Njimbo 69
69
Ntembezelo unokumbila bhatsho
1Munditjidze Ndzimu,
ngobe vula yabe pejo ngotola butjilo gwangu.
2Ndophobela mu dope njinji lakangina
akuna pandingamapo.
Ndangina mu vula yakangina,
ndizo nsundila unonditola.
3Ndatjinyadziwa ngolila kwangu;
hwulo dzangu dzakawomelela
mesho angu aatjabona kwazo
ndanyala ngokulindila dabilo, Ndzimu wangu.
4 #
Njimbo 35:19; Johani 15:25 Ibabo banondibenga banji pa mavudzi e nsholo wangu,
koga ndisabati tjimwe;
ibabo banoshaka kundilobesa banjinji,
zwita zwangu zwinonditilika nlandu zwindinyepela.
Apa ndakafanila bgwiliza tjandisakakwiba kene?
5Imwi Ndzimu wangu;
zwithu zwandakatjinya azwizosumbikika mu mesho enyu.
6Musiletjedze ibabo banogalabgwe mu muli
bakabhatisiwa shoni nge kwangu,
imwi She Yahwe, Ndzimu we Mibunga
musiletjedze ibabo banogalabgwe mu muli
bakabhatisiwa shoni nge kwangu,
imwi Ndzimu we Baiziraela.
7Ndi nge kwenyu kuti ndibe ndakadzikitadzila tukwa,
nenge kubhatisiwa shoni.
8Ndatjibe ntaya muna bakanyi kwedu,
ndatjibe nzhi mu bana ba mme yangu.
9 #
Johani 2:17;
Baroma 15:3
Kutukutilila ng'umba yenyu, ndiko kunondija;
masapa a ibabo banomutuka akawila mundili.
10Ndakati ndizwiyisa pasi nge kuzwinyima zojiwa,
bakanditukila kuthama ndiyijalo,
11ndakati ndithama saka tjiambalo tjangu tje tjililo,
ndakashanduka mazapkhwa mubali.
12Pagegwe ntutshi konyeyiwa imi,
kakale balaladzi banothama njimbo nge kwangu.
13Koga imi nge kwangu, ntembezelo wangu
ndowulingisa kumuli, imwi Yahwe.
Mu lubaka gwakafanila, Ndzimu, mu buzhalo
gwe ludo gwenyu gusingazunguzike, mundidabile.
14Nge bhatsho yenyu isingabgwilile shule,
mundibhatshe kuti ndisiphobele mu dope;
thamani kuti ndiangule mu zwita zwangu ne mu vula yakangina.
15Musiletje nsundila ukanditola,
kene kuli kumidziwa nge dziba lakangina,
kene kuli kuvukidzigwa nge gomba.
16Mundidabile Yahwe, ngobe ludo gwenyu
gusingazunguzike gwakalulwama, kuyendidzana
nge bunji gwe ngoni dzenyu mundikumbule.
17Musisumbikile nlanda wenyu buso gwenyu,
ngobe ndodziyidzika kukulu, libilidzilani kundidabila.
18Sedzelani pandili, munditjidze,
mundiangule ngekwe zwita zwangu.
19Moziba masapa andinotukwa,
nenge kubhatisiwa shoni kwangu,
nenge kushayigwa buthu;
zwita zwangu zose mozwiziba.
20Masapa akandigwadzisa moyo, ndatjizwitoboka.
Ndakashaka ungandihwila ngoni, asheta.
21 #
Matewu 27:48; Mako 15:36; Luke 23:26; Johani 19:28, 29 Bakandipa nti unobulaya beti zojiwa,
ndakati ndina nyota bakandipa
nkumbi wakatyorowa kuti nding'we.
22 #
Baroma 11:9, 10 Dzene tafuli yabo ingabe dati ku bali,
ikabe dati linowobhatshila bazwalani babo.
23Mesho abo ngaapofupale kuti ndizo basibone,
mishongoshongo yabo ngayi gale yakagogonyala.
24Mubadile lifushe gwe kugwadzamoyo kwenyu,
kugwadzamoyo kwenyu kunothuta ngakubapise.
25 #
Mishingo 1:20
Dzene magalo abo angabe matongo;
ngakushete unowogala mu mishasha yabo.
26Ngobe banogwadzisa ibabo bamakaloba,
banodwilila bedziyidza ibabo bamakakubadza.
27Paphani shamu yabo nge imwe shamu;
dzene bakasibe nge gobe mu jidzo lenyu.
28 #
Kufuluka 32:32; Zumbunulo 3:5; 13:8; 17:8 Ngababukushiwe mu lukwalo gwe banotjila;
ngabasikwagwe pang'ompela ne balulwami.
29Koga imi ndakazwiyisa pasi
kakale ndimukuhwa zogwadza,
dzene jidzo lenyu Ndzimu, lingandivikilila.
30Ndowokudza zina le Ndzimu ne lumbo;
ndowokudza Ndzimu nge kumboka.
31Oku kowoshathisa Yahwe kupinda tjipo tje ngabe
kene uli nkono una manyanga ne thozo.
32Bakatshambilidziwa ngabakubone ikoku bashathe;
imwi munoshaka Ndzimu, mimoyo yenyu ngayimuke.
33Ngobe Yahwe banohwa mitembezelo ye basheti,
kakale abatolengudza bathu babo bamu busungwa
34kudzimu ne shango ngazwikudze She,
gungwa gumwe ne gumwe
nenge tjimwe ne tjimwe itjili tjimuali ngazwikudze She.
35Ndzimu unowotjidza Ziyoni
kakale unowomusa mizi mikulu ye Juda;
nenge balanda bawo banowogala imomo
bakayizwitolegwa iyeyo mizi;
36bana be balanda be Ndzimu banowozwitolegwa mizi iyeyo,
na ibabo banoda zina lawo banowogala mu mizi iyeyo.
Kalanga Bible © Bible Society of Botswana, 2008, 2018.