Salamo 150
150
Haleloia farany.
1HALELOIA.
Miderà an’Andriamanitra eo amin’ny fitoerany masina.
Miderà Azy eo amin’ny habakabaky ny heriny.
2Miderà Azy noho ny asany lehibe;
Miderà Azy araka ny haben’ny voninahiny.
3Miderà Azy amin’ny fitsofana ny anjomara;
Miderà Azy amin’ny valiha sy ny lokanga.
4Miderà Azy amin’ny ampongatapaka sy ny dihy;
Miderà Azy amin’ny zava-maneno tendrena sy ny sodina.
5Miderà Azy amin’ny kipantsona maneno;
Miderà Azy amin’ny kipantsona tsara feo.
6Aoka izay rehetra manam-pofonaina samy hidera an’i Jehovah.
Haleloia.
Currently Selected:
Salamo 150: MBP
Highlight
Share
Copy
Want to have your highlights saved across all your devices? Sign up or sign in
Baiboly Protestanta Malagasy © Malagasy Bible Society, 1965, 2019.
