JOSWA 16
16
Zah sǝr mǝ ban Efraim ne Manasse ma morcomlilli
1Zah sǝr mai mo nyira nyi wee Yuseɓ tǝŋ daga Yordan nǝfah kǝ Jeriko ŋhaa ge dai mabii Jeriko nǝfah kǝmorcomzah'nanne, zahsyee ah zoo pǝ̃ǝ ge kǝsyicok mai mo ur gin Jeriko ŋhaa ge dai tǝwaa Betel. 2So zahsyee ah ur gin Betel ŋhaa ge dai Lus, so pǝ̃ǝ kal ge fah zahsyee sǝr Arkien ŋhaa ge dai Atarot-Addar. 3So ɗǝr zoo ge morcomlil nǝfah kǝ zahsyee sǝr Jafletien ŋhaa ge dai sǝr Bet-Horon ma mor kǝsǝŋ, ne Gezar, zah ah ge pǝ̃ǝ ne mabii Mediterrania.
4Wee Yuseɓ ban Manasse ne Efraim lwaara sǝr ma ɓǝǝ ka kaara gŋ.
Mǝ ban Efraim
5Zahsyee sǝr mǝ wee Efraim ne za ɓǝǝ a naiko: Zahsyee sǝr ma ɓǝǝ ma fah kǝmorcomzah'nan tǝŋ daga Atarot-Addar ŋhaa ge dai Bet-Horon ma tǝkǝsǝŋ, ŋhaa ge dai mabii Mediterrania. 6Ma fah kǝmorcomlil zahsyee ah zoo pǝ̃ǝ ge kah Mikmeta fah kǝsǝŋ. So zahsyee rãa ge fah kǝmorcomzah'nan ŋhaa ge Taanat-Silo, so pǝ̃ǝ tǝl ah kal ge tǝkǝsǝŋ Janowa. 7So zahsyee ah ur daga Janowa ɗǝr ge Atarot ne Naaron, so zoo ge Jeriko ŋhaa pǝ̃ǝ kal ge Yordan. 8Zahsyee ah so ur daga Tǝpǝwa kal ge fah morcomlil ŋhaa ge dai el Kana ge kan ne mabii Mediterrania taa. Mai daŋ sǝr ban Efraim ye ne za ɓǝǝra. 9Yaŋ maluu mai mo ŋgomra nyi wee Efraim kǝsyil sǝr mǝ ban Manasse laŋ a nai ta, yaŋ maluu ne manyee ah ra daŋ. 10Amma nĩira Kanaanien mai mo kaara ɓo Gezar ya, kaara ɓo kǝsyil Efraim ŋhaa tǝ'nahko, amma ciŋra byak sǝǝ gǝraama ɓo.#ZaL 1:29
Bible Moundang © Alliance Biblique du Tchad, 1996.