Njimbo 129
129
Ntembezelo we mbakililo
1“Tjinga kwabakandigwisa kudwa mu butjetjana gwangu.”
Iziraela ngaalebeleke ati,
2“Tjinga kwabakandigwisa kudwa mu butjetjana gwangu,
nenguba kwakajalo abathu bakandikunda.
3Balimi bakandipalula kushule se bulime,
bakathama foro dzabo dzikabe ndefundefu.”
4Yahwe bakalulwama,
bakathubula mitjili ye babi.
5Dzene bose banobenga Ziyoni
bangabhatisiwa shoni bakashandusigwa shule.
6Ngabange bushwa gunomela ku zwilungwani zwe ng'umba,
gunoswaba gusathu gukakula,
7gusingazhale tjiazha tje mmwayi
ne basungi abatothama fukatigwa mu maboko abo,
8bapindi pabasingake bakalebeleka beti,
“Dothodzo la Yahwe ngalibe mu muli!
Tomutothodza nge zina la Yahwe!”
Kalanga Bible © Bible Society of Botswana, 2008, 2018.