TƆMSYAADƐ WOOSƐ 11
11
TƆMSYAADƐ WOOSƐ 11
1Tɔmsya wɔ hi yɛ̧ɛ̧dɛ Yeesu fɔkya wɔ hi gi a Yahuduya hi lag a dood dɔ̧ɔ̧t dɔɔmɛ wɔ hi ta̧a̧ Bɛt dɔglɔ ta̧a̧ hɛw. 2Yɔ Piyɛr wɛɛ gi dɔɔ a Urusalima, Yahuduya Yeesu -fɔkya wɔ gɔ hi raa a gi an dood sɛw hi nabɔ hi faltin hin hi raage
3a kɔm ri mɔ gul a kpaarɛ wɔ hi lɛl du mɔ letingo kok hi hii nɔ?
4Piyɛr wɛɛ fɔksihi hinyɔ daa gbunu gbunu sɛw
5a yɔ be gi a Zope waal gbɔɔl du be gi Bɛt zɔ̧ko, kol be zɛmrɔ, be gbɛn hinza gɛrs du, hinɔ riitin an gban gbɔɔl fɛɛti, hi ha̧b tɔlɔya̧ wɔ hi lɛl nasɔ siz bɛtha tuur be dɔŋdi. 6Yɔ be see lɔl be muulɔ ge gbigi be gbɛn namb dɔɔ nasya wɔ hɛbtdi sɛw hi zaa hi nam hɛtum wɔ hi naŋkar wɔ, hi nɔɔs wɔ bɛtha sɛw gedu. 7Be wɛɛ be lag Bɛt kɔlkɔ raabe a Piyɛr , ɗukum mɔ wa̧a̧ hin wɛrɛ mɔ gbɛɛrihi mɔ tɔbɔ. 8Hɔnɛ be wɛɛ be in be raa a ewwee! Waar Bɛto, hinza ɓi̧i̧limya tadir be ya̧a̧ du ket gɛ nɛ zaŋ!
9Be wɛɛ be kɛm za̧a̧n bɔ kɔlkɔ dɔɔ eesimɛ a bɛtha a hinyɔ Bɛt gaasige bɔmɔ sɔ̧ɔ̧ hinɔ an ɓi̧i̧limyayɔ. 10Hinɔ tuur anbɔ dɔɔ taarɛ wɛɛ kɔl dɔɔ bɛtha sɛw.
11Wɛɛ ɓɔrbɔ hi loo dood taarɛ hi yaazihi beege a Kaysariya waal gbɔɔl du hi tuur a be lukgbarɔ a lɛlyɔ be sil be waak gedu. 12Bɛt Mɔkilɔ raabe a bɔ kol gi tuum rekɔ hi hiya. Yɛ̧ɛ̧dɛ be Yeesu fɔkya wɛrɛ nɔɔngbun hi ka̧be, wi re wi gul a laaya gbɔɔl bɔ Kɔrnɛliyus raa du a Kaysariya. 13Wal bɔ fɔksiw Bɛtwalsɛr bɔ gbɛŋkɔ gbɛnig erkɔ a gi lɛl du. Bɛtwalsɛr bɔ tursig raage a yaam ɗood a Zope hi elz Simɔŋ yɔ nuŋgɔ zaa a Piyɛr gi zaa, 14gi raasum dɔgl yɔ gɔ gi za̧a̧sumɔ hi raat mɔ sɛw.
15Yɔ be yɛɛl nɛ ya̧a̧booko, Bɛt Mɔkilɔ siz hi zulha anyɔ da siz nɛ wɛ zulha biitir be. 16Kuudu be wɛɛ be mɔk be mɛks hinyɔ Waar Yeesu dɔg nɛko a Yohana hotin dood Bɛtmɛm hi mɛm tɔs, yɛrɛ nɛya nɛ dag Bɛtmɛm hi Bɛt Mɔkilɔ. 17Bɛt gi gàà dood wɔ hi taa Yahuduya gɛ Mɔkilɔ anyɔ gaa nɛ wɛɛ be, yɔ wɛ ɗɔbs Waar wɛ Yeesu Kristu, bee be ginɛ bɔ an be a̧a̧n Bɛto? Bɛt woos ɔ̧ɔ̧nɛ.
