TƆMSYAADƐ WOOSƐ 12
12
TƆMSYAADƐ WOOSƐ 12
1A ɔ̧tya̧ gedu, Waar Hirudus yɛɛl Yeesu fɔkya wɔ zaadɛya̧ ya̧a̧r ha̧a̧nuko. 2Wɛɛ raa dood hi gbɛɛr Yohana hindaɔ Yakuba hi daŋbɛsimi. 3Yɔ gbɛn hin gi har Yahuduya wɔ anbɔ, wɛɛ wa̧a̧ Piyɛr hɛw a naab-ɔ̧t yɔ gɔ hi lil hɛ̧ɛ̧t gedu.
4Yɔ bɛɛ Piyɛr wa̧a̧ko gbalig luknɔ du, gbaa layaadɛ koobl daa nɔɔn-gbunu lɛl nasɔ an hi ooge; wɛɛ mɔk a Paska naab gɔ gi daa hi kaŋg a dood muutdu an gi gbaasig dɔglɛ. 5Yɔ anbɔ Piyɛr ɗɔɔt a luknɔ du, Yeesu fɔkya wɔ hi mɔks lɛlgbun be hi waa hi gisig Bɛt zɔ̧k hi tɛŋko.
6Yɛms yɔ an Hirudus gɔ gi kamnig a dood muutdu yoosugɔ, Piyɛr gi yok a layaadɛ eer tees du; hi wɔg hi ba̧a̧ntus eerɛ. Laya zaadɛ hi gi luknɔ gbar bɔ ooko.
7Yaala Bɛtwalsɛr za zaa, lɛl gaa a luknɔ bɔ gedu. Bɛtwalsɛr bɔ kpòò Piyɛr dɛŋge a yɛ̧brya̧ raage
a ɗukum nɔɔko.
Ba̧a̧ntus wɔ hi kpɔm gi naan du gbis.
8Bɛtwalsɛr bɔ wɛɛ raage
a wɔm hi̧i̧lwɛɛl mɔ see du, hegum taal mɔ dɔɔ du.
Piyɛr wɔb hi̧i̧lwɛɛl bɔ wɛɛ heg taalɔ bɔ. Wɛɛ raage
a hegum gban mɔ gbɔɔl bɔ muulɛ mɔ fɔbzibe.
9Piyɛr hegɔ tuu fɔge, mɛ̄ɛ̄ a hinyɔ Bɛtwalsɛr bɔ gi gɔk gi rɔb gɛ, wɛɛ mɔk a be gi gbɛnik hinza a gɛrs du. 10Yɔ hi tuuz hi daar laaya biitir bɔ hi eesim bɔ, hi tuur gɔ a gbɔnɔ kpɛnis tusya bɔ ge an hi ren a waal gbɔɔl du, gbɔnɔ bɔ gboor gi naanɛ, hi tuu hi rek a bɔrignɔɔ zaa du, yaala Bɛtwalsɛr bɔ rek ɔɔ Piyɛr dihɔ. 11Piyɛr wɛɛ mɔkhin gi zulha dɔgɔ
a yɛrɛ be mɛɛmɛ ma a Waar Bɛt yaaz walsɛrɔ za̧a̧sib a Hirudus naan du hi hinyɔ dood Yahuduya wɔ hi ook nɛ sɛw an hi woo be zulha.
12Yɔ mɛks anbɔ wa̧a̧ gbɔnɔ rek a Yohana yɔ nuŋgɔ zaa a Markus nɔɔtɔ Mariyama raa du, a lɛlyɔ dood kittɔnɔ hi mɔks hi zɔ̧k Bɛt ge.
13Piyɛr yɔ tuurɔ ɓaa tutin-gbɔnɔ. Yɔ nisgbaar za nuŋgɔ a Rogda kɛmz zaa an gi lag hinɔ. 14Yɔ mɛks Piyɛr ya̧a̧ɔ, hin harige, an gɔ gi gboor gbɔnɔ bɔ, gboor gɛ, nɔɔ rek raas dood zaadɛ wɔ a Piyɛr zaa gi a tutin-gbɔnɔya̧. 15Wɔrɔ hi raage
a mɔ yooyɔ.
Hɔnɛ gii wɛɛ raa
a be raak rɔb ro!
Hi wɛɛ hi ɗɔgɔ
a Piyɛr Bɛtwalsɛr ɔ̧ɔ̧n zaa.
16Yɔ anbɔ Piyɛr gi gbosig tutin-gbɔnɔ bɔ ɓaaki. Hi zaa hi gboor lukgbɔnɔ bɔ, yɔ hi gbɛnige, hinɔ kɔmsihi gɛrsɛ. 17Yɔ Piyɛr pɛɛ naan wɛɛha an dood hi kɔm sob hi kɛm dɔglɔ, hi kpɛ̧ɛ̧ ya̧a̧ya̧ gɔ. Fɔksihi hinyɔ Waar Bɛt tuusinge a luknɔ bɔ gedu. Wɛɛ raa
a dɔgsin Yakuba hi yɛ̧ɛ̧dɛ Yeesu -fɔkya zaaɗɛ wɔ dɔglɔ.
