TƆMSYAADƐ WOOSƐ 15
15
TƆMSYAADƐ WOOSƐ 15
1Dood zaadɛ wɔ hi fu̧u̧z a Yahuduya hi zaa a Aŋtakiya hi yɛls yɛ̧ɛ̧dɛya̧ Yeesu fɔkya wɔ hingok anyɔ lɛ:
a à nɛ nāb an Muusa maakɔdɔgl yɔ raa gɛ, nɛ ɗɛ̄ɛ̄ an nɛ za̧a̧ gɛ.
2Pol hi Barnabas hi tā̧ā̧ wɔrɔ dɔglya̧ bɔ gɛ zaŋ, hi gbaatin ha̧a̧ltɔnɔ a dɔgl bɔrɔ hage. Yɔ anbɔ yɛ̧ɛ̧dɛ Yeesu fɔkya wɔ hi wɛɛ hi her Pol hi Barnabas hi dood zaadɛ wɔ hi fu̧u̧ a Aŋtakiya hi yaanihi dɔglɔ a Urusalima a tɔmsya wɔ hi ɗɛntɛ Bɛtwoos kaŋkigya wɔ hi an hi gbɛrsihi dɔglɔ. 3Yɔ Yeesu fɔkya wɔ Aŋtakiya hi yaa wɔrɔ a Urusalima, hi talk a Finikiya hi a Samariya, hi fɔks Yeesu ɗɔbsigya zaadɛ wɔ a dood wɔ hi mɛ̄ɛ̄ nɛ Bɛt gɛ hi zɛmr kpoosya̧ zɛmr a Bɛt ge. Yɔ dood wɔ hi lag anbɔ, harihi hi sɛw.
4Yɔ hi tuur a Urusalima, Yeesu fɔkya ɔksilya̧ wɔ hi tɔmsya wɔ, hi ɗɛntɛ Bɛtwoos kaŋkigya wɔ hi zehi rɔbtɔnɔ. Wɔrɔ hi fɔksihi hinyɔ Bɛt woo hi hii sɛw. 5Hɔnɛ dood zaadɛ Bɛtɗɔbsigya wɔ hi fu̧u̧z a Farisaya wɔ hi tees du hi ɗuk hi dɔgɔ
a gi an hi nab dood dɔɔmɛ wɔ nabɔ, hí wɛɛ hí raahi hi fɔb Muusa maakɔdɔgl bɔ be.
6Yeesu tɔmsya wɔ hi ɗɛntɛ Bɛtwoos kaŋkigya wɔ hi wɛɛ hi ɔks lɛlgbun an hi see dɔglɔ. 7Yɔ hi faltinhin gi amɔ Piyɛr ɗund dɔgsihi:
a yɛ̧ɛ̧dɛ be wɛ, nɛ mɛɛ a Bɛt herib nɛ teesdu a biitirnaan du an Dɔgl Rɔb bɔ gi tuu be ya̧a̧ du a dood dɔɔmɛ wɔ hi teesdu an hi kɛm hi ɗɔbsɔ. 8Wɛɛ yɔ Bɛt mɛɛ dood kpoos sɛw, zuun a ta̧a̧ dood dɔ̧ɔ̧t dɔɔmɛ wɔ anyɔ gaahi Mɔkilɔ an wɛɛ be. 9Gɔ̄ hinza dɔɔm hi teesdu an gi gɛ̧ksihi hi wɛɛ gɛ, gaas kpoosya̧ anyɔ hi ɗɔbs Yeesu.
10Yɛrɛ nɔ nɛ maatig Bɛto nɛ wɛɛ nɛ gbaasig fɔkɔya wɔ hinɗɔmnyɔ daarlɛl nɔ? An baa wɛ hiya, hi wɛya hi zul wɛ, hinɔ yɛ̧rɛyɛ̧rɔ. 11Yɛrɛ wɛ ɗɔbsig a wɛ za̧a̧ a Waar Yeesu gɛmsilɔ bɔ gi dɔŋgo an hii be.