18Yɔ hi lag dɔgl bɔrɔ anbɔ hi kɔm tɛrɛrɛ hi baan Bɛt hi raa
a Kak! Hinɔ gi rɔb ma a Bɛt gaa dood wɔ hi taa Yahuduya gɛ gbɔnɔ an hi zɛmr kpoosya̧ hi wɛɛ hi dag za̧a̧tig ma be mi!
19Yɔ Yahuduya wɔ hi gbɔm Estafanus, ya̧a̧kɛtil hɛks Yeesu ɗɔbsigya wɔ; zaa hi rek a Finikiya, a Kiprus, a Aŋtakiya, hi gi Yeesu dɔglɔ gii dɔk a Yahuduya wɔ hi teesdu kpɔd. 20Yɔ anbɔ ɗɔbsigya zaadɛ walɛ hi fu̧u̧ a Kiprus, zaadɛya̧ a Kirɛnɛ, hi rek a Aŋtakiya hi dɔgsig dood wɔ hi taa Yahuduyaadɛ Waar Yeesu dɔglɔ. 21Waar Yeesu tɛŋkɔ gi hi hiya, wɛɛ dood kittɔnɔ hi ɗɔbs dɔglya̧ hi ɔɔ hinha̧a̧lya̧ hi ta̧a̧ Waar Yeesu.
22Dɔglya̧ tuur a Yeesu fɔkya wɔ hi mɔksig a Urusalima hi tɔn du, hi yaa Barnabas tuur a Aŋtakiya. 23-24Barnabas gi doo hinwookya rɔbo. Bɛt Mɔkilɔ hi̧i̧s gi kpoos du gi ɗɔbsig Bɛt hi tɛŋko. Yɔ Barnabas tuur hɔ gi gbɛn Bɛt gi rɔbsig dood wɔ hɔ, dag hat gbɔɔltɔnɔ, wɛɛ ɓaasihi a hi kɔm hi fɔb Waar Yeesu hi kpoosya̧ sɛw, bɔhi wɛɛ kuudu. Dood saalnɔ gbɔɔl hi ɗɔbs ma Waar Yeesu gɔ.
25Barnabas wɛɛ dɔŋg a Tarse an gi ɓɛɛ Sawulu; 26yɔ zɛŋge kamzig a Aŋtakiya. Hi waa mɔksig hi Yeesu fɔkya wɔ hɔ lɛlgbun tuur wɛl gbunu hi goksig dood kit hinɛ. Hi yɛɛl dood Yeesu fɔkya wɔ elik a Kristufɔkyaadɛyɔ. Hi yɛɛl elikɔ a anbɔ a Aŋtakiya.
27A ɔ̧tɔge Bɛtya̧a̧kɛŋkya zaadɛ hi fu̧u̧ a Urusalima hi tii a Aŋtakiya. 28Zaaya̧ gbun bɔ nuŋgɔ a Agabus ɗuk a hi teesdu dɔg hinyɔ Bɛt Mɔkilɔ gisig raak gaati a tɔs gi tuu a waal du sɛw. Kuudu tɔsɔ tuu ma gɔ a Waar Kalawdiya wɛlɔ yɔ gɔ gi ɗɔɔt waar gbɔɔl gedu. 29Yeesu fɔkya wɔ hi wɔbya̧a̧ hi teesdu hi raa a bɔbe gi kamz tusɔ anyɔ dagɔ an hi mɔks hi yaas nayza zaadɛ Yeesu fɔkya wɔ hi waak a Yahuduya hɛbt du. 30Hi mɔks tus bɔ hi gaa Sawulu hi Barnabas hi kams ɗɛntɛ Bɛtwoos kaŋkigya wɔ gɔ a Yahuduya.