Kuudu wɛɛ tuu rek a lɛl za dɔɔmi. 18Yɔ lɛl gaa, laaya wɔ hi watin hi teesdu hi tɛŋko an hi mɛɛ lɛlyɔ Piyɛr wɛɛ du. 19Yɔ Hirudus raa dood hi ɓɛɛ Piyɛr hi gbɛnig gɛ, wɛ gbaas laya wɔ dɔglɛ, an gi raa dood hi rek hi gbɔ̧hi. Ɗuk a Yahuduya rek a Kaysariya waal gbɔɔl du an gi ɗɔɔt hɔ ɔ̧t kaasi.
20Waar Hirudus kpoosɔ nɔɔg daarlɛl a Tirusya wɔ hi zulha, hi Sidɔŋgya wɔ hi zulha, yɔ anbɔ wɔrɔ hi ɔks an hi rek hi sɔ̧ɔ̧ge. Hi yɛɛl hi sɔmb waar bɔ Hirudus raaɔ-ookya bɔ nuŋgɔ a Balaste an gi ta̧a̧ dɔglya̧. Yɔ hi dak lees gi fu̧u̧z a waar bɔ gi hɛbt du, gii hi rek a Hirudus ge an hi ɛrig saŋtum a hi hɛbt bɔ gedu. 21A ɔ̧tyɔ hi dɛ̧ɛ̧ gedu, Hirudus heg waar ums gbannɔ, ɗɔɔt a waar ums ɗɔɔtillɛlɛ dɔgsihi dɔglɛ. 22Dood saal wɔ hi ɓooya̧a̧
a bɛt gii gi ya̧a̧booko, doo tɔs ya̧a̧boon gɛ!
23Anyɔ ɗɔbs Bɛt gɛ, ɓɔrbɔ Bɛtwalsɛr za lɛge. Ga̧a̧r hi mid gi buu du hi tɔ̀g wɔrɔ. 24Yɔ anbɔ Bɛt dɔglɔ tɔɔ re gɔ doosɛ doosɛ. 25Yɔ Barnabas hi Sawulu hi da̧a̧s woosya̧ a Urusalima hi wɛɛzugo, hi kamz Yohana yɔ nuŋgɔ zaa a Markus naanɛ.
Currently Selected:
TƆMSYAADƐ WOOSƐ 12: NTD
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
TƆMSYAADƐ WOOSƐ 12
12
TƆMSYAADƐ WOOSƐ 12
1A ɔ̧tya̧ gedu, Waar Hirudus yɛɛl Yeesu fɔkya wɔ zaadɛya̧ ya̧a̧r ha̧a̧nuko. 2Wɛɛ raa dood hi gbɛɛr Yohana hindaɔ Yakuba hi daŋbɛsimi. 3Yɔ gbɛn hin gi har Yahuduya wɔ anbɔ, wɛɛ wa̧a̧ Piyɛr hɛw a naab-ɔ̧t yɔ gɔ hi lil hɛ̧ɛ̧t gedu.
4Yɔ bɛɛ Piyɛr wa̧a̧ko gbalig luknɔ du, gbaa layaadɛ koobl daa nɔɔn-gbunu lɛl nasɔ an hi ooge; wɛɛ mɔk a Paska naab gɔ gi daa hi kaŋg a dood muutdu an gi gbaasig dɔglɛ. 5Yɔ anbɔ Piyɛr ɗɔɔt a luknɔ du, Yeesu fɔkya wɔ hi mɔks lɛlgbun be hi waa hi gisig Bɛt zɔ̧k hi tɛŋko.
6Yɛms yɔ an Hirudus gɔ gi kamnig a dood muutdu yoosugɔ, Piyɛr gi yok a layaadɛ eer tees du; hi wɔg hi ba̧a̧ntus eerɛ. Laya zaadɛ hi gi luknɔ gbar bɔ ooko.
7Yaala Bɛtwalsɛr za zaa, lɛl gaa a luknɔ bɔ gedu. Bɛtwalsɛr bɔ kpòò Piyɛr dɛŋge a yɛ̧brya̧ raage
a ɗukum nɔɔko.
Ba̧a̧ntus wɔ hi kpɔm gi naan du gbis.
8Bɛtwalsɛr bɔ wɛɛ raage
a wɔm hi̧i̧lwɛɛl mɔ see du, hegum taal mɔ dɔɔ du.
Piyɛr wɔb hi̧i̧lwɛɛl bɔ wɛɛ heg taalɔ bɔ. Wɛɛ raage
a hegum gban mɔ gbɔɔl bɔ muulɛ mɔ fɔbzibe.
