Hosea 10
10
1Voaloboka misandrahaka Isiraely,
Mamoa ho azy izy;
Araka ny habetsahan’ny voany no nanaovany alitara betsaka,
Araka ny hatsaran’ny taniny no nanaovany tsangam-baton-tsampy tsara tarehy.
2Mamitaka#10.2 Heb. Malambolambo. ny fony, koa dia hovaliana izy izao noho ny helony;
Jehovah no hanimba ny alitarany sy handrava ny tsangam-baton-tsampiny
3Amin’izany dia hiteny izy hoe: Tsy mana-mpanjaka isika;
Fa tsy natahorantsika Jehovah,
Koa hahavita inona ho antsika moa izay mpanjaka?
4Niteniteny foana izy tamin’ny nianianany tsy to sy ny nanaovany fanekena;
Ka nitrebona toy ny zava-mangidy eny am-bavasa eny an-tsaha ny rariny.
5Ny mponina any Samaria matahotra noho ny amin’ny ombivavy kely ao Betavena;
Fa ny olony mitomany azy,
Ary ny mpisorony mangovitra noho ny aminy,
Dia noho ny amin’ny voninahiny, fa lasan-ko babo izany.
6Iny koa ho entina any Asyria
Ho fanomezana ho an’i Jareba#10.6 Izahao v.13. mpanjaka;
Ho afa-baraka Efraima,
Eny, hangaihay Isiraely noho ny saina nataony.
7Ho rava Samaria,
Ny mpanjakany dia ho tonga toy ny sombin-javatra eny ambonin’ny rano.
8Ary ho rava koa ny fitoerana avo ao Avena, izay anotan’Isiraely;
Ho rakotry ny tsilo sy ny ahitra ratsy ny alitarany;
Ary izy hanao amin’ny tendrombohitra hoe: Saròny izahay,
Ary amin’ny havoana hoe: Mianjerà aminay.
9Hatramin’ny andro fony tany Gibea no efa nanotanao, ry Isiraely;
Nikikitra tany izy;
Tsy nahatratra azy tany Gibea ny ady namelezana ny zanaky ny faharatsiana.
10Araka ny sitrako no hamaizako azy;
Ary hovorina hamely azy ny firenena,
Amin’ny hamatorana azy noho ny helony roa loha.
11Ary Efraima dia tahaka ny ombivavy kely efa voafolaka
Ka faly hively vary;
Ary hasiako zioga#10.11 Heb. hihoarako. ny vozony tsara tarehy;
Hampandehaniko Efraima;
Joda hiasa tany,
Ary Jakoba handravona.
12Mamafaza ho anareo araka ny fahamarinana,
Mijinjà araka ny fitiavana,
Hevoy ny tombam-borakareo;#10.12 Na: Miasà tany vaovao ho anareo.
Fa izao no andro hitadiavana an’i Jehovah
Ambara-pihaviny sy handatsahany fahamarinana aminareo.#10.12 Na: hampianarany anareo ny fahamarinana.
13Niasa faharatsiana hianareo,
Ka fahadisoana no nojinjanareo;
Nihinana ny vokatry ny lainga hianareo
Fa nitoky tamin’ny alehanareo#10.13 Heb. alehanao, maherinao, hianao, olonao, tanànanao.
Sy ny habetsahan’ny lehilahy maherinareo#10.13 Heb. alehanao, maherinao, hianao, olonao, tanànanao. hianareo.#10.13 Heb. alehanao, maherinao, hianao, olonao, tanànanao.
14Dia hisy tabataba hamelezana ny olonareo,#10.14 Heb. alehanao, maherinao, hianao, olonao, tanànanao.
Ka horavana ny tanànanareo#10.14 Heb. alehanao, maherinao, hianao, olonao, tanànanao. mimanda rehetra,
Toy ny nandravan’i Salamana an’i Bet-arbela tamin’ny andro niadiana,
Ka torotoro avokoa ny reniny mbamin’ny zanany.
15Toy izany no hataon’i Betela#10.15 Na: Toy izany no hatao aminareo, ry Betela. aminareo,
Noho ny haben’ny faharatsianareo;
Raha maraina ny andro, dia ho levona mihitsy ny mpanjakan’ny Isiraely.
Currently Selected:
Hosea 10: MBP
Highlight
Share
Compare
Copy
Want to have your highlights saved across all your devices? Sign up or sign in
Baiboly Protestanta Malagasy © Malagasy Bible Society, 1965, 2019.
