2 TIMƆTE 3
3
2 TIMƆTE 3
1Mɔkum mɔ mɛɛ hin wɛrɛ rɔbtɔnɔ, ɔnɛ gɔ gigi a waalda̧a̧ki, ɔ̧t ɓaatil hi giro. 2Gɔ gi anbɔ dood hi woo hinyɔ ha̧a̧ zulya̧, hi gi tus sa̧a̧mi, hi dɔg hin hi pɛɛkili. Hi gi zulpɛɛkyaadɛ, hi booya̧a̧ ha̧a̧lɛ, hi ɓats baaya̧ hi nàaya̧ hii zulɛ, bant hinɔ gi taa a hi ya̧a̧ du, hi taa ɗɔbsig hinyɔ gaa. 3Hi taa ginik hato, hi taas doo dɔgl-a̧a̧b bisugo, hi gi mɛltɛ̧kyaadɛ, hi taa gik zulwa̧a̧kyaadɛ, hi gi zulɓaatilyaadɛ, hi gi dood bɔbtin wɔ ha̧a̧hi hinrɔb gɛ. 4Ya̧a̧rɛ̧ɛ̧kyaadɛ, hi taa ginik zulɛ, pɛɛkil gii gi daarihi. Gi ha̧a̧hi zɛlko gi daar Bɛto. 5Hi wɛɛn zulya̧ an hi gi Bɛtfɔkyaadɛ, wɛɛ hi bis Bɛt tɛŋkɔ bɔ be. Hɛrnlum hi dood wɔrɔ anbɔ.
6Zaadɛ a hi teesdu hi gutig dood raato an hi wɛɛn nɛɛd wɔ gɔ hi ta̧a̧k maatili hi fɔ dɔglya̧. Dood wɔrɔ lab hi hi̧i̧s hi hin-ha̧a̧lɛ. Hi fɔk ɗɔkum wɔ hi kpoos du sɔmsɔm dɔglya̧. 7Nɛɛd wɔ hi gbork tɛk hingok a doodɛ, wɛɛ tɛŋkya̧ tuur zaŋ an hi mɛɛ rɔb gɛ. 8Anyɔ Yaanɛs hi Yamberɛs hi ɓaas zulya̧, hi tā̧ā̧ Muusa dɔglɔ gɛ, dood wɔrɔ hi inik rɔb anbɔ be. Hi gi dood mɔkilha̧a̧lyaadɛ, wɛɛ ɗɔbsigya̧ bɛ̄r an Bɛt gi ta̧a̧hi gɛ. 9Yɛrɛ hi taa rek doosɛ, anyɔ dood sɛw hi mɛɛhi a hi gi yoo anyɔ dood hi mɛɛ nɛ Yaanɛs hi Yamberɛs a hi gi nɛ yoo be.
10Yɛrɛ mɔɔ mɔ fɔb hinyɔ mi goko, mɔ fɔb ɛmbil mi, mɔkil mi, ɗɔbsig mi, kpoos-esig mi, hat mi, hinmɔŋk mi, 11ya̧a̧yɔ hi kɛtin mi, hi ya̧a̧ryɔ̧k mi. Mɔ mɛɛ hinyɔ zɛ̧m a Aŋtakiya, a Ikoniya, hi a Listira, hi ya̧a̧yɔ hi kɛtinmi hɔ. Hɔnɛ a hin wɔrɔ gedu sɛw, Waar Yeesu za̧a̧simza̧a̧sɔ. 12Rɔbo, za̧a̧nyɔ ha̧a̧g an gi ɗɔbs Bɛt hi gbɔnɔ a ɔksig wɛ bɔ gedu hi Yeesu Kristu, hi kɛtingeya̧a̧. 13Dood ha̧a̧l wɔ hi doodlekya wɔ hi gbosig ha̧a̧lgɔk doosɛ doosɛ, hi waksig doodɛ, hii be hi waksig zulya̧ be.
14Yɛrɛ mɔya, waam mɔ fɔb hinyɔ hi goksum nɛko hi hinyɔ mɔ ɗɔbs hi tɛŋko. Mɔ mɛɛ dood wɔ hi gogsum hinɛ. 15Mɔ mɛɛ Bɛt ɗɛɛrwolɔ be, yɛɛl yɔ mɔ gi ya̧a̧mi. Bɛt ɗɛɛrwol wɔ hi ɗɛɛ an hi ɗaasumɔ mɔ mɛɛ za̧a̧tig gbɔnɔ yɔ wɛ dagɔ, anyɔ wɛ ɗɔbs Yeesu Kristu. 16Hinyɔ hi bi̧i̧ a Bɛt ɗɛɛrwol du sɛw, hinya̧ hi tuuz hi Bɛt Mɔkil ɔ̧ɔ̧nɛ, hinɔ bɛr an hi gogn hin hi za̧brin ha̧a̧lwookya, hi walkin hin-a̧a̧bi, hi wɛɛ hi kaŋkin dood a hinyɔ har Bɛt gedu, 17gi baks hinyɔ zɛ̧ɛ̧r nɛ an Bɛt dooɔ gi ɗɛɛ wook hinrɔb yɔ gi sɛw.