Currently Selected:
TƆMSYAADƐ WOOSƐ 11: NTD
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
TƆMSYAADƐ WOOSƐ 11
11
TƆMSYAADƐ WOOSƐ 11
1Tɔmsya wɔ hi yɛ̧ɛ̧dɛ Yeesu fɔkya wɔ hi gi a Yahuduya hi lag a dood dɔ̧ɔ̧t dɔɔmɛ wɔ hi ta̧a̧ Bɛt dɔglɔ ta̧a̧ hɛw. 2Yɔ Piyɛr wɛɛ gi dɔɔ a Urusalima, Yahuduya Yeesu -fɔkya wɔ gɔ hi raa a gi an dood sɛw hi nabɔ hi faltin hin hi raage
3a kɔm ri mɔ gul a kpaarɛ wɔ hi lɛl du mɔ letingo kok hi hii nɔ?
4Piyɛr wɛɛ fɔksihi hinyɔ daa gbunu gbunu sɛw
5a yɔ be gi a Zope waal gbɔɔl du be gi Bɛt zɔ̧ko, kol be zɛmrɔ, be gbɛn hinza gɛrs du, hinɔ riitin an gban gbɔɔl fɛɛti, hi ha̧b tɔlɔya̧ wɔ hi lɛl nasɔ siz bɛtha tuur be dɔŋdi. 6Yɔ be see lɔl be muulɔ ge gbigi be gbɛn namb dɔɔ nasya wɔ hɛbtdi sɛw hi zaa hi nam hɛtum wɔ hi naŋkar wɔ, hi nɔɔs wɔ bɛtha sɛw gedu. 7Be wɛɛ be lag Bɛt kɔlkɔ raabe a Piyɛr , ɗukum mɔ wa̧a̧ hin wɛrɛ mɔ gbɛɛrihi mɔ tɔbɔ. 8Hɔnɛ be wɛɛ be in be raa a ewwee! Waar Bɛto, hinza ɓi̧i̧limya tadir be ya̧a̧ du ket gɛ nɛ zaŋ!
9Be wɛɛ be kɛm za̧a̧n bɔ kɔlkɔ dɔɔ eesimɛ a bɛtha a hinyɔ Bɛt gaasige bɔmɔ sɔ̧ɔ̧ hinɔ an ɓi̧i̧limyayɔ. 10Hinɔ tuur anbɔ dɔɔ taarɛ wɛɛ kɔl dɔɔ bɛtha sɛw.
11Wɛɛ ɓɔrbɔ hi loo dood taarɛ hi yaazihi beege a Kaysariya waal gbɔɔl du hi tuur a be lukgbarɔ a lɛlyɔ be sil be waak gedu. 12Bɛt Mɔkilɔ raabe a bɔ kol gi tuum rekɔ hi hiya. Yɛ̧ɛ̧dɛ be Yeesu fɔkya wɛrɛ nɔɔngbun hi ka̧be, wi re wi gul a laaya gbɔɔl bɔ Kɔrnɛliyus raa du a Kaysariya. 13Wal bɔ fɔksiw Bɛtwalsɛr bɔ gbɛŋkɔ gbɛnig erkɔ a gi lɛl du. Bɛtwalsɛr bɔ tursig raage a yaam ɗood a Zope hi elz Simɔŋ yɔ nuŋgɔ zaa a Piyɛr gi zaa, 14gi raasum dɔgl yɔ gɔ gi za̧a̧sumɔ hi raat mɔ sɛw.
15Yɔ be yɛɛl nɛ ya̧a̧booko, Bɛt Mɔkilɔ siz hi zulha anyɔ da siz nɛ wɛ zulha biitir be. 16Kuudu be wɛɛ be mɔk be mɛks hinyɔ Waar Yeesu dɔg nɛko a Yohana hotin dood Bɛtmɛm hi mɛm tɔs, yɛrɛ nɛya nɛ dag Bɛtmɛm hi Bɛt Mɔkilɔ. 17Bɛt gi gàà dood wɔ hi taa Yahuduya gɛ Mɔkilɔ anyɔ gaa nɛ wɛɛ be, yɔ wɛ ɗɔbs Waar wɛ Yeesu Kristu, bee be ginɛ bɔ an be a̧a̧n Bɛto? Bɛt woos ɔ̧ɔ̧nɛ.
