MƐ̀KÌKÌÌ MƐ ƁƐKƐ̀NÌ-FÌTOM 11
11
Pyɛɛri a tɛɛ̀zii ɓɛ̀gherɛ̀n ɓɛ a Yorisalɛm ɓisuucɛ nnɛ à kɛ̀ngà a Sezare
1Ɓɛ̀kɛ̀nì-fìtom rì ɓɛ̀geni ɓaa ɓɛ righerɛ̀n ɓɛ ɓɛ kɔkɔ̀rìghà a Zyude ɓɛ wokà lɛ, ɓumɓɛ ɓi mɛ̀kuu mɛm̀bog ɓɛ ǹghàɓi girig jɛ̀ɛ̀ ì Bɛ̀ll. 2Yɛ̀ɛ Pyɛɛri à sugtìghà kì ɓɔɔ̀gh a Yorisalɛm, ɓɛ̀gherɛ̀n ɓɛ ɓɛ ɓaghà Ɓɛ̀yudɛ̀n ɓɛ tumɛ̀n nyi rìɓɛ̀ɓɛ̀y. 3Ɓɛ kpaakpàà lɛ: Wɔ̀ɔ nɗiŋii ɓi naa yi ɓumɓɛ ɓɛ yin Ɓɛ̀yudɛ̀n, ù ki ɗi ǹɗaŋ ri ɓɔ?
4Fɔɔnnɛ Pyɛɛri à tumɛ̀ngà ɓɔ rìtɛɛ̀zì ɗi kiɓan ki à ghɛngà kìcèm, à kpaa ɓɔ lɛ: 5Yɛ̀ɛ mɛ̀ɛ ǹɗì ɓi bàn ì Zyope di nkìki bɔ̀ŋzɛ̀n, nni ki nkìi mɛ̀ yɛ̀ɛ ɓìdɛ̀ndɛm lɛ: ǹghɛɛ rìkuu ɗi coo sànjà kì sugakɛn ɓi mɛ̀keɓ mɛ kinìn aɗyoo, ki yuyùy mɛ̀ a nyòò. 6Nni yɛ̀ɛ ǹkonaagh kì sìŋii sànjà àncèm, ǹghɛn miì ɓi ɗùm lɛ: Rì nyàm yi ɓi ziinɛ yi yi ri mɛ̀kòò mɛnin, rì nyàm yi ɓi cog, rì yi wɔwɔghɛn ɗì ɗùm, rì tììlì ti aɗyòò. 7Nni nwokì, di jɛ̀ɛ̀ ìdɛŋ yɛ̀ɛ kpaakpaa mɛ lɛ: Pyɛɛri wɔ̀! Pɛ̀sɛn aɗyoo, u wey nyàm bogtɛ̀n ɓi nyàm yi, u ɗi. 8Fɔɔnnɛ m̀pɛ̀ɛ̀zìghà lɛ, àg! Kan, ɓi cɛɓ kɛ̀m kìcèm, ǹka fogà ɓi com ki ki ri kìcèlì, nsoò lɛ ki ki ri kìsyeg ɓi ŋwɔm wɛ̀m. 9Nni jɛ̀ɛ̀ ìnɛn i kpaatìghà ɓi gɛ̀n i kìɓɛ̀ɛ̀ lɛ, com kìcèm ki Bɛ̀ll à kpaa lɛ ki rì kìtɛnɛn, wɔ̀ kɔ̀ɔ kpaa lɛ, ki ri rì kìsyeg. 10Yɛ̀ɛ ki ɓiìtɛɛ fɔlɔɔ gɛ̀n yiraa, nni sànjà à sugtìghà kìɓɔɔ̀gh aɗyoo rì ɓyom ɓìn. 11Ajɛ̀m ìnɛn nnɛ ɓumɓɛ a Sezare ɓɛ̀sɛ̀ɛ̀ ɓɛraa ɓɛ peetɛ̀ngày a mɛɛ mɛ m̀ɓaghà wɔɔ, lɛ ɓɛ romiì ɓɔ a lɔ̀ŋkɛm̀. 12Nni Nghay à Bɛ̀ll à kpaaghà mɛ̀ lɛ: Sugtɛn ɗì ɓɔ, kɔɔ̀ foŋ tikàna. Ɓɛ̀geni ɓɛ̀m ɓɛ ɓɛ ri ɓɛ, ɓɛ kɛǹ mɛ̀ kìfoŋì a Sezare, tì ɗiŋì ɓi naa ì Kɔrinɛy. 