̧ɛ̧tiro. Ba̧a̧ntus wɔ hi wɔmn nɛ luknɔya wɔ sɛw dɔɔya̧ hi dudil wɔmnt muulɛ hi kpɔm hɛbtdi. 27Yɔ luknɔ-ookya bɔ rɛm gi gbɛn luknɔ bɔ gbɔnɔ wɔ hi kpɛ̧ɛ̧tiro mɔk a luknɔya wɔ hi tuu hi nɔɔ da̧a̧da̧. Hɔ̧b daŋbɛsimɔ an gi gbɔmn zulɔ. 28Hɔnɛ Pol ɓooya̧a̧ ha̧a̧ltɔnɔ raage:
a bɔmɔ gaa zul mɔ nɔko, wi sɛw wi gi dihɛ.
29Luknɔ-ookya bɔ ɛr laa, gul nɔɔktɔnɔ hi beeto a luknɔ bɔ gedu re zagl a Pol hi Silas dɔŋdi, 30tudzihi raahi:
a baa, be woo nɔ an be za̧a̧ nɔ?
31Pol hi Silas hi goo:
a ɗɔbsum Waar Yeesu , mɔ za̧a̧ hi zul mɔ hi dood mɔ sɛw.
32Yɔ anbɔ hi wɛɛ hi dɔgsig Waar Yeesu dɔglɔ, hi dood wɔ hi gi gi raa du sɛw. 33Wɛɛ tudzihi nɛɛsihi nɔkya̧ wɔ a yɛms bɔ gedu. Wɛɛ ɓɔrbɔ wɔrɔ hi wɛɛ hi hotinge Bɛtmɛmɛ hi doodɔ wɔ gi raa du sɛw. 34Wɛɛ kam Pol hi Silas gi raa du gaahi lees hi le, wɛɛ dag hat gbɔɔltɔnɔ anyɔ ɗɔbs Bɛt hi doodɔ wɔ raa du hi sɛw.
35Yɔ lɛl gaa, dɔglyɛ̧ɛ̧kya gbɔlɛ wɔ hi yaa laya wɔ hi raas luknɔ-ookya bɔ a gi bis Pol hi Silas hi rekɔ. 36Luknɔ-ookya bɔ raas Pol hinyɔ hi dɔgɔ
a dɔglyɛ̧ɛ̧kya gbɔlɛ wɔ hi yaaz dood a hi bisinɛ. Nɛ yɛrɛ, tuuzinɛ, nɛ́ rek bɛttɔnɔ.
37Hɔnɛ Pol wɛɛ raa laaya wɔ
a wii yɔ wi gi Romayaadɛ, hi lɛwi saal du, hí wɛɛ hí yɛ̧ɛ̧ dɔgl wi gɛ be, hi gbaliw a luknɔ du be, yɛrɛ hi bisiw ri luurlɛl nɔ? Lab gɛ, hii hi zaa hi zulya̧ hi tuusiw wi rekɔ.
38Laaya wɔ hi rek hi fɔks dɔglyɛ̧ɛ̧kya gbɔlɛ wɔ hinyɔ Pol hi Silas hi dɔgɔ . Yɔ hi lag a Pol hi Silas hi gi Romayaadɛyɔ, kol tuuhitu. 39Yɔ anbɔ, hi zaa hi dɛmsihi naanɛ, hi tudzihi luknɔ bɔ gedu, hi wɛɛ hi zɔ̧hi an hi rek hi ɔsihi waalya̧ bɔ. 40Yɔ Pol hi Silas hi tuuz a luknɔ bɔ gedu hi tal a nis bɔ Lidiya lɛl du hi zɛm yɛ̧ɛ̧dɛ Yeesu fɔkya wɔ duhɔ, hi ɓaasihi muulɛ, hi tuu hi rekɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.