2 TIMƆTE 4
4
2 TIMƆTE 4
1Mi gim raak hi tɛŋko a Bɛt muutdu hi a Yeesu Kristu muutdu, Za̧a̧nyɔ gɔ gi gbaas wɔrkɛ wɔ hi dood za̧a̧til wɔ sɛw dɔglɛ. Mi raamɔ a zaakɔ bɔ gi dɔŋgo hi waar umsɔ yɔ gɔ gi esig gi dɔŋgo: 2a dɔgsum dood Bɛtdɔglɛ, dɔgsumɔhi hi ya̧a̧hɛmnti, gi riisihi, gi rı̄ı̄sihi gɛya hɛw, walksimɔhi hin-a̧a̧bya̧, za̧brumɔhi, gaamɔhi tɛŋko. Gogsumɔhi hin hi mɔmnt rɔbo.
3Yɔ anbɔ, ɔ̧tɔza gi zaako, dood hi ta̧a̧ hinrɔb gok bɔ kɛŋk gɛ, hi fɔb hinyɔ kpoosya̧ ha̧a̧hi giya, hi wɛɛ hi mɔks hingokya adɛ, an hi dɔksihi hinyɔ kpoosya̧ ha̧a̧hi kɛŋko. 4Hi ɔɔ rɔb dɔgl bɔ kɛŋkɔ, hi zɛmr an hi kɛm dɔgl fɔkil amntɛ wɔ hiya. 5Yɛrɛ mɔya, oom zul mɔ rɔbtɔnɔ a hinyɔ gi duge sɛw, mɔm ya̧a̧rhant wɔ. Woom Bɛtdɔgl ɛmbingoya woos bɔ, da̧a̧sim woos bɔ Bɛt gaamɔ an mɔ woosige.
6Minɛ ɔ̧tyɔ ga̧a̧m mi gɔ gi gubr an Bɛt gaasɛ sɛ̧ɛ̧b ma; ɔ̧t minɛ yɔ gɔ mi wɔr du tursimtursɔ. 7Mi gɔ nɔk rɔb bɔ gɔ; mi da̧a̧s nɔɔkil mi da̧a̧sɔ, mi oo ɗɔbsig mi. 8Yɛrɛ ɗɛɛt mi dɔɔrɔɔs bɔ gim ooko. Waar Yeesu , dɔglyɛ̧ɛ̧kya bɔhi gbɔnɔ gii gi gaami a woos miyɔ riisig gi dɔŋgo a dɔgl-gbaak bɔ ɔ̧tɔ ge. Taa mii gaak kpɔdi, gi gaak dood wɔ ha̧a̧hi a gi muul sɛw gid hi ook ɔ̧tyɔ gɔ gi miɗza gedu.
9Timɔte, bɔmɔ amzɔ, i̧i̧yimɔ an mɔ zaa a miige nɔɔko. 10Deemas ɔɔm-ɔ anyɔ ha̧a̧g waal yɔ gi ɓɔryɔ; rek a Tesalo-niki. Kerɛskɛs be rek a Galatiya, Titus be rek a Dalmatiya. 11Luka gii gi gi gbunu hi miya. Loom Markus nɛ zaatin elo, ɔnɛ ɗɛɛ an gi ɗaasum a Waar Bɛt woos du gbɔɔltɔnɔ. 12Mi yaa Tikikus a Efesu. 13Gɔ mɔ gi zaako, kamsimi dimnaan mi bɔ mi ɔz a Karpus naan du a Torowas. Mɔ kamsim ɗɛɛrwol wɔ hi gi hɔ hɛw, rɔbɔ, wɔ hi gin wɛɛl hobo.
14Nām bɔ Alegzandɛr gɔsim bɔbtin ha̧a̧ltɔnɔ, Waar Bɛt gi gbaasig dɔgl a woos yɔ woo kalɔ ge. 15Mɔɔ oom zul mɔ hi gii hɛw, faa dɔgl wɛ hi tɛŋko. 16Yɔ mi yɛɛl erk a dɔgl-gbaak muutdu an mi ta̧a̧s zul mi hinɛ, doo za ɗaasim gɛ, dood sɛw hi nɔɔ hi ɔɔm-ɔ. An bɔ̄ Bɛt gi see an hin-a̧a̧byɔ. 17Yɔ anbɔ Waar Yeesu gi hi miya gaam tɛŋk an mi da̧a̧sin Bɛtdɔgl bɔ dɔkɔ, an dood wɔ hi taa Yahuduya gɛ sɛw hi kɛmɔ. Gii wɛɛ gi za̧a̧simi a naamnɔɔ ya̧a̧gbarɔ.
18Waar Yeesu gi oomi a hinha̧a̧l du sɛw gi wɛɛ gi za̧a̧simi gi tuurinmi a gi wáát du a bɛtha. Gbɔlumsɔ gi a ge wɛlɛ hi wɛlɛ! Aanbɔ! 19Boom nis bɔ Piriskila du hi waltɔ Akilas hɛw. Boom Onɛsifɔrus raatɔ du be. 20Erastus kɔm gi a Kɔrɛŋgtu. Torofemus be, mi ɔzig a Miletus, gi gumtili ya̧a̧nɛ. 21Zaam nɔɔko an ga̧a̧k gi ɔɔ tuuruko. Esbulus hi Pudɛs, hi Linus, hi nis bɔ Kalawdiya hi yɛ̧ɛ̧dɛ zaadɛ sɛw hi boomɔ. 22Waar Yeesu gig hi mɔkil mɔ, Bɛt gɛmsilɔ gig hi nɛɛ sɛw be. Aanbɔ!