13Kɔrinɛy à tumɛ̀n ɓìsi rìkpaa yɛ̀ɛ à ghɛngà di ŋwaà-fìtom a Bɛ̀ll à yùu a mɛɛ mii, à kpaa nyi lɛ: Rom ɓum a Zyope, lɛ ɓɛɛ reŋiì Simɔn ànɛ ɓɛ ti ɓɛ kpɔgì lɛ Pyɛɛri 14nyɛɛ ri wɔ̀ ɓiì kpaa ɓìɓan ɓi ɓi ri ɓiì ghɛɓsii lɛ, rì wɔ̀, rì naa yɔ̀ɔ̀ ì ɓum bimiɗ 15Lɔŋ yɛ̀ɛ m̀mɛɛ̀ pinìghà ŋwɔm lɛ ǹtoòghrɛn, Kìtɛntɛ̀ɛ̀n ki Nghay ki sɛn yì ɓi ɓɔ, lɔŋ yɛ̀ɛ ki sɛngày girig ɓi ɓìsi a rìtumɛ̀n. 16Fɔɔnnɛ mɛ̀ɛ ǹ-yitii min jɛ̀ɛ̀ ìnɛ Kan à kàlìghà lɛ: Zyaŋ à ɓàtìghà rì mɛ̀nig, wɔ̀lɛ ɓi ɓɛg ànɛ a lɔ̀ŋkin, ɓì rì ɓiì ɓàɓtɛɛ ri Kìtɛntɛ̀ɛ̀n ki Nghay. 17Yɛ̀ɛ Bɛ̀ll à mɛ fa ɓɔ com ki à faghà ɓìsi ɓɛ tì gherɛ̀ngà Yeesus Kiris, nni mɛ̀ɛnɛ ghɛn anɛ ǹɗì lɛ, ǹkì rìkì ɗidɛŋ?
18Yɛ̀ɛ ɓɛ wokà ɓitòkì ɓiǹ, nnɛ ɓɛ kɔrìghà lɛ fyòoog, ɓɛ tumɛ̀n ɗìkemzì ɗi Bɛ̀ll di ɓɛɛ̀ kpaakpaa lɛ: Bɛ̀ll à mɛ nɛm girig ɓumɓɛ ɓi mɛ̀kuu mɛm̀bog bee inɛ lɛ, ɓɛɛ lɔɔ̀ghrɛn mɛ̀rem, di ɓɛɛ ɓa rì cɛɓ.
Ɓɛ̀gherɛ̀n ɓɛ ɓi bàn ìnɛ lɛ Aŋtyos
19Ǹtɔɓ wu ɓɛ tɔtɔ̀ɓkà ɓɛ̀gherɛ̀n ɓi cààmɛ̀n ki ɓɛ wolà Ityɛn, wu kìghà lɛ ɓɛ̀gherɛ̀n ɓɛɛ saàtɛn. Fɔɔnnɛ gàɓ ìdɛŋ ì kɛ̀ngà a Fenisii, rì ɓi kìrìŋ ki riɓày ki lɛ Siipirɛ, rì a Aŋtyos, kìɓan kifog, lɔŋ Ɓɛ̀yudɛ̀n ɓɔ rì ɓɔ ɓɛɛ̀ɓɛ ɓɛ kpaakpààghà jɛ̀ɛ̀ ì Bɛ̀ll. 20Nni gàɓ ì ɓɛ̀gherɛ̀n ìdɛŋ ìnɛ ì ɓaghà lɛ, rì ɓumɓɛ a Siipirɛ, rì ɓumɓɛ a Sirɛn, ɓɛ kɛngà a Aŋtyos, ɓɔɔ totòkà girig rì ɓumɓɛ ɓɛ ɓaghà Gìrɛg, ɓɛ kpaakpaa ɓɔ Syeesyee à Ɓɔlɛ à Kan Yeesus. 21Ìtèɗ wu Kan wu ɓaghà rì ɓɔ, kɛɛ kighà ɓum lɛɛ̀gwey lɛ ɓɛɛ lɔɔ̀ghrɛn mɛ̀rem, ɓɛɛ gherɛn Kan.
