JOSWA 21
21
Yaŋ mǝ Lewitien
1Zaluu yaŋ Lewitien gera wo pa joŋzahsyiŋ Eleasar ne Joswa we Nun tǝkine zaluu yaŋ ma mor ban Israel daŋ. 2Ge faara ɓǝ ne ra yaŋ Silo pǝ sǝr Kanaan, faara sye: Dǝɓlii faa nyi Mosus ka mo nyira yaŋ nyi ru ka ru kaa gŋ tǝkine cok pii fan ah ra daŋ ka faɓal ɓuu mo pii gŋ.#KeeZ 35:1-8 3So za Israel bǝǝra yaŋ marai ne cok pii fan ah ra gin pǝ sǝr ma ɓǝǝ nyira nyi Lewitien tǝgbana mai Dǝɓlii mo faa.
4Ira cahcah mor za yaŋ Kehatien. Wee pa joŋzahsyiŋ Aron lwaara yaŋ jemma tǝl sai jol ban Yuda ne ban Simon tǝkine ban Benyaamin. 5Tǝcoŋ wee Kehat manyeeki ah lwaara yaŋ jemma jol ban Efraim ne ban Dan tǝkine raita ban Manasse.
6Wee Gerson laŋ cahcah cuu yaŋ nyi ra jemma tǝl sai jol za ma mor ban Isakar ne ban Asǝr ne ban Naftali tǝkine raita ban Manasse pǝ sǝr Basan.
7Wee Merari ne za yaŋ ɓǝǝ laŋ cahcah cuu yaŋ nyi ra jemma tǝl gwa jol ban Ruben ne ban Gad tǝkine ban Zebulon.
8Za Israel nyira yaŋ tǝkine cok pii fan ah ra nyi Lewitien tǝgbana mai Dǝɓlii mo faa nyi Mosus.
9Nyiŋra yaŋ marai ɗii ah mo ɗii ɓo nyee jol ban Yuda ne ban Simon. 10Yaŋ ah ra ciŋ mǝ wee Aron kǝsyil za yaŋ Kehatien tǝkine wee Lewi, mor cahcah ma zahnahpel ah mo ira ma ɓǝǝ yo. 11Nyira yaŋ Kirjat-Arba tǝkine cok pii fan ah mo ryaŋ yaŋ ah ɓo daŋ nyi ra, tǝ'nah a ɗii yaŋ ah ne Hebron a tǝ waa Yuda. (Arba pah Anak yo.) 12Amma cok 'wah yaŋ ah tǝkine yaŋ ma lal ah mo gŋ daŋ nyira nyi Kaleɓ we Jefunne, mǝ ah yo.
13Nyira yaŋ Hebron mai ka pa in wul mo ɗuu zah mawul ge muŋ gŋ tǝkine cok pii fan ah daŋ nyi wee pa joŋzahsyiŋ Aron. So nyira yaŋ Libna ne cok pii fan ahe, 14Jatir ne cok pii fan ahe, Estemoa ne cok pii fan ahe, 15Holon ne cok pii fan ahe, Debir ne cok pii fan ahe, 16Ayin ne cok pii fan ahe, Yutta ne cok pii fan ahe, Bet-Semes ne cok pii fan ahe, daŋ joŋ yaŋ maluu doraŋ, bǝǝra jol zahban Yuda ne Simon. 17Mǝ ban Benyaamin laŋ: Gibeon ne Geba ne cok pii fan ɓǝǝra, 18Anatot ne cok pii fan ahe, Almon ne cok pii fan ahe, joŋ yaŋ maluu nai. 19Yaŋ mǝ wee pa joŋzahsyiŋ Aron tǝkine cok pii fan ah ra daŋ a jemma tǝ sai.
20Tǝcoŋ wee Kehat manyeeki ah mai ara mo kǝsyil Lewitien lwaara zah sǝr ma ɓǝǝ ne cahcah kǝsyil ban Efraim. 21Nyira yaŋ Sikem ma tǝ waa Efraim mai ka pa in wul mo ɗuu zah ma wul ge muŋ gŋ tǝkine cok pii fan ah daŋ nyi ra. So nyira yaŋ Gezar ne cok pii fan ahe, 22Kaɓsaim ne cok pii fan ahe, Bet-Horon ne cok pii fan ahe, joŋ yaŋ maluu nai. 23Mǝ ban Dan laŋ: Elteke ne cok pii fan ahe, Gibbeton ne cok pii fan ahe, 24Ajalon ne cok pii fan ahe, Gat-Rimmon ne cok pii fan ahe, yaŋ maluu nai. 25Mǝ raita morsǝ̃ǝ Manasse laŋ: Tanak ne cok pii fan ahe, Gat-Rimmon ne cok pii fan ahe, yaŋ maluu gwa. 26Pãa yaŋ maluu tǝkine cok pii fan ah ra daŋ jemma, mǝ tǝcoŋ ban wee Kehat mai mo coŋra ɓo yo.
