MƐ̀KÌKÌÌ MƐ ƁƐKƐ̀NÌ-FÌTOM 12
12
Ɓɛ woli Zyag, ɓɛ ki foŋ Pyɛɛri ɓi naà-zày
1Ɓi mɛ̀ru mɛ̀n, rìfòm ɗi lɛ Eroodɛ ɗi tumɛ̀ngà rìtɔtɔ̀ɓ ɗi ɓum ɓɛdɛŋ ɓɛ ɓi kìseŋi ki ɓɛgherɛ̀n. 2Fɔɔnnɛ à kìghà lɛ ɓɛɛ wey Zyag à geni Zyaŋ rì gàfàg. 3Yɛ̀ɛ à ghɛngà lɛ rìkì ɗiǹ ɗi rɔɔghà Ɓɛ̀yudɛ̀n, fɔɔnnɛ à reɓsìghà tì lɛ ɓɛɛ ɓaǹ Pyɛɛri; kìɓan kiǹ ki ɓaghà ɓi mɛ̀ru mɛ Ɓɛ̀yudɛ̀n ɓɛ ǹkìlàg bìrɛs kɛ̀ɛ̀ nwìɗ. 4Nni yɛ̀ɛ Eroodɛ à ɓangà Pyɛɛri, à lɔg nyi, à foŋ ɓɛ̀sujàà ɓɛnin ɓɛnin gwìy yinin lɛ, ɓɛɛ ɓeŋ̀ɓeŋ nyi rì fèg ànɛ lɛ, i tìcàɓ ti Paskà ti ghaghii, ɓɛ yɔ̀m kìɓan kii di kìlɔ̀ŋ kìcèm ki kɔkɔ̀rìì. 5Ɓɛ ɓeŋɓèŋgà Pyɛɛri ɓi naà-zày, nsoò fɔlɔɔ ǹɗaŋ wu ɓɛgherɛ̀n wu ɓɔɔɓɔ̀ŋzàg Bɛ̀ll ɓisu wii ri ìtèɗ.
6Di ɓɛ̀yɔ̀m ɓɛ Pyɛɛri ɓaa rɔ̀ɓ lɛ rìduri, à lalàlà ɓi nyìinyìm à ɓɛ̀sujàà ɓɛɓɛɛ̀, ǹkàŋɛn ɗi mɛ̀sɛ̀ŋi mɛɓɛɛ̀, ɓɛ̀sujàà ɓɛm̀bog ɓɛ ɓeŋ̀ɓèŋ mɛ̀suunaa mɛ naà-zày. 7Fɔɔnnɛ ŋwaà-fìtom a Kan à kpagày lɛ vwàs kìtɛɛtɛn ki kpeŋzì kìden ki naa ki Pyɛɛri à ɓaghà miì. Nni ŋwaà-fìtom anɛ̀n à ghèmzìghà Pyɛɛri di à nyɛ̀ŋi nyi ɓi tum, à kpaa nyi lɛ: Pɛ̀sɛn aɗyoo lɛ fyɛ̀ɗ, fɔɔnnɛ mɛ̀sɛ̀ŋi mɛ à ɓaghà rì mɔ ɓi ɓyàg, mɛ fumɓɛ̀ngà. 8Ŋwaàfìtom à kpaa nyi lɛ: Sìnɛn kànɗa, ù ki waatɛn ɓɛsiripàs ɓɔɔ, Pyɛɛri à kì lɔŋ fɔlɔɔ; nni à kpaatìghà nyi lɛ, waatɛn kìlàà u nɔɔ̀ti mɛ̀. 9Fɔɔnnɛ Pyɛɛri à kpagày, à nɔ̀ɔ̀tì nyi kɛ̀ɛ yi lɛ com ki ŋwaà-fìtom a yùghà kì kìi kiǹ ki ɓaghà saaɗ à kìɓan, nyii fekì lɔŋ lɛ ɓìdɛ̀ndɛm ɓyɛɛ̀ kìki nyi. 10Yɛ̀ɛ ɓɛ ceeghà kìtuu ki ɓɛsujàà ki ǹtonto, ɓɛ ceetì ki kiɓɛ̀ɛ̀, nni ɓɛ kpagà asuunaa wu wu ɓaghà wù kìyɛn ɗi bɔŋ, wu ki seesee ɓi ɓɛg ànɛ ɓi bàn. Ìsuunaa wìn wu nɛmɓɛ̀ngà wɔmiɗ di ɓɔɔ ti wɔɔ jàŋbog. Fɔɔnnɛ ɓɛ kpagà ɓi dan ɓɛ fyee ɓi kìɓàà kìdɛŋ, nni ŋwaà-fìtom à ghàskà kì rinii Pyɛɛri, à ghaàgh.
