2 KALATA NYƐRƐ 27
27
Yotam wannu Juda
(Zɔk 2 Wan 15.32-38)
1Yotam a̧a̧ so nɛ̀ pɛ ɓu-yiitoo-zua-mɔɔrɔ ŋgimbi n'aa ɔɔ nɛ̀ wan, ɓɛɛ a̧ de pɛ ɓu-zua-mɔɔrɔ-ɗoŋ-kpɔk tɛ wan sɛn Jerusalɛm. Nin nàà kɔ̧-a̧ nɛ Yɛrusa, boko-bem ko Sadɔk. 2Yotam dee mɔ nɛ̀ yuwar-a ti GASA WAN, kànà hee mɔ'ɔ nɛ̀ dáà kɔ̧-a̧ Ozias dee so ga; a̧ yɔ kaya mɛ ye Tua ko Sɔ̧ na. Mɔ kpɔk, dukbíí nɛ̀ oi-aa lɛŋ yaa kànà tɛ dee ɗaŋmɔ siti.
3Mɛ̀ nɛ́ Yotam a̧ mboo nú Tua ko Sɔ̧ mɛ ŋgɔn. A̧ ɗafa ɗoŋ garo nɛ̀ dɔka-a tɛ fara nɛ̀ wa sa'e garo Ofɛl. 4A̧ dee o gasa ye sɛn zu kaya ko Juda in o be ŋga tua gú nɛ̀ o fara-pɛm-mɔ sɛn kɔ̧ o kombo. 5Yotam bìì o wannu ko o be Amɔŋ, ɓɛɛ a̧ gan wa; wa ha̧a̧ kilo bu-mbɔi booro-taar, kilo alkamaari miliɔŋ taar in kilo be-fon miliɔŋ taar mbɛt ha̧ a̧. Mɛ̀ nɛ́ kale mɔ a̧ wa ha̧a̧ tɛ yiitoo in taar pɛ mbɛt. 6Yotam kpaa ŋgai siti, wen n'aa e so see-aa tɛ GASA WAN Sɔ̧ kɔ̧-a̧. 7Oi mɔ nɛ̀ Yotam dea, o biro kɔ̧-a̧ in o mɔ nɛtɛ nɛtɛ n'aa dea yɔra zaŋ Kalata ko o wannu Israɛl in ko Juda mbɛt. 8A̧ a̧a̧ so nɛ̀ pɛ ɓu-yiitoo-zua-mɔɔrɔ ŋgimbi n'aa ɔɔ nɛ̀ wan, ɓɛɛ a̧ ɔ wan tɛ pɛ ɓu-zua-mɔɔrɔ-ɗoŋ-kpɔk sɛn Jerusalɛm. 9Yotam fea si ɗoŋ o dáà kɔ‘i, ɓɛɛ wa gun a̧ sɛn ye ko David. Bem kɔ̧-a̧ Ahaz ɔɔ wan oi-aa.
Currently Selected:
2 KALATA NYƐRƐ 27: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.