27Nyira yaŋ Golan ma pǝ sǝr Basan mai ka pa in wul mo ɗuu zah ma wul ge muŋ gŋ tǝkine cok pii fan ah daŋ nyi wee Gerson ma kǝsyil ban Lewitien daga pǝ sǝr raita mǝ ban Manasse. So nyira yaŋ Beestira ne cok pii fan ah ta, yaŋ maluu gwa. 28Mǝ ban Isakar laŋ: Kisjon ne cok pii fan ahe, Daberat ne cok pii fan ahe, 29Jarmut ne cok pii fan ahe, En-Ganim ne cok pii fan ahe, yaŋ maluu nai. 30Mǝ wee Asǝr: Miseal ne cok pii fan ahe, 31Helkat ne cok pii fan ahe, Rehoɓ ne cok pii fan ahe, yaŋ maluu nai. 32Mǝ ban Naftali yaŋ mai ka pa in wul mo ɗuu zah mawul ge muŋ gŋ ako ye Kedes ma sǝr Galile ne cok pii fan ahe. So nyira Hammot-Dor ne cok pii fan ahe, Kartan ne cok pii fan ah ta, yaŋ maluu sai. 33Yaŋ Gersonien ne za ɓǝǝ daŋ joŋ jemma tǝ sai tǝkine cok pii fan ah ra daŋ.
34Lewitien mai mo coŋra ɓo ma morsǝ̃ǝ Merari lwaara sǝr ma ɓǝǝ gin pǝ sǝr zahban Zebulon: Jokneam ne cok pii fan ahe, Karta ne cok pii fan ahe, 35Dimna ne cok pii fan ahe, Nahalal ne cok pii fan ahe, yaŋ maluu nai. 36Mǝ ban Ruben: Bezar ne cok pii fan ahe, Jahaza ne cok pii fan ahe, 37Kedemot ne cok pii fan ahe, Mefaat ne cok pii fan ahe, yaŋ maluu nai. 38Mǝ ban Gad laŋ yaŋ mai ka pa in wul mo ɗuu zah mawul ge muŋ gŋ ako ye Ramot ma Giliat ne cok pii fan ahe, so nyira Makanayim ne cok pii fan ahe, 39Hesbon ne cok pii fan ahe, Jaizer ne cok pii fan ahe, tai daŋ joŋ yaŋ maluu nai. 40Yaŋ mai daŋ mǝ wee Merari ye ne za ɓǝǝ mai mo coŋra ɓo kǝsyil Lewitien, yaŋ maluu jemma tǝ gwa.
41Yaŋ mai Lewitien mo lwaara kǝsyil za Israel daŋ joŋ jemma nai tǝtǝl nama ne cok pii fan ah ra daŋ. 42Yaŋ ah vaŋno vaŋno daŋ cok pii fan ryaŋ ɓo.
Za Israel lwaara sǝrri
43Dǝɓlii nyi sǝr mai mo faa ɓǝ ah nyi pa ɓǝǝ lii ra ka nyi nyi ra daŋ nyi za Israel. Lwaara sǝr ahe, so kaara gŋ. 44Dǝɓlii nyi 'yak nyi ra cok daŋ tǝgbana mo faa nyi pa ɓǝǝ lii ra. Koo dǝɓ vaŋno kǝsyil za syiŋ ɓǝǝ uu pel ɓǝǝ ya, mor Dǝɓlii ye soɓ za ma syiŋ ra daŋ gee ra jolle. 45Ɓǝ sãh mai Dǝɓlii mo faa tǝ za Israel daŋ koo lee ge sǝŋ vaŋno ya. Ɓǝ ah daŋ joŋ tǝɗe'.
Bible Moundang © Alliance Biblique du Tchad, 1996.