11Yɛ̀ɛ Pyɛɛri à sugtìghà min ɓi nyimiɗ, à kpaa lɛ, ǹkonaagh min ki ghɛɛ̀ ɓigomìnɛ lɛ, Kan àa romiì mum wiì à fìtom, à sɔrì mɛ̀ ɓi ɓyàg ɓi Eroodɛ, à ki lɛgsi mɛ mɛ̀tɔɓ mɛ̀cèm mɛ Ɓɛ̀yudɛ̀n ɓɛ ǹfèfeegh lɛ ǹghɛn. 12Yɛ̀ɛ Pyɛɛri à kɔ̀rìghà lɛ fyòoog, à fèg, fɔɔnnɛ à rɔ̀ŋìghà bee inɛ a mɛɛ mɛ Marii ànɛ à ɓaghà jɛɛ Zyaŋ ànɛ ɓɛ nkpɔgì lɛ Marikus, ɓum ɓɛdɛŋ ɓɛ taŋzɛ̀ngà wɔɔ lɛ ɓɛɛ ɓɔŋzag. 13Yɛ̀ɛ Pyɛɛri à ɓokà ìsuunaa, nni giɓ adɛŋ ànɛ à ɓaghà ǹkìì-kìsay ɗii lɛ Roodɛ à yughày lɛ a woòghrag. 14Nni à rèmìghà Pyɛɛri ɓi jɛ̀ɛ̀, à wog kìrɔɔ: Kɛ̀ɛ ka ŋwàɗ nyi naa, kìɓan kifog à sugtì rì mɛ̀ree lɛ a kali ɓum lɛ; Pyɛɛri yɛɛ ri asuunaa. 15Ɓɛ̀roɓɛ̀n ɓɛ kpaa nyi lɛ: Ù rì ǹduŋɛn? Wɔ̀lɛ nyii siìrɛ̀n lɔŋ lɛ, kìɓan ki nyaa kpaa ki ri saaɗ. 16Fɔɔnnɛ ɓɛ kpaaghà min lɛ: ǹghay wu Pyɛɛri wɛɛ rì nya lɛ wu ɓa, nsoò fɔlɔɔ Pyɛɛri à kɛ̀nkɛ̀ngà lɔŋ asu rì rìɓoɓòg ɗi naa. Nni yɛ̀ɛ ɓɛ ŋwaɗkà naa, ɓɛ ghɛn nyi, ɓɛ kuuràg lɛɛ̀gwey. 17Pyɛɛri à maasì ɓɔ rì càg, à ki kali ɓɔ yɛ̀ɛ Kan à kpaŋzi yì nyi ɓi naà-zày, à kpaa tì ɓɔ lɛ, kaliina Zyag rì ɓɛ̀geni ɓis ɓɛmbog kìɓan ki, fɔɔnnɛ à kpagà, à kɛ̀n jàŋ idɛŋ.
18Yɛ̀ɛ duri ì tangà, kìɓan ki yeesì ɓɛ̀sujàà, ɓɛ rɔɓ kɛ̀ɛ̀ mɛ̀kanikɔ̀ɔ̀, ɓɛ tɔtɔ̀g lɛ: Nni Pyɛɛri ànɛ à ɓaa là? 19Eroodɛ à tɔkà lɛ ɓɛɛ kaà Pyɛɛri, nni yɛ̀ɛ ɓɛ rɔɓkà kɛ̀ ɓɛɛ̀ ghɛn nyi, ɓɛ yɔmzìghà ɓɛ̀sujàà ɓɛ̀ncèm, Eroodɛ à ki reɓsi lɛ ɓɛɛ cuùsi bɔ. Ajɛ̀m ìnɛn à pɛ̀sɛ̀ngà a Zyude à kɛ̀n a Sezare, à ghagsì gàɓ ì mɛ̀ru wɔɔ.
