1 KƆRƐŊGTU 2
2
1 KƆRƐŊGTU 2
1Yɛ̧ɛ̧dɛ mi wɛ, minɛ yɔ mi da mi re nɛ lɛlɛ, mí rēk mi dɔ̄ksin Bɛt dɔglɔ bɔ dood hi mɛɛ nɛ gɛ hi ya̧a̧boon gbɔlumsɛ zaabe hi hinmɛɛk dubt gɛ. 2Ya̧a̧nɛ mí mɔ̄k an mi mɛɛ hinza eer a nɛ tees du gɛ, mi dɔgsin hin gbun kpɔd, gɛ: Yeesu Kristu dɔglɔ bɔ hi dookɔ bɔ hi dooge a dɔ̧ɔ̧rha. 3Mii hi zul mi yɔ mi gi nɛ hi nɛya, muul mi hɔnimi mi gin hoobo hi muulbeek ha̧a̧ltɔnɔ. 4Ya̧a̧boon yɔ mi booko hi Bɛtdɔgl yɔ mi dɔko, mí dɔ̄gsin hi dood waal du dɔglya̧ dubti an mi ɗɛɛnin dɔgl gɛ; mi dɔgsin Bɛt dɔglɔ hi Mɔkilɔ tɛŋkɔ yɔ zuun gaattɔnɔ an dɔgl bɔ gi rɔbo, 5an bɔ ɗɔbsig nɛ gi ɗɔɔt a dood hinmɛɛk dubt ha, ɗɔɔtige a Bɛt tɛŋk du.
6Yɛrɛya, mi dɔgsig dood ɗɔbsigya wɔ hi rii an hi lag hinmɛɛk dubt bɔ, mi taa dɔk hi hinmɛɛk dubt yɔ fu̧u̧ a wɛl yɛrɛ gedu, zaabe yɔ fu̧u̧ a waar ɛ gbɔlɛ wɔ a wɛl yɛrɛ gedu wɔ tɛŋkya̧ gɔ gi wag hi. 7Yɛrɛ wi gi dɔk Bɛt hinmɛɛkɔ dubt ɔ̧ɔ̧nɛ. Yɔ Bɛt kimdir nɛ waal kɛn gɛ, gbaasɛ hinmɛɛkɔ dubt bɔ yaatɔ gid dood hi mɛɛ gɛ, an wɛɛ wɛ mɛɛ wɛ dagn gbɔlumsɛ. 8Waar ɛ wɔ a waabil yɔ ɓɔryɔ duge sɛw hi mɛ̄ɛ̄ hinɔ gɛ. Yɔ anbɔ à hi mɛɛ nɛko, yɔ hi dōō nɛ gbɔlums bɔ Waar ɔ a dɔ̧ɔ̧r ha gɛ. 9Anyɔ Bɛt ɗɛɛrwolɔ raa
a hinyɔ lɔl gbɛn gɛ, wɛɛ tɔn kɛm hinɔ gɛ, wɛɛ hinya̧ hi tāl a doo mɔkil du gɛ, Bɛt gɛmts hinɔ gii doodɔ wɔ ha̧a̧hi a ge.
10Bɛt zuns wɛya hinya̧ hi Mɔkilɔ bɔ gaawɛ, ya̧a̧nɛ Bɛt Mɔkilɔ gi gbɛnik hinyɔ yaat dubtɔnɔ sɛw hi Bɛt dubtɔ lɛl hɛw. 11Bɔ za̧a̧nɔ mɛ̄ɛ̄ hinyɔ gi doo kpoos du? Hinɔ gi taa mɔkil yɔ gi a doo kpoos du gii gɛ! Gbunɔ giya, doo za mɛ̄ɛ̄ hinyɔ gi Bɛt kpoos du gɛ gi taa Bɛt Mɔkilɔ gii gɛ.
12Nɛ wɛɛ bē wɛ́ dāg waal mɔkilɔ gɛ, wɛ dag Mɔkil yɔ fu̧u̧z a Bɛt ge an wɛ mɛɛ hinyɔ Bɛt gaawɛ. 13Wí bōō dɔglɔ hi dood waaldu hinmɛɛkya̧ dubt dɔglyɔ hi gisiw hingognig gii gɛ, wi book hi dɔglyɔ Bɛt Mɔkilɔ gisiw gok giya. Yɔ anbɔ wi wadsig dood wɔ hi gin Bɛt Mɔkilɔ hii Bɛt Mɔkil bɔ rɔbɔ lɛlɛ. 14Doo yɔ taan Bɛt Mɔkilɔ gɛ, gɔ ta̧a̧ rɔb yɔ gi fu̧u̧zig a Bɛt Mɔkil bɔ ge gɛ, hin wɔrɔ hi gisig ɔnɛ an yooya̧a̧yɔ, wɛɛ dɛ̄ɛ̄ an gi mɛks hinya̧ gɛ anyɔ gɔ hi mɛksig hinya̧ hi Bɛt Mɔkilɔ.
15Za̧a̧nyɔ gin Bɛt Mɔkili gi tɛk dɔgl wɔ hi gi sɛw gbɔnɔya̧ lɛlɛ, wɛɛ ɗoo za taa an gi yɛ̧ɛ̧g be. 16Anyɔ hi bi̧i̧ a Bɛt ɗɛɛrwol ɗu a bɔ mɛɛ hinyɔ Waar Bɛt gi mɔkig a gi kpoos du an gi gogsig hinza nɔ? Nɛ́ wɛ́ɛ́ be, wɛ gin Kristu mɔkilɔ a wɛ kpoos du.
Currently Selected:
1 KƆRƐŊGTU 2: NTD
Highlight
Share
Copy
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.