9Piyɛr hegɔ tuu fɔge, mɛ̄ɛ̄ a hinyɔ Bɛtwalsɛr bɔ gi gɔk gi rɔb gɛ, wɛɛ mɔk a be gi gbɛnik hinza a gɛrs du. 10Yɔ hi tuuz hi daar laaya biitir bɔ hi eesim bɔ, hi tuur gɔ a gbɔnɔ kpɛnis tusya bɔ ge an hi ren a waal gbɔɔl du, gbɔnɔ bɔ gboor gi naanɛ, hi tuu hi rek a bɔrignɔɔ zaa du, yaala Bɛtwalsɛr bɔ rek ɔɔ Piyɛr dihɔ. 11Piyɛr wɛɛ mɔkhin gi zulha dɔgɔ
a yɛrɛ be mɛɛmɛ ma a Waar Bɛt yaaz walsɛrɔ za̧a̧sib a Hirudus naan du hi hinyɔ dood Yahuduya wɔ hi ook nɛ sɛw an hi woo be zulha.
12Yɔ mɛks anbɔ wa̧a̧ gbɔnɔ rek a Yohana yɔ nuŋgɔ zaa a Markus nɔɔtɔ Mariyama raa du, a lɛlyɔ dood kittɔnɔ hi mɔks hi zɔ̧k Bɛt ge.
13Piyɛr yɔ tuurɔ ɓaa tutin-gbɔnɔ. Yɔ nisgbaar za nuŋgɔ a Rogda kɛmz zaa an gi lag hinɔ. 14Yɔ mɛks Piyɛr ya̧a̧ɔ, hin harige, an gɔ gi gboor gbɔnɔ bɔ, gboor gɛ, nɔɔ rek raas dood zaadɛ wɔ a Piyɛr zaa gi a tutin-gbɔnɔya̧. 15Wɔrɔ hi raage
a mɔ yooyɔ.
Hɔnɛ gii wɛɛ raa
a be raak rɔb ro!
Hi wɛɛ hi ɗɔgɔ
a Piyɛr Bɛtwalsɛr ɔ̧ɔ̧n zaa.
16Yɔ anbɔ Piyɛr gi gbosig tutin-gbɔnɔ bɔ ɓaaki. Hi zaa hi gboor lukgbɔnɔ bɔ, yɔ hi gbɛnige, hinɔ kɔmsihi gɛrsɛ. 17Yɔ Piyɛr pɛɛ naan wɛɛha an dood hi kɔm sob hi kɛm dɔglɔ, hi kpɛ̧ɛ̧ ya̧a̧ya̧ gɔ. Fɔksihi hinyɔ Waar Bɛt tuusinge a luknɔ bɔ gedu. Wɛɛ raa
a dɔgsin Yakuba hi yɛ̧ɛ̧dɛ Yeesu -fɔkya zaaɗɛ wɔ dɔglɔ.
Kuudu wɛɛ tuu rek a lɛl za dɔɔmi. 18Yɔ lɛl gaa, laaya wɔ hi watin hi teesdu hi tɛŋko an hi mɛɛ lɛlyɔ Piyɛr wɛɛ du. 19Yɔ Hirudus raa dood hi ɓɛɛ Piyɛr hi gbɛnig gɛ, wɛ gbaas laya wɔ dɔglɛ, an gi raa dood hi rek hi gbɔ̧hi. Ɗuk a Yahuduya rek a Kaysariya waal gbɔɔl du an gi ɗɔɔt hɔ ɔ̧t kaasi.
20Waar Hirudus kpoosɔ nɔɔg daarlɛl a Tirusya wɔ hi zulha, hi Sidɔŋgya wɔ hi zulha, yɔ anbɔ wɔrɔ hi ɔks an hi rek hi sɔ̧ɔ̧ge. Hi yɛɛl hi sɔmb waar bɔ Hirudus raaɔ-ookya bɔ nuŋgɔ a Balaste an gi ta̧a̧ dɔglya̧. Yɔ hi dak lees gi fu̧u̧z a waar bɔ gi hɛbt du, gii hi rek a Hirudus ge an hi ɛrig saŋtum a hi hɛbt bɔ gedu. 21A ɔ̧tyɔ hi dɛ̧ɛ̧ gedu, Hirudus heg waar ums gbannɔ, ɗɔɔt a waar ums ɗɔɔtillɛlɛ dɔgsihi dɔglɛ. 22Dood saal wɔ hi ɓooya̧a̧
a bɛt gii gi ya̧a̧booko, doo tɔs ya̧a̧boon gɛ!
23Anyɔ ɗɔbs Bɛt gɛ, ɓɔrbɔ Bɛtwalsɛr za lɛge. Ga̧a̧r hi mid gi buu du hi tɔ̀g wɔrɔ. 24Yɔ anbɔ Bɛt dɔglɔ tɔɔ re gɔ doosɛ doosɛ. 25Yɔ Barnabas hi Sawulu hi da̧a̧s woosya̧ a Urusalima hi wɛɛzugo, hi kamz Yohana yɔ nuŋgɔ zaa a Markus naanɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.