22Yɛ̀ɛ ɓumɓɛ ɓi kìseŋi ki a Yorisalɛm ɓɛ wokà gom ì kìɓan kiǹ, fɔɔnnɛ ɓɛ romgà Ɓarinaɓas a Aŋtyos. 23Nni yɛ̀ɛ à kpagà wɔɔ, à ghɛn yɛ̀ɛ geesɛ̀n ì Bɛ̀ll ì rèsɛ̀ngà a ɓɛ̀gherɛ̀n ɓɛǹ, à nyààrɛ̀n, à ki toni ɓɔ lɛ: Sììrɛɛna lɔŋ ɓi Kan Yeesus, rì mɛ̀rem min mɛcèm. 24Ɓi saaɗ, Ɓarinaɓas à ɓaghà syeesyee à mum, ǹɗonɛn ɗi Kìtɛntɛ̀ɛ̀n ki Nghay, à ki gherɛn Bɛ̀ll lɛɛ̀gwey, fɔɔnnɛ ɓàlì ì ɓum lɛɛ̀gwey ì nɔ̀ɔ̀tìghà Kan.
25Nni Ɓarinaɓas à kɛ̀ngà min a Tarisi, à teɗ yì Sol. 26Yɛ̀ɛ à tanɛ̀ngà nyi wɔɔ, ɓɛ kɛǹ a Aŋtyos ɓɔɔ̀cèm ɓɛ kɔrì wɔɔ bimiɗ à bèg, ɓɛ sasày bas rì kìseŋi ki wɔɔ, ɓɛ ki rèrèsàkà coo bàlì ì ɓum ɓìɓan ɓi Bɛ̀ll. Nni wɔɔ a Aŋtyos nnɛ ɓɛ tɔmgà kì ròo ɓɛ̀yilàg ɗii ɗi lɛ ɓɛ̀kìristɛ̀n.
Agaɓus à kalii kìɓan ki zày ìnɛ ìrì ɓiì kìi
27Ɓi cààmɛ̀n kiǹ, ɓɛ̀kpaŋzì-ɓìɓan ɓɛ pɛsɛ̀ngày a Yorisalɛm, ɓɛ sɛn a Aŋtyos. 28Fɔɔnnɛ, kìbog ki ɓi ɓɔ, ɗii lɛ Agaɓus, ki pɛsɛ̀ngà aɗyoo, ki kalì ɓum rì ìteɗ wu Kitɛntɛ̀ɛ̀n ki Nghay lɛ, coo zày ì rì ɓiì kìi ɓi zi bimiɗ wɔ̀lɛ ì ki kìghà, ɓi cààmɛ̀n ki Kiloodɛ à ɓaa rìfòm. 29Nni ɓɛ̀gherɛ̀n ɓɛ rengà lɛ, mum bimiɗ ànɛ ɓi ɓɔ, a syɔɔ̀ gàɓ ì com ìnɛ à rì lɛ à ghɛn, lɛ ɓɛɛ ghɛɓsi ɓɛ̀geni ɓaa ɓɛ ɓɛ ɓaghà a Zyude miì. 30Yɛ̀ɛ ɓɛ kighà fɔlɔɔ, nni ɓɛ romgà min Sol ɓɛɛ̀ Ɓarinaɓas rì ɓyom ɓìn lɛ, ɓɛɛ kɛǹ ɓyɔ kì faà rì ɓɛ̀sɛ̀ɛ̀mɛn ɓɛ a Zyude.
Currently Selected:
MƐ̀KÌKÌÌ MƐ ƁƐKƐ̀NÌ-FÌTOM 11: BAFNT
Highlight
Share
Copy
Want to have your highlights saved across all your devices? Sign up or sign in
Bafia Nouveau Testament © Bible Society of Cameroon, 2019.