20Eroodɛ à ɓaghà ɓi paàzì rì ɓumɓɛ a Tiir, rì ɓɛ a Sidɔŋ, nni ɓumɓɛ̀n ɓɛ wooghrɛ̀ngày jɛ̀ɛ̀ lɛ ɓɛɛ kɛǹ nyi kì ghɛɛ̀. Ɓɛ ɗiŋi dàŋ rì Bilastus ànɛ à ɓaghà ǹkɔ̀mɛ̀n ɓɛ̀sujàà ɓɛ ɓi gari yiì. Fɔɔnnɛ ɓɛ tɔkà nyi lɛ ɓɔɔ pègsɛn paàzì wàà, ɓisuulɛ kìlɔ̀ŋ kaa ki ǹlakàg ɓìɗilàg rì ɓumɓɛ ɓi kìlɔ̀ŋ ki rifòm. 21Ŋwos anɛ kìɓan kiǹ ki ɓaghà ɓiì kìikilɛ̀n Eroodɛ à waatɛ̀ngà ɓìlàà ɓii ɓi rifòm, à kɔ̀rì ɓi kìnuugh, à ki tumɛn ɓitòkì. 22Fɔɔnnɛ kìlɔ̀ŋ ki kpaaghà jɛ̀ɛ̀ aɗyoo lɛ: Bɛ̀ll ìdɛŋ yɛ̀ɛ tòtog lɔɔ, àa mum yɛɛ ri. 23Lɔŋ wɔɔ foo, ŋwaà-fìtom a Kan à ɓog nyi ɓisuulɛ à gherɛ̀ngà lɛ ɓum ɓɛɛ fa nyi rìkem ɗi ɗi ghɛɛ̀sɛ̀ngà lɛ ɓɛɛ fa Bɛ̀ll. Fɔɔnnɛ ɓɛgɛn ɓɛ tumɛ̀ngà nyi rìɗiɗì ɓi ɗùm, à wu.
24Nsoò fɔlɔɔ, jɛ̀ɛ̀ ì Bɛ̀ll ì kɛ̀ngà asu ì sààsàà. 25Yɛ̀ɛ ɓɛ̀ Ɓarinaɓas ɓɛɛ̀ Sol ɓɛ lègsìghà fìtom fi ɓɛ kɛngà a Yorisalɛm, nni ɓɛ sugtìghà; ɓɛ ɓasɛ̀n yì ɗì Zyaŋ ànɛ ɓɛ nkpɔgì lɛ Marikus.
Currently Selected:
MƐ̀KÌKÌÌ MƐ ƁƐKƐ̀NÌ-FÌTOM 12: BAFNT
Highlight
Share
Copy
Want to have your highlights saved across all your devices? Sign up or sign in
Bafia Nouveau Testament © Bible Society of Cameroon, 2019.
MƐ̀KÌKÌÌ MƐ ƁƐKƐ̀NÌ-FÌTOM 12
12
Ɓɛ woli Zyag, ɓɛ ki foŋ Pyɛɛri ɓi naà-zày
1Ɓi mɛ̀ru mɛ̀n, rìfòm ɗi lɛ Eroodɛ ɗi tumɛ̀ngà rìtɔtɔ̀ɓ ɗi ɓum ɓɛdɛŋ ɓɛ ɓi kìseŋi ki ɓɛgherɛ̀n. 2Fɔɔnnɛ à kìghà lɛ ɓɛɛ wey Zyag à geni Zyaŋ rì gàfàg. 3Yɛ̀ɛ à ghɛngà lɛ rìkì ɗiǹ ɗi rɔɔghà Ɓɛ̀yudɛ̀n, fɔɔnnɛ à reɓsìghà tì lɛ ɓɛɛ ɓaǹ Pyɛɛri; kìɓan kiǹ ki ɓaghà ɓi mɛ̀ru mɛ Ɓɛ̀yudɛ̀n ɓɛ ǹkìlàg bìrɛs kɛ̀ɛ̀ nwìɗ. 4Nni yɛ̀ɛ Eroodɛ à ɓangà Pyɛɛri, à lɔg nyi, à foŋ ɓɛ̀sujàà ɓɛnin ɓɛnin gwìy yinin lɛ, ɓɛɛ ɓeŋ̀ɓeŋ nyi rì fèg ànɛ lɛ, i tìcàɓ ti Paskà ti ghaghii, ɓɛ yɔ̀m kìɓan kii di kìlɔ̀ŋ kìcèm ki kɔkɔ̀rìì. 5Ɓɛ ɓeŋɓèŋgà Pyɛɛri ɓi naà-zày, nsoò fɔlɔɔ ǹɗaŋ wu ɓɛgherɛ̀n wu ɓɔɔɓɔ̀ŋzàg Bɛ̀ll ɓisu wii ri ìtèɗ.