Currently Selected:
2 TIMƆTE 3: NTD
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
2 TIMƆTE 3
3
2 TIMƆTE 3
1Mɔkum mɔ mɛɛ hin wɛrɛ rɔbtɔnɔ, ɔnɛ gɔ gigi a waalda̧a̧ki, ɔ̧t ɓaatil hi giro. 2Gɔ gi anbɔ dood hi woo hinyɔ ha̧a̧ zulya̧, hi gi tus sa̧a̧mi, hi dɔg hin hi pɛɛkili. Hi gi zulpɛɛkyaadɛ, hi booya̧a̧ ha̧a̧lɛ, hi ɓats baaya̧ hi nàaya̧ hii zulɛ, bant hinɔ gi taa a hi ya̧a̧ du, hi taa ɗɔbsig hinyɔ gaa. 3Hi taa ginik hato, hi taas doo dɔgl-a̧a̧b bisugo, hi gi mɛltɛ̧kyaadɛ, hi taa gik zulwa̧a̧kyaadɛ, hi gi zulɓaatilyaadɛ, hi gi dood bɔbtin wɔ ha̧a̧hi hinrɔb gɛ. 4Ya̧a̧rɛ̧ɛ̧kyaadɛ, hi taa ginik zulɛ, pɛɛkil gii gi daarihi. Gi ha̧a̧hi zɛlko gi daar Bɛto. 5Hi wɛɛn zulya̧ an hi gi Bɛtfɔkyaadɛ, wɛɛ hi bis Bɛt tɛŋkɔ bɔ be. Hɛrnlum hi dood wɔrɔ anbɔ.
6Zaadɛ a hi teesdu hi gutig dood raato an hi wɛɛn nɛɛd wɔ gɔ hi ta̧a̧k maatili hi fɔ dɔglya̧. Dood wɔrɔ lab hi hi̧i̧s hi hin-ha̧a̧lɛ. Hi fɔk ɗɔkum wɔ hi kpoos du sɔmsɔm dɔglya̧. 7Nɛɛd wɔ hi gbork tɛk hingok a doodɛ, wɛɛ tɛŋkya̧ tuur zaŋ an hi mɛɛ rɔb gɛ. 8Anyɔ Yaanɛs hi Yamberɛs hi ɓaas zulya̧, hi tā̧ā̧ Muusa dɔglɔ gɛ, dood wɔrɔ hi inik rɔb anbɔ be. Hi gi dood mɔkilha̧a̧lyaadɛ, wɛɛ ɗɔbsigya̧ bɛ̄r an Bɛt gi ta̧a̧hi gɛ. 9Yɛrɛ hi taa rek doosɛ, anyɔ dood sɛw hi mɛɛhi a hi gi yoo anyɔ dood hi mɛɛ nɛ Yaanɛs hi Yamberɛs a hi gi nɛ yoo be.
10Yɛrɛ mɔɔ mɔ fɔb hinyɔ mi goko, mɔ fɔb ɛmbil mi, mɔkil mi, ɗɔbsig mi, kpoos-esig mi, hat mi, hinmɔŋk mi, 11ya̧a̧yɔ hi kɛtin mi, hi ya̧a̧ryɔ̧k mi. Mɔ mɛɛ hinyɔ zɛ̧m a Aŋtakiya, a Ikoniya, hi a Listira, hi ya̧a̧yɔ hi kɛtinmi hɔ. Hɔnɛ a hin wɔrɔ gedu sɛw, Waar Yeesu za̧a̧simza̧a̧sɔ. 12Rɔbo, za̧a̧nyɔ ha̧a̧g an gi ɗɔbs Bɛt hi gbɔnɔ a ɔksig wɛ bɔ gedu hi Yeesu Kristu, hi kɛtingeya̧a̧. 13Dood ha̧a̧l wɔ hi doodlekya wɔ hi gbosig ha̧a̧lgɔk doosɛ doosɛ, hi waksig doodɛ, hii be hi waksig zulya̧ be.
14Yɛrɛ mɔya, waam mɔ fɔb hinyɔ hi goksum nɛko hi hinyɔ mɔ ɗɔbs hi tɛŋko. Mɔ mɛɛ dood wɔ hi gogsum hinɛ. 15Mɔ mɛɛ Bɛt ɗɛɛrwolɔ be, yɛɛl yɔ mɔ gi ya̧a̧mi. Bɛt ɗɛɛrwol wɔ hi ɗɛɛ an hi ɗaasumɔ mɔ mɛɛ za̧a̧tig gbɔnɔ yɔ wɛ dagɔ, anyɔ wɛ ɗɔbs Yeesu Kristu. 16Hinyɔ hi bi̧i̧ a Bɛt ɗɛɛrwol du sɛw, hinya̧ hi tuuz hi Bɛt Mɔkil ɔ̧ɔ̧nɛ, hinɔ bɛr an hi gogn hin hi za̧brin ha̧a̧lwookya, hi walkin hin-a̧a̧bi, hi wɛɛ hi kaŋkin dood a hinyɔ har Bɛt gedu, 17gi baks hinyɔ zɛ̧ɛ̧r nɛ an Bɛt dooɔ gi ɗɛɛ wook hinrɔb yɔ gi sɛw.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.