12Dood wɔ hi mɔks nɛ sɛw hi kɔm sob hi kɛmsig Barnabas hi Pol gɛrs dɔgl wɔ hi fɔkugo hi woos zaadɛ gbɔlɛ wɔ Bɛt woo nɛ hi hii a dood dɔɔmɛ wɔ hi tees du. 13Yɔ hi da̧a̧s ya̧a̧boonɛ Yakuba goo raahi:
14a yɛ̧ɛ̧dɛ be wɛ, lagsinbe! Simɔŋ fɔk hinyɔ Bɛt yɛɛl gi woo nɛ a dood dɔɔmɛ wɔ hi zulha an gi zaa gi her zaadɛ wɔ gɔ hi wɛɛsig doodɔ. 15Dɔgl yɛrɛ riitin hi Bɛtya̧a̧kɛŋkya wɔ dɔgl ya̧nɛ wɔ hi bi̧i̧ 16a Bɛt raa: a gɔ gi kuudu anbɔ bé wɛɛza bé wɛɛ bé wɔm Dawda lukɔ bɔ ɛ̧br nɛko, be wɛɛ be gɛmsɔ, be esige. 17Yɔ anbɔ dood zaadɛ wɔ sɛw hí tɛb Waar Bɛto, hi dood dɔɔmɛ wɔ be gihi elik sɛw an hi wɛɛ dood benɛ. 18Waar Bɛt raa anbɔ. Dɔg dɔglɔ lɔɔlɔɔ an hi mɛɛ.
19Yakuba wɛɛ raa: a ya̧a̧n gii be mɔk a bɔwɛ zɛks dood wɔ hi taa Yahuduya gɛ hi zɛmr kpoosya̧ hi ta̧a̧ Bɛto hi gig fɔko. 20Yɛrɛ yɛwɛ bi̧i̧sihi ɗɛɛrwoli a bɔhi tɔb namb ɓi̧i̧limya wɔ hi gɔnik maako hi wɛɛ hi kpɔɔnik loorɛ, bɔhi naamansi, bɔhi tɔb nambyɔ hi ɓɔ̧rɔ, bɔhi tɔb namb ga̧a̧mɛ. 21Ya̧a̧nɛ, yɛɛl amntɔnɔ dood hi dɔk Muusa maakdɔglɔ a waal gbɔlɛ wɔ hi du sɛw, dood hi gi dɔglɔ zaŋgig a mɔksilluk wɔ du a holum-ɔ̧t nuŋg sɛw be.
22Yɔ anbɔ tɔmsya wɔ hi ɗɛntɛ Bɛtwoos kaŋkigya wɔ hi Yeesu fɔkya Urusalimaya zaadɛ wɔ sɛw hi see hinɔ bɛr an hi her dood hi teesdu hi yaahi a Aŋtakiya hi Pol , hi Barnabas, hi wɛɛ hi her Yahuda yɔ nuŋgɔ zaa a Barsabas hi Silas, hi eer sɛw hi gi dood gbɔlɛ a hi tees du. 23Hi wɛɛ hi bi̧i̧ ɗɛɛrwol anyɔ lɛ hi yaanihi:
a Wii tɔmsya wɔ hi ɗɛntɛ Bɛtwoos kaŋkigya wɔ wi boo yɛ̧ɛ̧dɛ wi Yeesu fɔkya dɔ̧ɔ̧t dɔɔmɛ wɔ nɛ gi a Aŋtakiya, a Siriya hi a Kilikiya. 24Wi lag a dood zaadɛ hi fu̧u̧ wi teesdu dihɛ hi rek hi zɛksinɛ, hi luutin hi ya̧a̧boonɛ. Wii wí rāāhi an hi rek hi gɔ hin dɔɔm anbɔ gɛ. 25Ya̧a̧nɛ wi mɔks wi wɔya̧a̧ lɛlgbunu an wi her walɛ zaadɛ wi teesdu wi yaahi a nɛɛge an hi kam Barnabas hi Pol , wɔ ha̧a̧wi a hii gbɔɔltɔnɔ. 26Ya̧nɛ hi gaa kolya̧ an hi wɔr a Waar wɛ Yeesu Kristu nuŋgɔ dɔŋgo.
