2 KƆRƐŊGTU 4

1Yɔ wi wɛɛ Bɛtwoosɔyaadɛ a woos yɛrɛ gedu an ya̧a̧r yɔ mɛɛsiw nɛ be, muul wi gɔ ɓor gɛ. 2Wi bis hin seemya wɔ gɔ hi wook a yaatil du bisɔ, wi taa ɛmbil wi ɛmbik hi kɛ̧ɛ̧tig ha̧a̧lɛ, wi taa Bɛt dɔglɔ wɛɛnik sɔm, wi dɔk rɔb yɔ gi Bɛtdɔgl du gaattɔnɔ a Bɛt muutdu an dood kpoos sɛw hi mɛɛ a wi dɔk hinyɔ rii lɛlɔge giya. 3Yɛrɛyɔ, gbandil gi yaat Dɔgl Rɔb yɔ wi dɔko, yats dood wɔ gɔ hi rek laa du hii kpɔd,

4Saydanu waalbɛt ha̧a̧l bɔ yɔ̧ɔ̧s dood wɔ hi ta̧a̧ Bɛt ɗɔbsig gɛ lɔlya̧, hi mɛ̄ɛ̄ zulya̧ lɛl gɛ, an bɔ hi gbɛn Kristu yɔ gi Bɛt rɛɛsɔ gbɔlumsɔ Dɔgl Rɔbɔ bɔ lɛlgaalɔ. 5Wi taas zul wi dɔgl dɔko, wi gi dɔk Yeesu Kristu dɔgl ɔ̧ɔ̧n a giigi Waar i, wi wɛɛ wi raak a wi gi woosya nɛɛnɛ a Yeesu dɔŋgo. 6Yɔ anbɔ, Bɛto, Za̧a̧nyɔ raa: a an lɛlgaal gi gaa a lɛlwil du, gii gaas lɛlgaal a wɛ kpoos du an gi gatsɛ gbɔlumsɔ hinmɛɛkɔ bɔ a Kristu muutdu.

7Yɛrɛ wɛ gin rɔɔs bɔrɔ lab a dɔnwɔŋk du an hi mɛɛn a tɛŋk gbɔɔlɔ yɔ daar hin sɛw fu̧u̧ a Bɛt ge, fu̧u̧ a wɛɛ gɛ. 8Gɔ hi giw ɓɔ̧ɔ̧k hi gbɔnɔ sɔmsɔm, wɛɛ wi ɓɔ̧y gɛ; hin gɔ yɔɔwi, wɛɛ wi ha̧s mɔkil wi gɛ; 9dood gɔ hi giw fɔbtugo, wɛɛ Bɛt gɔ bisiw gɛ; gɔ hi giw matugo, wɛɛ hi ha̧tirwi gɛ.

10A hin wɔrɔ gedu sɛw, wi waak Yeesu wɔrkɔ pɛɛk a wi muul du an Yeesu za̧a̧tigɔ gi mid a wi muul du be. 11Ya̧a̧nɛ, za̧a̧kyɔ wi za̧a̧ko, wi gi waak hi wɔrko a Yeesu dɔŋgo an Yeesu za̧a̧tigɔ gi mid a wi muul wɔrkil bɔ gedu. 12Yɔ anbɔ, wɔrk gi wook wi muul du, wɛɛ za̧a̧tig gi wook nɛ muul du be. 13Wɛɛ anyɔ wɛ gin mɔkil ɗɔbsig gbun bɔ gi anyɔ Bɛt ɗɛɛrwolɔ raa

a be ɗɔbsɔ, ya̧a̧nɛ be gi dɔglɔ booko,

wii hɛw, wi ɗɔbsɔ, ya̧a̧nɛ wi book dɔglɔ. 14Yɔ anbɔ, wɛ mɛɛ a za̧a̧nyɔ rɛms Waar Yeesu a wɔrk du, gi rɛmsɛrɛms hɛw a wɔrk du hi Yeesu , gi wɛɛ gi midiw hi nɛɛ a gi muutdu. 15Ya̧a̧nɛ, hin wɛrɛ sɛw hi tuurik a nɛ dɔŋgo an gɛmsil bɔ gɔ gi tɔɔko gi kitig a dood teesdu gi tɔɔs dood bantya̧ a Bɛt gbɔlums gbaŋgi gi daarɔ.

16Ya̧a̧nɛ muul wi gi zɔ̄ruw gɛ, nɛ anyɔ muul wɛ bɔ kuuha gi ha̧tirgo, kol wɛ bɔ buudu be gi wɛɛk seg ɔ̧t nuŋg sɛw. 17Ya̧a̧nɛ ya̧a̧rhant wɛ ɗaktil wɔ ɓɔryɔ hi gisɛ kamzig gbɔlums yɔ gi faa yɔ gi hinɗɔbt yɔ daar hin sɛw, 18Yɔ anbɔ, wɛ taa seek hin wɔ wɛ gihi gbɛniko, wɛ seek hinwɔ hi taa gbɛnikya gɛ hiya; hinwɔ wɛ gihi gbɛnko hi gi da̧a̧kda̧, wɛɛ hinwɔ hi taa gbɛnikya gɛ hi gi faa, ya̧a̧nɛ.

Currently Selected:

2 KƆRƐŊGTU 4: NTD

Highlight

Copy

Compare