Zumbunulo 12
12
Nkadzi ne bhophona
1Ngono kukaboneka tjilakidzo tjikulu pezhugwi. Kukaboneka nkadzi, akaambala zhuba, mwedzi uli kusi kwe makumbo awe, mu nsholo uwe kuna tjiala tje bushe tjina nyenyedzi dzili gumi lina nyenyedzi dzili mbili. 2Wakabe akazwisenga, ngono kalila ali mu thumbgwa, ngobe wakabe atjibe pejo ngotshibama.
3 #
Daniyele 7:7
Tjimwe tjilakidzo tjikaboneka kudzimu; kwakaboneka bhophona gulu shaba, lina misholo ili kutendeka ne nyanga dzili gumi, ngono pezhugwi kwe misholo yalo kuna zwialana zwili kutendeka. 4#Daniyele 8:10Mwise walo ukakwebela pasi ngabo ye butatu ye nyenyedzi ukadziligila mu shango. Ngono bhophona lika ma mbeli kwe nkadzi wakabe ali pejo ngotshibama, kuti ndizo lije mwana uwe tjinyolotjo ha ezwagwa. 5#Isaya 66:7; Njimbo 2:9Nkadzi katshibama mwana we tjilisana unowobusa zwitjaba zose nge ikombo tje tshipi, koga mwana wakadzamugwa katolegwa ku Ndzimu ku tjigalo tjitje tje bushe. 6Nkadzi wakatizhila ku tjilambanyika ku bugalo gwaakabiganyidzigwa nge Ndzimu kwaanotjengetiwa mu mazhuba ali tjiwulu tjina mazana mabili ana makumi matathatu (1 260).
7 #
Daniyele 10:13, 21; 12:1; Judi 1:9 Ngwa ikamuka kudzimu. Mikaele ne batumwa babe bakagwa ne bhophona, bhophona likagwabo nabo lina batumwa balo, 8koga bakakundiwa, ngono bakabe basitjina bugalo kudzimu. 9#Kutangisa 3:1; Luke 10:18Ngono bhophona ilelo gulu likalashigwa pasi, ilo nyoka ya ntolo, inodang'wa Dhiabholo kakale kuyi Satani, ntjengeli we shango yose, lakalashigwa pasi mu shango ne batumwa balo bose.
10 #
Jobe 1:9-11; Zakhariya 3:1 Ngono ndakahwa hwi gulu kudzimu liti, “Ngwenu jidzo ne masimba ne bushe gwe Ndzimu wedu ne ndaulo ya Kirisiti zwatjizha, ngobe iye unotilika zwikamu zwedu nlandu walashigwa pasi, iye unobatilika nlandu siku ne sikati mbeli kwe Ndzimu wedu. 11Zwikamu zwedu zwakunda bhophona nge malopa e Pkhwizana ne butendeki gwabo, ngobe abazogumbatila matjilo abo, koga bakabe bakazwimisila lufu. 12Ndizo shathani imwi mu kudzimu, ndodwa imwi mose banogala ikoko, koga shango yapalala ne gungwa gwapalala! Ngoti Satani wazha pasi kumuli alizhele bushongola, ngoti unoziba kuti wasaligwa nge tjibaka tjifutshwanana!”
13Bhophona lakati libona kuti laposegwa pasi mu shango, likatobela nkadzi iwoyo wakabe azwala mwana we tjilisana. 14#Daniyele 7:25; 12:7Koga nkadzi kapiwa mapapilo ali mabili e dzu gulu kuti atizhe bhophona awulukile ku tjilambanyika, kwaanowotjengetegwako makole ali matatu ana gaswa. 15Nyoka iyeyo ikathwa vula inonga gwizi guli zhele, kuti itole nkadzi iwoyo, 16Koga shango ikabhatsha nkadzi iwoyo ikazhula nlomo wayo, ikamidza vula iyeyo yakabe yathwiwa nge bhophona. 17Ipapo bhophona likagwadzila moyo nkadzi iwoyo, liyenda kunogwa ne bakasala be bana babe, ibabo banolondolodza milayo ye Ndzimu, kakale betendeka ngekwa Jesu. 18Bhophona likama mu nsetje umu phili ye gungwa.
Kalanga Bible © Bible Society of Botswana, 2008, 2018.