27Wi yaa Yahuda hi Silas an hi dɔgsin hin gbun bɔ gii hi zulya̧ anyɔ wi bi̧i̧sin a ɗɛɛrwol du. 28Bɛt Mɔkilɔ hi wii sɛw, wi mɔk an bɔwi gbosin hinɗɔmn gbaak a zulha, gɛ gɔ wi gaan dɔgl yɛrɛ yɔ gi an hi ta̧a̧g kpɔd: 29Dɔglɔ gɛ an bɔnɛ tɔb namb wɔ hi gɔn maako, bɔnɛ tɔb namb ga̧a̧mɛ, bɔnɛ tɔb namb yɔ hi ɓɔ̧rɔ, bɔnɛ naamansi. Nɛ oo muul nɛ an bɔnɛ gɔ hin-a̧a̧bɛ wɔrɔ. Gid nɛ oo zul nɛ hi hin wɔrɔ gɔkɔ, nɛ woo rɔbo. An Bɛt gi oonɛ, wɛ ɔɔ naako!
30Yɔ dood hi waar ihi, hi loo ɗɛɛrwol bɔ hi kam gɔ a Aŋtakiya. Yɔ hi tuur a hɔ hi mɔks dood Yeesu fɔkya wɔ kittɔnɔ hi gaahi ɗɛɛrwol bɔ. 31Yɔ wɔrɔ hi zaŋgin ɗɛɛrwol bɔ gi da̧a̧ hi dag hat gbɔɔltɔnɔ hi dɔgl yɔ hi bi̧i̧sihi hi ɓaasinihi muulɛ. 32Anyɔ Yahuda hi Silas hi gi Bɛtya̧a̧kɛŋkyaadɛ hi zulya̧ be, hi dɔks wɔrɔ dɔgl kittɔnɔ hi ɓaasinihi muulɛ hi wɛɛ hi gaahi tɛŋko.
33Yɔ tɔmsya wɔ hi am hɔ kaasi, wɔrɔ hi waar ihi hi yaahi rɔbtɔnɔ hi wɛɛ a dood wɔ hi yaazihi nɛ hi. [ 34Silas be ɔnɛ wɛɛ gɛ; see hinɔ bɛr an gi kɔm dihɔ. ] 35Pol hi Barnabas be, hi am a Aŋtakiya hi gi Waar Yeesu Dɔglɔ Rɔb bɔ dɔko hi wɛɛ hi hingok geha be, hi dood zaadɛ kittɔnɔ lɛlgbunu.
36Yɔ hi am dihɔ kaasi, Pol raa Barnabas a yɛnɛ wɛ wɛɛ a waal gbɔlɛ wɔ hi du sɔmsɔm an wɛ zɛ̧btir yɛ̧ɛ̧dɛ wɛ Yeesu fɔkya wɔ a lɛl yɔ wɛ daa nɛ ge sɛw wɛ dɔg nɛ Waar Yeesu dɔglɔ amntɔnɔ an wɛ seehi hi gi rɔbtɔnɔ. 37Barnabas ha̧a̧g an gi kam nɛ Yohana yɔ nuŋgɔ zaa a Markus hi hii hɛw. 38Hɔnɛ Pol be hā̧a̧g an Yohana-Markus gi retin hi hii gɛ, anyɔ da ɔzihi nɛ a Pamfila, gi fɔ̄hi woos du gɛ.
39Gabs ɗund gbɔɔltɔnɔ hi teesdu wɛɛ gaahi ma hɛɛtingo. Barnabas loo Markus hi kar lɛmb du hi rek a Kiprus, wɛɛ Pol her Silas hi rek lɛlya̧ gɔ sɔm be. 40Yɔ yɛ̧ɛ̧dɛ Yeesu fɔkya wɔ hi gaa Pol hi Silas Waar Yeesu naan du an Bɛt gɛmsilɔ gi gi hi hiya, hi rek gɔ. 41Hi daa a Siriya hi a Silisi hɛbt du sɛw hi gaak Yeesu fɔkya wɔ lɛl sɔmsɔm tɛŋko hi Bɛt dɔglɛ.