6Di ɓɛ̀yɔ̀m ɓɛ Pyɛɛri ɓaa rɔ̀ɓ lɛ rìduri, à lalàlà ɓi nyìinyìm à ɓɛ̀sujàà ɓɛɓɛɛ̀, ǹkàŋɛn ɗi mɛ̀sɛ̀ŋi mɛɓɛɛ̀, ɓɛ̀sujàà ɓɛm̀bog ɓɛ ɓeŋ̀ɓèŋ mɛ̀suunaa mɛ naà-zày. 7Fɔɔnnɛ ŋwaà-fìtom a Kan à kpagày lɛ vwàs kìtɛɛtɛn ki kpeŋzì kìden ki naa ki Pyɛɛri à ɓaghà miì. Nni ŋwaà-fìtom anɛ̀n à ghèmzìghà Pyɛɛri di à nyɛ̀ŋi nyi ɓi tum, à kpaa nyi lɛ: Pɛ̀sɛn aɗyoo lɛ fyɛ̀ɗ, fɔɔnnɛ mɛ̀sɛ̀ŋi mɛ à ɓaghà rì mɔ ɓi ɓyàg, mɛ fumɓɛ̀ngà. 8Ŋwaàfìtom à kpaa nyi lɛ: Sìnɛn kànɗa, ù ki waatɛn ɓɛsiripàs ɓɔɔ, Pyɛɛri à kì lɔŋ fɔlɔɔ; nni à kpaatìghà nyi lɛ, waatɛn kìlàà u nɔɔ̀ti mɛ̀. 9Fɔɔnnɛ Pyɛɛri à kpagày, à nɔ̀ɔ̀tì nyi kɛ̀ɛ yi lɛ com ki ŋwaà-fìtom a yùghà kì kìi kiǹ ki ɓaghà saaɗ à kìɓan, nyii fekì lɔŋ lɛ ɓìdɛ̀ndɛm ɓyɛɛ̀ kìki nyi. 10Yɛ̀ɛ ɓɛ ceeghà kìtuu ki ɓɛsujàà ki ǹtonto, ɓɛ ceetì ki kiɓɛ̀ɛ̀, nni ɓɛ kpagà asuunaa wu wu ɓaghà wù kìyɛn ɗi bɔŋ, wu ki seesee ɓi ɓɛg ànɛ ɓi bàn. Ìsuunaa wìn wu nɛmɓɛ̀ngà wɔmiɗ di ɓɔɔ ti wɔɔ jàŋbog. Fɔɔnnɛ ɓɛ kpagà ɓi dan ɓɛ fyee ɓi kìɓàà kìdɛŋ, nni ŋwaà-fìtom à ghàskà kì rinii Pyɛɛri, à ghaàgh.
11Yɛ̀ɛ Pyɛɛri à sugtìghà min ɓi nyimiɗ, à kpaa lɛ, ǹkonaagh min ki ghɛɛ̀ ɓigomìnɛ lɛ, Kan àa romiì mum wiì à fìtom, à sɔrì mɛ̀ ɓi ɓyàg ɓi Eroodɛ, à ki lɛgsi mɛ mɛ̀tɔɓ mɛ̀cèm mɛ Ɓɛ̀yudɛ̀n ɓɛ ǹfèfeegh lɛ ǹghɛn. 12Yɛ̀ɛ Pyɛɛri à kɔ̀rìghà lɛ fyòoog, à fèg, fɔɔnnɛ à rɔ̀ŋìghà bee inɛ a mɛɛ mɛ Marii ànɛ à ɓaghà jɛɛ Zyaŋ ànɛ ɓɛ nkpɔgì lɛ Marikus, ɓum ɓɛdɛŋ ɓɛ taŋzɛ̀ngà wɔɔ lɛ ɓɛɛ ɓɔŋzag. 13Yɛ̀ɛ Pyɛɛri à ɓokà ìsuunaa, nni giɓ adɛŋ ànɛ à ɓaghà ǹkìì-kìsay ɗii lɛ Roodɛ à yughày lɛ a woòghrag. 14Nni à rèmìghà Pyɛɛri ɓi jɛ̀ɛ̀, à wog kìrɔɔ: Kɛ̀ɛ ka ŋwàɗ nyi naa, kìɓan kifog à sugtì rì mɛ̀ree lɛ a kali ɓum lɛ; Pyɛɛri yɛɛ ri asuunaa. 15Ɓɛ̀roɓɛ̀n ɓɛ kpaa nyi lɛ: Ù rì ǹduŋɛn? Wɔ̀lɛ nyii siìrɛ̀n lɔŋ lɛ, kìɓan ki nyaa kpaa ki ri saaɗ. 16Fɔɔnnɛ ɓɛ kpaaghà min lɛ: ǹghay wu Pyɛɛri wɛɛ rì nya lɛ wu ɓa, nsoò fɔlɔɔ Pyɛɛri à kɛ̀nkɛ̀ngà lɔŋ asu rì rìɓoɓòg ɗi naa. Nni yɛ̀ɛ ɓɛ ŋwaɗkà naa, ɓɛ ghɛn nyi, ɓɛ kuuràg lɛɛ̀gwey. 17Pyɛɛri à maasì ɓɔ rì càg, à ki kali ɓɔ yɛ̀ɛ Kan à kpaŋzi yì nyi ɓi naà-zày, à kpaa tì ɓɔ lɛ, kaliina Zyag rì ɓɛ̀geni ɓis ɓɛmbog kìɓan ki, fɔɔnnɛ à kpagà, à kɛ̀n jàŋ idɛŋ.
