1 ZA GOŊE 4
4
Za faadal Salomo maluuri
1Goŋ Salomo kaa goŋ tǝ za Israel daŋ. 2Tǝɗii za faadal ah maluu a naiko: Azaria we Sadok ako ye pa joŋzahsyiŋrĩ. 3Elihoref ne Ahija wee Sisak ara ye za ma ŋwǝǝ ɗerewol, Yusafat we Akilut pa ma kee ɓǝ tãa. 4Benaja we Jehojada, swah sooje yo, Sadok ne Abiatar, za joŋzahsyiŋ ye ra. 5Azaria we Natan ako ye dǝɓlii tǝ zaluu ma pel goŋe. Zaabud we Natan ako ye pa joŋzahsyiŋ ne palyaŋ goŋe. 6Akisar ye pa ma byak yaŋ goŋe, Adoniram we Abda ye swah sǝǝ gǝraama.
7Salomo syen zaluu ma byak fan goŋ ɓo jemma tǝtǝl gwa, rǝk ra tǝ za Israel daŋ ka mo taira farel mor goŋe, tǝkine byak yaŋ swul ahe, koo zune kǝsyil ɓǝǝ pǝ syii vaŋno a joŋ yeɓ ah fĩi vaŋno. 8Tǝɗii zan ah ne cok yeɓ ɓǝǝ a naiko: We Hur, cok yeɓ ah ye tǝwaa Efraim.
9We Deker - Makas, ne Saalbim, ne Bet-Semes, ne Elon, tǝkine Bet-Hanan.
10We Heset ma Arubot - Soko tǝkine sǝr Hefer daŋ.
11We Abinadaɓ - tǝgee Dor daŋ. (Mawin ah ye Tafat, mǝlaŋ Salomo.)
12Baana we Akilut - Taanak, ne Megiddo, ne Bet-San daŋ, mai mo kah Zartan morkǝsǝŋ Jezereel, tǝŋ daga Bet-San ŋhaa ge dai Abel-Mehola ŋhaa ge dai Jokmeam nǝkǝŋhaa ahe.
13We Geber ma Ramot-Giliat - yaŋ manyee ah mǝ Jair we Manasse ma pǝ sǝr Giliat tǝkine sǝr Argoɓ mai mo cok Basan daŋ. Yaŋ maluu mai mo ne ɓaale tǝkine zahfah ma ne vãm syẽ a gŋ jemma yea.
14Ahinadaɓ we Iddo - Makanayim.
15Akimaas - Naftali. (Ako laŋ ɓaŋ mǝlaŋ Salomo ma ɗii ne Basemat kan ɓo.)
16Baana we Husai - Asǝr ne Bealot.
17Yusafat we Parua - Isakar.
18Syimai we Ela - sǝr Benyaamin.
19Geber we Uri - sǝr Giliat tǝkine sǝr Sihon goŋ Amorien ne sǝr Og goŋ Basan. Dǝɓ ki no joŋ yeɓ mǝ ah pǝ sǝr Yuda ta.
20Za Yuda ne za Israel daŋ ara pǝpãa tǝgbana tǝkuu zahbii. Ara no ne farelle, tǝkine fazwan daŋ, a laara pǝ'nyahre.
Currently Selected:
1 ZA GOŊE 4: MUAR
Highlight
Share
Compare
Copy
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.