MƐ̀KÌKÌÌ MƐ ƁƐKƐ̀NÌ-FÌTOM 11
11
Pyɛɛri a tɛɛ̀zii ɓɛ̀gherɛ̀n ɓɛ a Yorisalɛm ɓisuucɛ nnɛ à kɛ̀ngà a Sezare
1Ɓɛ̀kɛ̀nì-fìtom rì ɓɛ̀geni ɓaa ɓɛ righerɛ̀n ɓɛ ɓɛ kɔkɔ̀rìghà a Zyude ɓɛ wokà lɛ, ɓumɓɛ ɓi mɛ̀kuu mɛm̀bog ɓɛ ǹghàɓi girig jɛ̀ɛ̀ ì Bɛ̀ll. 2Yɛ̀ɛ Pyɛɛri à sugtìghà kì ɓɔɔ̀gh a Yorisalɛm, ɓɛ̀gherɛ̀n ɓɛ ɓɛ ɓaghà Ɓɛ̀yudɛ̀n ɓɛ tumɛ̀n nyi rìɓɛ̀ɓɛ̀y. 3Ɓɛ kpaakpàà lɛ: Wɔ̀ɔ nɗiŋii ɓi naa yi ɓumɓɛ ɓɛ yin Ɓɛ̀yudɛ̀n, ù ki ɗi ǹɗaŋ ri ɓɔ?
4Fɔɔnnɛ Pyɛɛri à tumɛ̀ngà ɓɔ rìtɛɛ̀zì ɗi kiɓan ki à ghɛngà kìcèm, à kpaa ɓɔ lɛ: 5Yɛ̀ɛ mɛ̀ɛ ǹɗì ɓi bàn ì Zyope di nkìki bɔ̀ŋzɛ̀n, nni ki nkìi mɛ̀ yɛ̀ɛ ɓìdɛ̀ndɛm lɛ: ǹghɛɛ rìkuu ɗi coo sànjà kì sugakɛn ɓi mɛ̀keɓ mɛ kinìn aɗyoo, ki yuyùy mɛ̀ a nyòò. 6Nni yɛ̀ɛ ǹkonaagh kì sìŋii sànjà àncèm, ǹghɛn miì ɓi ɗùm lɛ: Rì nyàm yi ɓi ziinɛ yi yi ri mɛ̀kòò mɛnin, rì nyàm yi ɓi cog, rì yi wɔwɔghɛn ɗì ɗùm, rì tììlì ti aɗyòò. 7Nni nwokì, di jɛ̀ɛ̀ ìdɛŋ yɛ̀ɛ kpaakpaa mɛ lɛ: Pyɛɛri wɔ̀! Pɛ̀sɛn aɗyoo, u wey nyàm bogtɛ̀n ɓi nyàm yi, u ɗi. 8Fɔɔnnɛ m̀pɛ̀ɛ̀zìghà lɛ, àg! Kan, ɓi cɛɓ kɛ̀m kìcèm, ǹka fogà ɓi com ki ki ri kìcèlì, nsoò lɛ ki ki ri kìsyeg ɓi ŋwɔm wɛ̀m. 9Nni jɛ̀ɛ̀ ìnɛn i kpaatìghà ɓi gɛ̀n i kìɓɛ̀ɛ̀ lɛ, com kìcèm ki Bɛ̀ll à kpaa lɛ ki rì kìtɛnɛn, wɔ̀ kɔ̀ɔ kpaa lɛ, ki ri rì kìsyeg. 10Yɛ̀ɛ ki ɓiìtɛɛ fɔlɔɔ gɛ̀n yiraa, nni sànjà à sugtìghà kìɓɔɔ̀gh aɗyoo rì ɓyom ɓìn. 11Ajɛ̀m ìnɛn nnɛ ɓumɓɛ a Sezare ɓɛ̀sɛ̀ɛ̀ ɓɛraa ɓɛ peetɛ̀ngày a mɛɛ mɛ m̀ɓaghà wɔɔ, lɛ ɓɛ romiì ɓɔ a lɔ̀ŋkɛm̀. 12Nni Nghay à Bɛ̀ll à kpaaghà mɛ̀ lɛ: Sugtɛn ɗì ɓɔ, kɔɔ̀ foŋ tikàna. Ɓɛ̀geni ɓɛ̀m ɓɛ ɓɛ ri ɓɛ, ɓɛ kɛǹ mɛ̀ kìfoŋì a Sezare, tì ɗiŋì ɓi naa ì Kɔrinɛy. 