Currently Selected:
TƆMSYAADƐ WOOSƐ 15: NTD
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
TƆMSYAADƐ WOOSƐ 15
15
TƆMSYAADƐ WOOSƐ 15
1Dood zaadɛ wɔ hi fu̧u̧z a Yahuduya hi zaa a Aŋtakiya hi yɛls yɛ̧ɛ̧dɛya̧ Yeesu fɔkya wɔ hingok anyɔ lɛ:
a à nɛ nāb an Muusa maakɔdɔgl yɔ raa gɛ, nɛ ɗɛ̄ɛ̄ an nɛ za̧a̧ gɛ.
2Pol hi Barnabas hi tā̧ā̧ wɔrɔ dɔglya̧ bɔ gɛ zaŋ, hi gbaatin ha̧a̧ltɔnɔ a dɔgl bɔrɔ hage. Yɔ anbɔ yɛ̧ɛ̧dɛ Yeesu fɔkya wɔ hi wɛɛ hi her Pol hi Barnabas hi dood zaadɛ wɔ hi fu̧u̧ a Aŋtakiya hi yaanihi dɔglɔ a Urusalima a tɔmsya wɔ hi ɗɛntɛ Bɛtwoos kaŋkigya wɔ hi an hi gbɛrsihi dɔglɔ. 3Yɔ Yeesu fɔkya wɔ Aŋtakiya hi yaa wɔrɔ a Urusalima, hi talk a Finikiya hi a Samariya, hi fɔks Yeesu ɗɔbsigya zaadɛ wɔ a dood wɔ hi mɛ̄ɛ̄ nɛ Bɛt gɛ hi zɛmr kpoosya̧ zɛmr a Bɛt ge. Yɔ dood wɔ hi lag anbɔ, harihi hi sɛw.
4Yɔ hi tuur a Urusalima, Yeesu fɔkya ɔksilya̧ wɔ hi tɔmsya wɔ, hi ɗɛntɛ Bɛtwoos kaŋkigya wɔ hi zehi rɔbtɔnɔ. Wɔrɔ hi fɔksihi hinyɔ Bɛt woo hi hii sɛw. 5Hɔnɛ dood zaadɛ Bɛtɗɔbsigya wɔ hi fu̧u̧z a Farisaya wɔ hi tees du hi ɗuk hi dɔgɔ
a gi an hi nab dood dɔɔmɛ wɔ nabɔ, hí wɛɛ hí raahi hi fɔb Muusa maakɔdɔgl bɔ be.
6Yeesu tɔmsya wɔ hi ɗɛntɛ Bɛtwoos kaŋkigya wɔ hi wɛɛ hi ɔks lɛlgbun an hi see dɔglɔ. 7Yɔ hi faltinhin gi amɔ Piyɛr ɗund dɔgsihi:
a yɛ̧ɛ̧dɛ be wɛ, nɛ mɛɛ a Bɛt herib nɛ teesdu a biitirnaan du an Dɔgl Rɔb bɔ gi tuu be ya̧a̧ du a dood dɔɔmɛ wɔ hi teesdu an hi kɛm hi ɗɔbsɔ. 8Wɛɛ yɔ Bɛt mɛɛ dood kpoos sɛw, zuun a ta̧a̧ dood dɔ̧ɔ̧t dɔɔmɛ wɔ anyɔ gaahi Mɔkilɔ an wɛɛ be. 9Gɔ̄ hinza dɔɔm hi teesdu an gi gɛ̧ksihi hi wɛɛ gɛ, gaas kpoosya̧ anyɔ hi ɗɔbs Yeesu.
10Yɛrɛ nɔ nɛ maatig Bɛto nɛ wɛɛ nɛ gbaasig fɔkɔya wɔ hinɗɔmnyɔ daarlɛl nɔ? An baa wɛ hiya, hi wɛya hi zul wɛ, hinɔ yɛ̧rɛyɛ̧rɔ. 11Yɛrɛ wɛ ɗɔbsig a wɛ za̧a̧ a Waar Yeesu gɛmsilɔ bɔ gi dɔŋgo an hii be.