18Yɔ hi lag dɔgl bɔrɔ anbɔ hi kɔm tɛrɛrɛ hi baan Bɛt hi raa
a Kak! Hinɔ gi rɔb ma a Bɛt gaa dood wɔ hi taa Yahuduya gɛ gbɔnɔ an hi zɛmr kpoosya̧ hi wɛɛ hi dag za̧a̧tig ma be mi!
19Yɔ Yahuduya wɔ hi gbɔm Estafanus, ya̧a̧kɛtil hɛks Yeesu ɗɔbsigya wɔ; zaa hi rek a Finikiya, a Kiprus, a Aŋtakiya, hi gi Yeesu dɔglɔ gii dɔk a Yahuduya wɔ hi teesdu kpɔd. 20Yɔ anbɔ ɗɔbsigya zaadɛ walɛ hi fu̧u̧ a Kiprus, zaadɛya̧ a Kirɛnɛ, hi rek a Aŋtakiya hi dɔgsig dood wɔ hi taa Yahuduyaadɛ Waar Yeesu dɔglɔ. 21Waar Yeesu tɛŋkɔ gi hi hiya, wɛɛ dood kittɔnɔ hi ɗɔbs dɔglya̧ hi ɔɔ hinha̧a̧lya̧ hi ta̧a̧ Waar Yeesu.
22Dɔglya̧ tuur a Yeesu fɔkya wɔ hi mɔksig a Urusalima hi tɔn du, hi yaa Barnabas tuur a Aŋtakiya. 23-24Barnabas gi doo hinwookya rɔbo. Bɛt Mɔkilɔ hi̧i̧s gi kpoos du gi ɗɔbsig Bɛt hi tɛŋko. Yɔ Barnabas tuur hɔ gi gbɛn Bɛt gi rɔbsig dood wɔ hɔ, dag hat gbɔɔltɔnɔ, wɛɛ ɓaasihi a hi kɔm hi fɔb Waar Yeesu hi kpoosya̧ sɛw, bɔhi wɛɛ kuudu. Dood saalnɔ gbɔɔl hi ɗɔbs ma Waar Yeesu gɔ.
25Barnabas wɛɛ dɔŋg a Tarse an gi ɓɛɛ Sawulu; 26yɔ zɛŋge kamzig a Aŋtakiya. Hi waa mɔksig hi Yeesu fɔkya wɔ hɔ lɛlgbun tuur wɛl gbunu hi goksig dood kit hinɛ. Hi yɛɛl dood Yeesu fɔkya wɔ elik a Kristufɔkyaadɛyɔ. Hi yɛɛl elikɔ a anbɔ a Aŋtakiya.
27A ɔ̧tɔge Bɛtya̧a̧kɛŋkya zaadɛ hi fu̧u̧ a Urusalima hi tii a Aŋtakiya. 28Zaaya̧ gbun bɔ nuŋgɔ a Agabus ɗuk a hi teesdu dɔg hinyɔ Bɛt Mɔkilɔ gisig raak gaati a tɔs gi tuu a waal du sɛw. Kuudu tɔsɔ tuu ma gɔ a Waar Kalawdiya wɛlɔ yɔ gɔ gi ɗɔɔt waar gbɔɔl gedu. 29Yeesu fɔkya wɔ hi wɔbya̧a̧ hi teesdu hi raa a bɔbe gi kamz tusɔ anyɔ dagɔ an hi mɔks hi yaas nayza zaadɛ Yeesu fɔkya wɔ hi waak a Yahuduya hɛbt du. 30Hi mɔks tus bɔ hi gaa Sawulu hi Barnabas hi kams ɗɛntɛ Bɛtwoos kaŋkigya wɔ gɔ a Yahuduya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.