13Kɔrinɛy à tumɛ̀n ɓìsi rìkpaa yɛ̀ɛ à ghɛngà di ŋwaà-fìtom a Bɛ̀ll à yùu a mɛɛ mii, à kpaa nyi lɛ: Rom ɓum a Zyope, lɛ ɓɛɛ reŋiì Simɔn ànɛ ɓɛ ti ɓɛ kpɔgì lɛ Pyɛɛri 14nyɛɛ ri wɔ̀ ɓiì kpaa ɓìɓan ɓi ɓi ri ɓiì ghɛɓsii lɛ, rì wɔ̀, rì naa yɔ̀ɔ̀ ì ɓum bimiɗ 15Lɔŋ yɛ̀ɛ m̀mɛɛ̀ pinìghà ŋwɔm lɛ ǹtoòghrɛn, Kìtɛntɛ̀ɛ̀n ki Nghay ki sɛn yì ɓi ɓɔ, lɔŋ yɛ̀ɛ ki sɛngày girig ɓi ɓìsi a rìtumɛ̀n. 16Fɔɔnnɛ mɛ̀ɛ ǹ-yitii min jɛ̀ɛ̀ ìnɛ Kan à kàlìghà lɛ: Zyaŋ à ɓàtìghà rì mɛ̀nig, wɔ̀lɛ ɓi ɓɛg ànɛ a lɔ̀ŋkin, ɓì rì ɓiì ɓàɓtɛɛ ri Kìtɛntɛ̀ɛ̀n ki Nghay. 17Yɛ̀ɛ Bɛ̀ll à mɛ fa ɓɔ com ki à faghà ɓìsi ɓɛ tì gherɛ̀ngà Yeesus Kiris, nni mɛ̀ɛnɛ ghɛn anɛ ǹɗì lɛ, ǹkì rìkì ɗidɛŋ?
18Yɛ̀ɛ ɓɛ wokà ɓitòkì ɓiǹ, nnɛ ɓɛ kɔrìghà lɛ fyòoog, ɓɛ tumɛ̀n ɗìkemzì ɗi Bɛ̀ll di ɓɛɛ̀ kpaakpaa lɛ: Bɛ̀ll à mɛ nɛm girig ɓumɓɛ ɓi mɛ̀kuu mɛm̀bog bee inɛ lɛ, ɓɛɛ lɔɔ̀ghrɛn mɛ̀rem, di ɓɛɛ ɓa rì cɛɓ.
Ɓɛ̀gherɛ̀n ɓɛ ɓi bàn ìnɛ lɛ Aŋtyos
19Ǹtɔɓ wu ɓɛ tɔtɔ̀ɓkà ɓɛ̀gherɛ̀n ɓi cààmɛ̀n ki ɓɛ wolà Ityɛn, wu kìghà lɛ ɓɛ̀gherɛ̀n ɓɛɛ saàtɛn. Fɔɔnnɛ gàɓ ìdɛŋ ì kɛ̀ngà a Fenisii, rì ɓi kìrìŋ ki riɓày ki lɛ Siipirɛ, rì a Aŋtyos, kìɓan kifog, lɔŋ Ɓɛ̀yudɛ̀n ɓɔ rì ɓɔ ɓɛɛ̀ɓɛ ɓɛ kpaakpààghà jɛ̀ɛ̀ ì Bɛ̀ll. 20Nni gàɓ ì ɓɛ̀gherɛ̀n ìdɛŋ ìnɛ ì ɓaghà lɛ, rì ɓumɓɛ a Siipirɛ, rì ɓumɓɛ a Sirɛn, ɓɛ kɛngà a Aŋtyos, ɓɔɔ totòkà girig rì ɓumɓɛ ɓɛ ɓaghà Gìrɛg, ɓɛ kpaakpaa ɓɔ Syeesyee à Ɓɔlɛ à Kan Yeesus. 21Ìtèɗ wu Kan wu ɓaghà rì ɓɔ, kɛɛ kighà ɓum lɛɛ̀gwey lɛ ɓɛɛ lɔɔ̀ghrɛn mɛ̀rem, ɓɛɛ gherɛn Kan.
