1 YOHANA 1
1
1 YOHANA Yohana ɗɛɛrwolɔ biitiryɔ 1 YOHANA 1
1Mii Yohana, hi saam mi hiya, wi boonɛ. Hinyɔ wi gisin dɔglɔ dɔko ginɛ gi amntɔnɔ, yɛɛl a biitirnaandu yɔ Bɛt kimdir nɛ waal kɛn gɛ. Wi kɛŋge yɔ gi ya̧a̧booko, wi gbɛnig hi lɔl winɛ hɛw. Hɔɔ hi rɔbo, wi seege, wi ki̧i̧ge hi naan winɛ. Hinɔ gi ma za̧a̧tig dɔglɛ. 2Yɔ za̧a̧tig bɔ midz wi gbɛnige, wi gisin dɔglɔ gii dɔko. Wi gisin dɔglɔ gii raako a wi gbɛn za̧a̧tig faa bɔ gi nɛ hi Baa wɛ Bɛto, gii wɛɛ gi midz a wɛ tees du.
3Hinyɔ wi gbɛnɔ wi wɛɛ wi kɛmɔ wi gisin gii dɔk hɛw an nɛ ɔks hi wiya. Winɛ wi ɔɔksɔ hi Baa wɛ Bɛto, hi waaɔ Yeesu Kristu. 4Wi wɛɛ wi gisin bi̧i̧k hin yɛrɛ an hat gi hi̧i̧s a wɛ kpoos du. 5Dɔgl yɔ wi lag a Yeesu Kristu ya̧a̧ du wi gisin dɔk gɛrɛ a Bɛt gi lɛlgaalɛ, lɛlwil taa a ge zaŋ. 6Gid wɛ raa a wɛ ɔɔksɔ hi Bɛto, wɛ wɛɛ wɛ ɛmbik a lɛlwil du be, wɛ ya̧a̧gɔ̧ɔ̧ko, wɛ́ wōō rɔb gɛ.
7Yɛrɛ gid wɛ ɛmbik a lɛlgaal du anyɔ Bɛt gi lɛlgaal du hi zulɔ, wɛ ɔks lɛlgbunu, wɛɛ waaɔ Yeesu ga̧a̧mɔ giwɛ gaasig a hinha̧a̧l du sɛw. 8Gid wɛ raa a wɛ taan hinha̧a̧lɛ, wɛ maatig zul wɛɛnɛ, wɛɛ wɛ taan rɔb a wɛ kpoos du. 9Yɛrɛ gid wɛ walk hinha̧a̧l wɛ, gí bitsɛ hinha̧a̧l wɛ, gí gaasɛ a hin-a̧a̧b du sɛw. Yɔ anbɔ, Bɛt gii doo riiti, hinyɔ dɔg sɛw gi wooko, ya̧a̧luur hinɔ taa a ge. 10Gid wɛ raa a wɛ́ wōō hinha̧a̧l gɛ, wɛ wɛɛnik Bɛt ya̧a̧gɔ̧ɔ̧nyayɔ, wɛɛ dɔglɔ taa a wɛ kpoos du.
Currently Selected:
1 YOHANA 1: NTD
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