12Dood wɔ hi mɔks nɛ sɛw hi kɔm sob hi kɛmsig Barnabas hi Pol gɛrs dɔgl wɔ hi fɔkugo hi woos zaadɛ gbɔlɛ wɔ Bɛt woo nɛ hi hii a dood dɔɔmɛ wɔ hi tees du. 13Yɔ hi da̧a̧s ya̧a̧boonɛ Yakuba goo raahi:
14a yɛ̧ɛ̧dɛ be wɛ, lagsinbe! Simɔŋ fɔk hinyɔ Bɛt yɛɛl gi woo nɛ a dood dɔɔmɛ wɔ hi zulha an gi zaa gi her zaadɛ wɔ gɔ hi wɛɛsig doodɔ. 15Dɔgl yɛrɛ riitin hi Bɛtya̧a̧kɛŋkya wɔ dɔgl ya̧nɛ wɔ hi bi̧i̧ 16a Bɛt raa: a gɔ gi kuudu anbɔ bé wɛɛza bé wɛɛ bé wɔm Dawda lukɔ bɔ ɛ̧br nɛko, be wɛɛ be gɛmsɔ, be esige. 17Yɔ anbɔ dood zaadɛ wɔ sɛw hí tɛb Waar Bɛto, hi dood dɔɔmɛ wɔ be gihi elik sɛw an hi wɛɛ dood benɛ. 18Waar Bɛt raa anbɔ. Dɔg dɔglɔ lɔɔlɔɔ an hi mɛɛ.
19Yakuba wɛɛ raa: a ya̧a̧n gii be mɔk a bɔwɛ zɛks dood wɔ hi taa Yahuduya gɛ hi zɛmr kpoosya̧ hi ta̧a̧ Bɛto hi gig fɔko. 20Yɛrɛ yɛwɛ bi̧i̧sihi ɗɛɛrwoli a bɔhi tɔb namb ɓi̧i̧limya wɔ hi gɔnik maako hi wɛɛ hi kpɔɔnik loorɛ, bɔhi naamansi, bɔhi tɔb nambyɔ hi ɓɔ̧rɔ, bɔhi tɔb namb ga̧a̧mɛ. 21Ya̧a̧nɛ, yɛɛl amntɔnɔ dood hi dɔk Muusa maakdɔglɔ a waal gbɔlɛ wɔ hi du sɛw, dood hi gi dɔglɔ zaŋgig a mɔksilluk wɔ du a holum-ɔ̧t nuŋg sɛw be.
22Yɔ anbɔ tɔmsya wɔ hi ɗɛntɛ Bɛtwoos kaŋkigya wɔ hi Yeesu fɔkya Urusalimaya zaadɛ wɔ sɛw hi see hinɔ bɛr an hi her dood hi teesdu hi yaahi a Aŋtakiya hi Pol , hi Barnabas, hi wɛɛ hi her Yahuda yɔ nuŋgɔ zaa a Barsabas hi Silas, hi eer sɛw hi gi dood gbɔlɛ a hi tees du. 23Hi wɛɛ hi bi̧i̧ ɗɛɛrwol anyɔ lɛ hi yaanihi:
a Wii tɔmsya wɔ hi ɗɛntɛ Bɛtwoos kaŋkigya wɔ wi boo yɛ̧ɛ̧dɛ wi Yeesu fɔkya dɔ̧ɔ̧t dɔɔmɛ wɔ nɛ gi a Aŋtakiya, a Siriya hi a Kilikiya. 24Wi lag a dood zaadɛ hi fu̧u̧ wi teesdu dihɛ hi rek hi zɛksinɛ, hi luutin hi ya̧a̧boonɛ. Wii wí rāāhi an hi rek hi gɔ hin dɔɔm anbɔ gɛ. 25Ya̧a̧nɛ wi mɔks wi wɔya̧a̧ lɛlgbunu an wi her walɛ zaadɛ wi teesdu wi yaahi a nɛɛge an hi kam Barnabas hi Pol , wɔ ha̧a̧wi a hii gbɔɔltɔnɔ. 26Ya̧nɛ hi gaa kolya̧ an hi wɔr a Waar wɛ Yeesu Kristu nuŋgɔ dɔŋgo.