22Yɛ̀ɛ ɓumɓɛ ɓi kìseŋi ki a Yorisalɛm ɓɛ wokà gom ì kìɓan kiǹ, fɔɔnnɛ ɓɛ romgà Ɓarinaɓas a Aŋtyos. 23Nni yɛ̀ɛ à kpagà wɔɔ, à ghɛn yɛ̀ɛ geesɛ̀n ì Bɛ̀ll ì rèsɛ̀ngà a ɓɛ̀gherɛ̀n ɓɛǹ, à nyààrɛ̀n, à ki toni ɓɔ lɛ: Sììrɛɛna lɔŋ ɓi Kan Yeesus, rì mɛ̀rem min mɛcèm. 24Ɓi saaɗ, Ɓarinaɓas à ɓaghà syeesyee à mum, ǹɗonɛn ɗi Kìtɛntɛ̀ɛ̀n ki Nghay, à ki gherɛn Bɛ̀ll lɛɛ̀gwey, fɔɔnnɛ ɓàlì ì ɓum lɛɛ̀gwey ì nɔ̀ɔ̀tìghà Kan.
25Nni Ɓarinaɓas à kɛ̀ngà min a Tarisi, à teɗ yì Sol. 26Yɛ̀ɛ à tanɛ̀ngà nyi wɔɔ, ɓɛ kɛǹ a Aŋtyos ɓɔɔ̀cèm ɓɛ kɔrì wɔɔ bimiɗ à bèg, ɓɛ sasày bas rì kìseŋi ki wɔɔ, ɓɛ ki rèrèsàkà coo bàlì ì ɓum ɓìɓan ɓi Bɛ̀ll. Nni wɔɔ a Aŋtyos nnɛ ɓɛ tɔmgà kì ròo ɓɛ̀yilàg ɗii ɗi lɛ ɓɛ̀kìristɛ̀n.
Agaɓus à kalii kìɓan ki zày ìnɛ ìrì ɓiì kìi
27Ɓi cààmɛ̀n kiǹ, ɓɛ̀kpaŋzì-ɓìɓan ɓɛ pɛsɛ̀ngày a Yorisalɛm, ɓɛ sɛn a Aŋtyos. 28Fɔɔnnɛ, kìbog ki ɓi ɓɔ, ɗii lɛ Agaɓus, ki pɛsɛ̀ngà aɗyoo, ki kalì ɓum rì ìteɗ wu Kitɛntɛ̀ɛ̀n ki Nghay lɛ, coo zày ì rì ɓiì kìi ɓi zi bimiɗ wɔ̀lɛ ì ki kìghà, ɓi cààmɛ̀n ki Kiloodɛ à ɓaa rìfòm. 29Nni ɓɛ̀gherɛ̀n ɓɛ rengà lɛ, mum bimiɗ ànɛ ɓi ɓɔ, a syɔɔ̀ gàɓ ì com ìnɛ à rì lɛ à ghɛn, lɛ ɓɛɛ ghɛɓsi ɓɛ̀geni ɓaa ɓɛ ɓɛ ɓaghà a Zyude miì. 30Yɛ̀ɛ ɓɛ kighà fɔlɔɔ, nni ɓɛ romgà min Sol ɓɛɛ̀ Ɓarinaɓas rì ɓyom ɓìn lɛ, ɓɛɛ kɛǹ ɓyɔ kì faà rì ɓɛ̀sɛ̀ɛ̀mɛn ɓɛ a Zyude.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bafia Nouveau Testament © Bible Society of Cameroon, 2019.