Zumbunulo 15
15
Batumwa be kudzimu bakabhata shamu dze bupelo
1Shule abona tjilakidzilo tjimwe kudzimu, tjikulu tjinotjenamisa, batumwa be kudzimu bali kutendeka bana shamu dzili kutendeka dze bupelo, ngobe bushongola gwe Ndzimu gopeleledziwa ndidzo.
2Ngono ndakabona tjimwe tjakabe tjilingika tjinga gungwa gwe halasi lakashanganyiwa ne moto. Ibabo bakunda ngwa ye tjibandana ne tjifano tjatjo ne mbalo ye zina latjo, bali mile pa hwunde ne gungwa gwe halasi bakabhata zwitinkani zwe Ndzimu 3#Kufuluka 15:1Bakamba lumbo gwa Mushe nlanda we Ndzimu ne lumbo gwe Pkhwizana, beti,
“She, Ndzimu Masimbawose!
Mikulu kakale inotjenamisa seni mishingo yenyu.
Mambo we misi!
Zila dzenyu dzakalulwama kakale dzi malebeswa.
4 #
Jeremiya 10:7;
Njimbo 86:9
She, ndiani usingawotja ngono kakudza zina lenyu?
Kana imwi moga ndimwi makayengemala?
Zwitjaba zose zowozha zwikawomunamata,
ngobe mishingo yenyu yakalulwama yakazumbunugwa.”
5 #
Kufuluka 38:21
Shule kwa ikoku ndakalinga abona ng'umba ye nshasha we butendeki kudzimu yakabe yakazhugwa. 6Batumwa be kudzimu bali kutendeka bakabe bakabhata shamu dzili kutendeka, bakabhuda mu ng'umba bakaambala zwiambalo zwibuyanana zwe jila lakanaka linopenya, ngono zwifuba zwabo zwakasungwa nge mimwandabula ye golide. 7Ngono kukati mmwe we zwibumbiwa zwinna zwinotjila, kapa batumwa bali kutendeka ndilo dzili kutendeka dzakathamwa nge golide dzili zhele bushongola gwe Ndzimu unotjila nge kusingapele kose. 8#Kufuluka 40:34; 1 Bomambo 8:10, 11; 2 Zwiyitikalo 5:13, 14; Isaya 6:4Ngono ng'umba ye Ndzimu ikazhala busi gwe gudzo ne gwe simba le Ndzimu, ngono kwakabe kusina ungangina mu ng'umba ye Ndzimu kudzina shamu dzili kutendeka dze batumwa be kudzimu bali kutendeka dzapelela.
Kalanga Bible © Bible Society of Botswana, 2008, 2018.