Tonon-kiran’i Solomona 3
3
1Teo am-pandriako nony alina dia mazàna nitady ilay tian’ny fanahiko aho;
Nitady azy aho, fa tsy nahita azy–
2 Dia hoy izaho: Hifoha aho ka handehandeha eo an-tanàna,
Dia eny an-dàlambe sy eny an-kalalahana,
Hitady ilay tian’ny fanahiko–
Eny, nitady azy aho, nefa tsy nahita azy.
3Hitan’ny antily izay mandehandeha eny an-tanàna aho;
Dia hoy izaho: Sao mba hitanareo lahy ilay tian’ny fanahiko iny?
4Nony vao nandalo ireo vetivety foana aho,
Dia hitako ilay tian’ny fanahiko,
Ka nohazoniko izy, fa tsy navelako handeha,
Mandra-pitondrako azy ho any an-tranon’ineny,
Dia any amin’ny efi-tranon’ilay niteraka ahy.
5Mampianiana anareo amin’ny gazela#3.5 Anaram-biby haingan-tongotra. na amin’ny dieravavy#3.5 Anaram-biby haingan-tongotra. any an-tsaha aho, ry zanakavavin’i Jerosalema;
Aza manaitra na mamoha ny fitiavana, raha tsy efa sitrapony.
Ny amin’ny nampakarana an-dravehivavy.
6IZA moa irỳ vehivavy miakatra avy any an-efitra,
Tahaka ny setroka mitankosina,
Sady tsara fofona amin’ny miora sy ny ditin-kazo mani-pofona
Mbamin’ny vovoka manitra samy hafa entin’ny mpandranto?
7Indro ny filanjan’#3.7 Heb. farafara. i Solomona!
Lehilahy enim-polo, mahery avokoa,
Avy amin’ny lehilahy mahery amin’ny Isiraely, no manotrona azy.
8An-tsabatra avokoa izy rehetra sady mahay miady,
Samy mitondra ny sabany eo am-balahany avy
Noho ny tahotra amin’ny alina.
9Nanao filanjana#3.9 Heb. farafara. ho azy Solomona mpanjaka
Tamin’ny hazo avy any Libanona:
10Volafotsy no nataony andriny,
Ary volamena ny fiankinana, volomparasy ny ondany,
Ny ao anatiny voaravaka amin’ny fanomezam-pitiavana
Avy tamin’ny zanakavavin’i Jerosalema.
11Mivoaha, ry zanakavavin’i Ziona,
Ka mijere an’i Solomona mpanjaka,
Misatroka ilay satroboninahitra nasatro-dreniny azy
Tamin’ny andro nampakarany vady,
Dia tamin’ny andro nifalian’ny fony.
Currently Selected:
Tonon-kiran’i Solomona 3: MBP
Highlight
Share
Compare
Copy
Want to have your highlights saved across all your devices? Sign up or sign in
Baiboly Protestanta Malagasy © Malagasy Bible Society, 1965, 2019.