18Yɛ̀ɛ duri ì tangà, kìɓan ki yeesì ɓɛ̀sujàà, ɓɛ rɔɓ kɛ̀ɛ̀ mɛ̀kanikɔ̀ɔ̀, ɓɛ tɔtɔ̀g lɛ: Nni Pyɛɛri ànɛ à ɓaa là? 19Eroodɛ à tɔkà lɛ ɓɛɛ kaà Pyɛɛri, nni yɛ̀ɛ ɓɛ rɔɓkà kɛ̀ ɓɛɛ̀ ghɛn nyi, ɓɛ yɔmzìghà ɓɛ̀sujàà ɓɛ̀ncèm, Eroodɛ à ki reɓsi lɛ ɓɛɛ cuùsi bɔ. Ajɛ̀m ìnɛn à pɛ̀sɛ̀ngà a Zyude à kɛ̀n a Sezare, à ghagsì gàɓ ì mɛ̀ru wɔɔ.
20Eroodɛ à ɓaghà ɓi paàzì rì ɓumɓɛ a Tiir, rì ɓɛ a Sidɔŋ, nni ɓumɓɛ̀n ɓɛ wooghrɛ̀ngày jɛ̀ɛ̀ lɛ ɓɛɛ kɛǹ nyi kì ghɛɛ̀. Ɓɛ ɗiŋi dàŋ rì Bilastus ànɛ à ɓaghà ǹkɔ̀mɛ̀n ɓɛ̀sujàà ɓɛ ɓi gari yiì. Fɔɔnnɛ ɓɛ tɔkà nyi lɛ ɓɔɔ pègsɛn paàzì wàà, ɓisuulɛ kìlɔ̀ŋ kaa ki ǹlakàg ɓìɗilàg rì ɓumɓɛ ɓi kìlɔ̀ŋ ki rifòm. 21Ŋwos anɛ kìɓan kiǹ ki ɓaghà ɓiì kìikilɛ̀n Eroodɛ à waatɛ̀ngà ɓìlàà ɓii ɓi rifòm, à kɔ̀rì ɓi kìnuugh, à ki tumɛn ɓitòkì. 22Fɔɔnnɛ kìlɔ̀ŋ ki kpaaghà jɛ̀ɛ̀ aɗyoo lɛ: Bɛ̀ll ìdɛŋ yɛ̀ɛ tòtog lɔɔ, àa mum yɛɛ ri. 23Lɔŋ wɔɔ foo, ŋwaà-fìtom a Kan à ɓog nyi ɓisuulɛ à gherɛ̀ngà lɛ ɓum ɓɛɛ fa nyi rìkem ɗi ɗi ghɛɛ̀sɛ̀ngà lɛ ɓɛɛ fa Bɛ̀ll. Fɔɔnnɛ ɓɛgɛn ɓɛ tumɛ̀ngà nyi rìɗiɗì ɓi ɗùm, à wu.
24Nsoò fɔlɔɔ, jɛ̀ɛ̀ ì Bɛ̀ll ì kɛ̀ngà asu ì sààsàà. 25Yɛ̀ɛ ɓɛ̀ Ɓarinaɓas ɓɛɛ̀ Sol ɓɛ lègsìghà fìtom fi ɓɛ kɛngà a Yorisalɛm, nni ɓɛ sugtìghà; ɓɛ ɓasɛ̀n yì ɗì Zyaŋ ànɛ ɓɛ nkpɔgì lɛ Marikus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bafia Nouveau Testament © Bible Society of Cameroon, 2019.