Salamo 125
125
Ny fiarovana mahafinaritra hitan’izay matoky an’Andriamanitra.
1Fihirana fiakarana.#125.1 Na: Fihirana misy hevitra ambaratonga.
IZAY matoky an’i Jehovah dia tahaka ny tendrombohitra Ziona,
Izay tsy mihetsika, fa mitoetra mandrakizay.
2Tahaka ny tendrombohitra manodidina an’i Jerosalema
No anodidinan’i Jehovah ny olony
Hatramin’izao ka ho mandrakizay.
3Fa tsy hitoetra eo amin’ny anjaran’ny marina ny tehim-panjakan’ny ratsy fanahy,
Fandrao ny marina haninjitra ny tànany hanendry zava-dratsy.
4Jehovah ô, manaova soa amin’ny tsara
Sy ny mahitsy fo.
5Fa izay mivily ho amin’ny sakeli-dàlana mivilivily
Dia horoahin’i Jehovah miaraka amin’ny mpanao ratsy anie.
Fiadanana anie ho amin’ny Isiraely.
Currently Selected:
Salamo 125: MBP
Highlight
Share
Copy
Want to have your highlights saved across all your devices? Sign up or sign in
Baiboly Protestanta Malagasy © Malagasy Bible Society, 1965, 2019.