Currently Selected:
2 TIMƆTE 4: NTD
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
2 TIMƆTE 4
4
2 TIMƆTE 4
1Mi gim raak hi tɛŋko a Bɛt muutdu hi a Yeesu Kristu muutdu, Za̧a̧nyɔ gɔ gi gbaas wɔrkɛ wɔ hi dood za̧a̧til wɔ sɛw dɔglɛ. Mi raamɔ a zaakɔ bɔ gi dɔŋgo hi waar umsɔ yɔ gɔ gi esig gi dɔŋgo: 2a dɔgsum dood Bɛtdɔglɛ, dɔgsumɔhi hi ya̧a̧hɛmnti, gi riisihi, gi rı̄ı̄sihi gɛya hɛw, walksimɔhi hin-a̧a̧bya̧, za̧brumɔhi, gaamɔhi tɛŋko. Gogsumɔhi hin hi mɔmnt rɔbo.
3Yɔ anbɔ, ɔ̧tɔza gi zaako, dood hi ta̧a̧ hinrɔb gok bɔ kɛŋk gɛ, hi fɔb hinyɔ kpoosya̧ ha̧a̧hi giya, hi wɛɛ hi mɔks hingokya adɛ, an hi dɔksihi hinyɔ kpoosya̧ ha̧a̧hi kɛŋko. 4Hi ɔɔ rɔb dɔgl bɔ kɛŋkɔ, hi zɛmr an hi kɛm dɔgl fɔkil amntɛ wɔ hiya. 5Yɛrɛ mɔya, oom zul mɔ rɔbtɔnɔ a hinyɔ gi duge sɛw, mɔm ya̧a̧rhant wɔ. Woom Bɛtdɔgl ɛmbingoya woos bɔ, da̧a̧sim woos bɔ Bɛt gaamɔ an mɔ woosige.
6Minɛ ɔ̧tyɔ ga̧a̧m mi gɔ gi gubr an Bɛt gaasɛ sɛ̧ɛ̧b ma; ɔ̧t minɛ yɔ gɔ mi wɔr du tursimtursɔ. 7Mi gɔ nɔk rɔb bɔ gɔ; mi da̧a̧s nɔɔkil mi da̧a̧sɔ, mi oo ɗɔbsig mi. 8Yɛrɛ ɗɛɛt mi dɔɔrɔɔs bɔ gim ooko. Waar Yeesu , dɔglyɛ̧ɛ̧kya bɔhi gbɔnɔ gii gi gaami a woos miyɔ riisig gi dɔŋgo a dɔgl-gbaak bɔ ɔ̧tɔ ge. Taa mii gaak kpɔdi, gi gaak dood wɔ ha̧a̧hi a gi muul sɛw gid hi ook ɔ̧tyɔ gɔ gi miɗza gedu.
9Timɔte, bɔmɔ amzɔ, i̧i̧yimɔ an mɔ zaa a miige nɔɔko. 10Deemas ɔɔm-ɔ anyɔ ha̧a̧g waal yɔ gi ɓɔryɔ; rek a Tesalo-niki. Kerɛskɛs be rek a Galatiya, Titus be rek a Dalmatiya. 11Luka gii gi gi gbunu hi miya. Loom Markus nɛ zaatin elo, ɔnɛ ɗɛɛ an gi ɗaasum a Waar Bɛt woos du gbɔɔltɔnɔ. 12Mi yaa Tikikus a Efesu. 13Gɔ mɔ gi zaako, kamsimi dimnaan mi bɔ mi ɔz a Karpus naan du a Torowas. Mɔ kamsim ɗɛɛrwol wɔ hi gi hɔ hɛw, rɔbɔ, wɔ hi gin wɛɛl hobo.
14Nām bɔ Alegzandɛr gɔsim bɔbtin ha̧a̧ltɔnɔ, Waar Bɛt gi gbaasig dɔgl a woos yɔ woo kalɔ ge. 15Mɔɔ oom zul mɔ hi gii hɛw, faa dɔgl wɛ hi tɛŋko. 16Yɔ mi yɛɛl erk a dɔgl-gbaak muutdu an mi ta̧a̧s zul mi hinɛ, doo za ɗaasim gɛ, dood sɛw hi nɔɔ hi ɔɔm-ɔ. An bɔ̄ Bɛt gi see an hin-a̧a̧byɔ. 17Yɔ anbɔ Waar Yeesu gi hi miya gaam tɛŋk an mi da̧a̧sin Bɛtdɔgl bɔ dɔkɔ, an dood wɔ hi taa Yahuduya gɛ sɛw hi kɛmɔ. Gii wɛɛ gi za̧a̧simi a naamnɔɔ ya̧a̧gbarɔ.
18Waar Yeesu gi oomi a hinha̧a̧l du sɛw gi wɛɛ gi za̧a̧simi gi tuurinmi a gi wáát du a bɛtha. Gbɔlumsɔ gi a ge wɛlɛ hi wɛlɛ! Aanbɔ! 19Boom nis bɔ Piriskila du hi waltɔ Akilas hɛw. Boom Onɛsifɔrus raatɔ du be. 20Erastus kɔm gi a Kɔrɛŋgtu. Torofemus be, mi ɔzig a Miletus, gi gumtili ya̧a̧nɛ. 21Zaam nɔɔko an ga̧a̧k gi ɔɔ tuuruko. Esbulus hi Pudɛs, hi Linus, hi nis bɔ Kalawdiya hi yɛ̧ɛ̧dɛ zaadɛ sɛw hi boomɔ. 22Waar Yeesu gig hi mɔkil mɔ, Bɛt gɛmsilɔ gig hi nɛɛ sɛw be. Aanbɔ!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.