Zefaniya 2
2
Kushandukila matjinyo
1Shanganani, muzwikubunganye
imwi itjaba tjisina shoni,
2musathu mukatutudzigwa kutjena
se bunye gunowuluka,
kugwadzamoyo kwa Yahwe
kusathu gukadelukila mu muli,
zhuba le bushongola gwa Yahwe
lisathu likamuzhila.
3Shakani Yahwe imwi mose banakuzwiyisa pasi be shango,
imwi munolondolodza ndaulo dzabo.
Shakani ndulamo, shakani kuzwiyisa pasi,
pamwe swiyo mowobakililika,
mu zhuba le bushongola gwa Yahwe.
Sumikilisiwa kwe zwitjaba zwakapoteleka Iziraela
4 #
Isaya 14:29-31; Jeremiya 47:1-7; Ezekiele 25:15-17; Jowele 3:4-8; Amosi 1:6-8; Zakhariya 9:5-7 Ngoti Gaza inowofupatigwa,
Ashikeloni inowothukudzika.
Bathu be Ashidodi banowotatiwa zhuba lili pa thong'omana,
Ekironi inowodzikunugwa.
5Yee mme wee! Mapalala imwi bagali be tjekelo dze gungwa,
imwi ludzi gwe Bakereti!
Dama la Yahwe lobhayana namwi,
iwe Kanana shango ye Bafilisitiya,
ndowokulobesa kudzina kusala kusina ne n'gali wasala.
6Iwe tjekelo dze gungwa, unowobe mafudzilo,
matanga ne thiba dze balisi dzabanong'wisila mbudzi ne pkhwizi dzabo.
7Shango iyeyo inowobe ye malimbelimbe e Juda,
ngono banowofudzila muili,
ng'umba dze Ashekeloni,
banowoizela mudzili madekwana.
Ngoti Yahwe Ndzimu wabo banowobakumbula,
bakabgwiliza kubhudilila kwabo.
8 #
Isaya 15:1—16:14; 25:10-12; Jeremiya 48:1-47; Ezekiele 25:8-11; Amosi 1:13-15;
Jeremiya 49:1-6; Ezekiele 21:28-32; 25:1-7; Amosi 1:13-15 Ndahwa masapa e Moabu
ne madado e Baamoni,
kuti bakasapulanya bathu bangu tjini,
bepembela ngekwe shango yabo.
9 #
Kutangisa 19:24
Ndizo anditjatjila, kojalo Yahwe Masimbawose, Ndzimu we Iziraela,
Moabu unowosala unga Sodoma
ne Baamoni bakanga Gomora,
shango izhele zwishosho ne makomba e mwenyu,
shango yakathukudzika tjatjose.
Limbelimbe le bathu bangu lowobatapa,
batjila be itjaba tjangu banowodzitola.
10Itjetji nditjo tjinowobe gobe labo ngekwe mazwikudzo abo,
ngoti bakasapulanya bakazwikudza
bebhayana ne bathu ba Yahwe Masimbawose.
11Yahwe banobamukila ngekwa kabangalala,
bakatobosa midzimu yabo yose mu shango
ngono zwitjaba zose zwimu tjekelo zowobanamata
bamwe ne bamwe mu shango yabo.
12 #
Isaya 18:1-7
Namwibo Bakhushi,
mowobulawa nge thumo langu.
13 #
Isaya 10:5-34; 14:24-27; Nahumu 1:1—3:19 Banowotambunudza luboko gwabo kubhayana ne baku bunandzwa,
bakalobesa Asiriya.
Banowothama Ninive ikabe dongo
ikakwakwalala se tjilambanyika.
14Matanga anobutha pakati kwayo
zwitjili zose ngothubukana kwazo,
makunda na boshoni zowogala ko.
Hwunda dzowolila dziligele mu mafesitere,
magwada anowobe ali pa itubhu tje nkoba,
makwasayile e misida anowobe pa tjena.
15Iwoyu nzi nkulu unozwikudza, wakabakililika,
wakabe uzwidwa uti, “Ndimi koga, akuna mmwe.”
Watjithukudzika kungapani kene!
Watjibe bugalo gwe phuka dze shango,
mmwe ne mmwe unopinda pauli,
unotjenama kapelegwa nge mate.
Kalanga Bible © Bible Society of Botswana, 2008, 2018.