Jeremia 47
47
Faminaniana ny amin’ny Filistina.
1NY tenin’i Jehovah izay tonga tamin’i Jeremia mpaminany ny amin’ny Filistina, fony Farao tsy mbola namely an’i Gaza.
2Izao no lazain’i Jehovah:
Indro, misy rano mizotra avy any avaratra
Ka ho tonga ony maria
Manafotra ny tany mbamin’izay rehetra ao aminy,
Dia ny tanàna mbamin’izay monina ao aminy;
Ka dia hitaraina ny olona,
Ary hidradradradra ny mponina rehetra amin’ny tany.
3Noho ny fikatrokatroky ny kitron’ny soavaliny matanjaka
Sy ny fikorodondrodon’ny kalesiny
Ary ny fikotrokotroky ny kodiany
Ny ray dia tsy miherika ny zanany, fa efa miraviravy tànana,
4Noho ny hihavian’ny andro handravana ny Filistina rehetra
Sy handringanana izay sisa rehetra amin’ny mpamonjy an’i Tyro sy Sidona;
Fa horavan’i Jehovah ny Filistina,
Dia ny sisa avy any amin’ny nosy Kaftora.
5Voaharatra Gaza,
Ringana#47.5 Na: Mangina. Askelona mbamin’ny sisa amin’ny lohasahany;
Mandra-pahoviana no mbola hitetika ny tenanao hianao?
6Indrisy, ry sabatr’i Jehovah!
Mandra-pahoviana no tsy hitsaharanao?
Midira ao amin’ny tranonao ihany;
Mitsahara, ka mijanòna.
7Hataony#47.7 Heb. Hataonao. ahoana no fitsahatra.
Fa Jehovah no nandidy azy,
Eny, hamely an’i Askelona mbamin’ny eny amoron-dranomasina
No efa nanendreny azy.
Currently Selected:
Jeremia 47: MBP
Highlight
Share
Compare
Copy
Want to have your highlights saved across all your devices? Sign up or sign in
Baiboly Protestanta Malagasy © Malagasy Bible Society, 1965, 2019.