27Wi yaa Yahuda hi Silas an hi dɔgsin hin gbun bɔ gii hi zulya̧ anyɔ wi bi̧i̧sin a ɗɛɛrwol du. 28Bɛt Mɔkilɔ hi wii sɛw, wi mɔk an bɔwi gbosin hinɗɔmn gbaak a zulha, gɛ gɔ wi gaan dɔgl yɛrɛ yɔ gi an hi ta̧a̧g kpɔd: 29Dɔglɔ gɛ an bɔnɛ tɔb namb wɔ hi gɔn maako, bɔnɛ tɔb namb ga̧a̧mɛ, bɔnɛ tɔb namb yɔ hi ɓɔ̧rɔ, bɔnɛ naamansi. Nɛ oo muul nɛ an bɔnɛ gɔ hin-a̧a̧bɛ wɔrɔ. Gid nɛ oo zul nɛ hi hin wɔrɔ gɔkɔ, nɛ woo rɔbo. An Bɛt gi oonɛ, wɛ ɔɔ naako!
30Yɔ dood hi waar ihi, hi loo ɗɛɛrwol bɔ hi kam gɔ a Aŋtakiya. Yɔ hi tuur a hɔ hi mɔks dood Yeesu fɔkya wɔ kittɔnɔ hi gaahi ɗɛɛrwol bɔ. 31Yɔ wɔrɔ hi zaŋgin ɗɛɛrwol bɔ gi da̧a̧ hi dag hat gbɔɔltɔnɔ hi dɔgl yɔ hi bi̧i̧sihi hi ɓaasinihi muulɛ. 32Anyɔ Yahuda hi Silas hi gi Bɛtya̧a̧kɛŋkyaadɛ hi zulya̧ be, hi dɔks wɔrɔ dɔgl kittɔnɔ hi ɓaasinihi muulɛ hi wɛɛ hi gaahi tɛŋko.
33Yɔ tɔmsya wɔ hi am hɔ kaasi, wɔrɔ hi waar ihi hi yaahi rɔbtɔnɔ hi wɛɛ a dood wɔ hi yaazihi nɛ hi. [ 34Silas be ɔnɛ wɛɛ gɛ; see hinɔ bɛr an gi kɔm dihɔ. ] 35Pol hi Barnabas be, hi am a Aŋtakiya hi gi Waar Yeesu Dɔglɔ Rɔb bɔ dɔko hi wɛɛ hi hingok geha be, hi dood zaadɛ kittɔnɔ lɛlgbunu.
36Yɔ hi am dihɔ kaasi, Pol raa Barnabas a yɛnɛ wɛ wɛɛ a waal gbɔlɛ wɔ hi du sɔmsɔm an wɛ zɛ̧btir yɛ̧ɛ̧dɛ wɛ Yeesu fɔkya wɔ a lɛl yɔ wɛ daa nɛ ge sɛw wɛ dɔg nɛ Waar Yeesu dɔglɔ amntɔnɔ an wɛ seehi hi gi rɔbtɔnɔ. 37Barnabas ha̧a̧g an gi kam nɛ Yohana yɔ nuŋgɔ zaa a Markus hi hii hɛw. 38Hɔnɛ Pol be hā̧a̧g an Yohana-Markus gi retin hi hii gɛ, anyɔ da ɔzihi nɛ a Pamfila, gi fɔ̄hi woos du gɛ.
39Gabs ɗund gbɔɔltɔnɔ hi teesdu wɛɛ gaahi ma hɛɛtingo. Barnabas loo Markus hi kar lɛmb du hi rek a Kiprus, wɛɛ Pol her Silas hi rek lɛlya̧ gɔ sɔm be. 40Yɔ yɛ̧ɛ̧dɛ Yeesu fɔkya wɔ hi gaa Pol hi Silas Waar Yeesu naan du an Bɛt gɛmsilɔ gi gi hi hiya, hi rek gɔ. 41Hi daa a Siriya hi a Silisi hɛbt du sɛw hi gaak Yeesu fɔkya wɔ lɛl sɔmsɔm tɛŋko hi Bɛt dɔglɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.