Zakhariya 4
4
Tjigadziko tje luvone tje golide
1Ngono ntumwa we kudzimu wakabe elebeleka nami kazha kakale kandimusa se nthu unomusiwa mu hwope, 2ngono kati kundili, “Unobonani?” Ashandula nditi, “Ndobona tjigadziko tje luvone tje golide tjina ndilo pezhugwi kwatjo ne mavone ali kutendeka mutjili, luvone gumwe ne gumwe guna milomo ili kutendeka pezhugwi kwago. 3#Zumbunulo 11:4Kakale ndobona miti mibili ye mitoba kubapa ne tjigadziko tje mavone, mmwe nti uli ku luji gwe ndilo mmwe uli ku lumeshwe gwayo.”
Tjeneso ye tjigadziko tje mavone
4Ngono ndakadwa ntumwa we kudzimu wakabe elebeleka nami ati, “Izwezwi zodwani tetshi wangu?” 5Ipapo ntumwa we kudzimu wakabe elebeleka nami kandidabila eti, “Autoziba kuti izwezwi zodwani?” Ndakadabila nditi, “Aa, anditoziba, tetshi wangu.” 6Ipapo kandidwa kati, “Eli i dama la Yahwe kuna Zerubhabeli; Akute kuli ngekwe matatabuko kene ngekwe simba, koga ndingekwe Meya yangu.”
Koleba Yahwe Masimbawose.
7“Apa uni wali iwe dombo gulu le tjidzibilidzi? Mbeli kwa Zerubhabeli unowobe lubala, unowomusa Ng'umba ye Ndzimu ngono kowoti koga ubiga bgwe le bupelo le mbako bathu banowopululudza ngo shatha beti, ‘Makombolelo! Makombolelo ku ili!’ ” 8Pezhugwi kwa ipapo dama la Yahwe likazha kundili liti, 9“Zerubhabeli ndiye wakateya thiwa dze Ng'umba iyeyi nge maboko awe ngono ndiye unowoipeleledza nge maboko awe. Ipapo unowoziba kuti Yahwe Masimbawose ndibo bandituma ku kuli. 10#Ezera 5:2#Zumbunulo 5:6Ngoti iye unolingila pasi zhuba le zwithu zwitukununu unowoshatha ngono unowobona nsungo unotambunudza mu luboko gwa Zerubhabeli.
“Iyahwa mesho ali kutendeka mesho a Yahwe, anoyenda yeno na yeno mu shango yose.” 11#Zumbunulo 11:4Ipapo ndakabhuzwa nditi, “Miti iyeyi ye ntoba iku luji ne ku lumeshwe gwe tjigadziko tje mavone inodwani?” 12Ndakambhuzwa kakale gwe bubili nditi, “Thabi idzedzi mbili dze miti ye mitoba dzimu hwunde ye mathumbu anobhuda mafuta e thoba dzodwani?” 13Wakandishandula eti, “Autoziba kuti izwezwi zwini?” Ndakadabila nditi, “Aa, anditoziba tetshi wangu.” 14Ipapo kabe eti, “Ibaba bazhodziwa babili banoshingila She we shango yose.”
Kalanga Bible © Bible Society of Botswana, 2008, 2018.