Mbalo 7
7
Zwibhayilo zwe batungamili
1Kukati mu zhuba Mushe laakawidza kubambula bugalo gwe Ndzimu ndilo, aguzhodza kakale agukombolela alonga zwinogala mu guli zose, azhodza kakale akombolela tjibeso tjinopisigwa zwibhayilo, abiga zwija zwatjo zose mutjili, 2ndizo batungamili be Iziraela, misholo ye ng'umba dza botate babo, batungamili be njudzi bakabe bakabigwa kulaula bakabagwa, 3bakayisa zwibhayilo zwabo mbeli kwa Yahwe, koloyi dzakafumikwa dzili tathatu ne mangabe ali gumi lina mabili, koloyi yakashanganyigwa ne batungamili babili, ntungamili nng'ompela edusa ngabe ing'ompela, bakadziyisa mbeli kwe bugalo gwe Ndzimu. 4Ndizo Yahwe bakadwa Mushe bakati, 5“Amutjila zwipo izwezwi mubali, kuti zwishingisiwe mu nshingo we nshasha we bushanganilo, uzwipe Balevi, mmwe ne mmwe kuyenda nge nshingo uwe.” 6Ndizo Mushe katola koloyi ne mangabe kazwipa Balevi. 7Koloyi mbili ne mangabe ali manna kaapa bakololo ba Geshoni kuyendidzana ne nshingo wabo. 8Koloyi dzili nna ne mangabe ali zhanakadzi kadzipa bakololo ba Merari, kuyendidzana nge nshingo wabo, bali pasi kwe ndaulo ya Ithamari nkololo we mpirisiti Aroni. 9Koga bakololo ba Kohati kasibape tjimwe, ngobe bakabe bakalingisana ngotjengeta zwithu zwakayengemala zwakabe zwakafanila sengwa nge mathudzi. 10Batungamili bakadusila tjibeso tjinopisigwa zwibhayilo mu zhuba lakabe tjibeso tjinopisigwa zwibhayilo tjizhodziwa, ngono zwibhayilo zwabo bakazwiyisa mbeli kwe tjibeso tjinopisigwa zwibhayilo. 11Yahwe bakadwa Mushe bakati, “Batungamili baduse zwibhayilo zwabo, nge zhuba, mmwe ne mmwe eyisila tjibhayilo tjitje kuzhudziwa kwe tjibeso tjinopisigwa zwibhayilo.”
12Wakayisa tjibhayilo tjitje mu zhuba le kutanga ndi Nashoni nkololo wa Aminadabu we ludzi gwa Juda; 13tjipo tjitje kwakabe kuli ndilo ye siliva ing'ompela ye bulemo gwe shekele dzili zana lina makumi matatu (130), ne ikutili tje siliva tjing'ompela tje bulemo gwe shekele dzili makumi ali kutendeka (70) kuyenda nge shekele dze bugalo gwakayengemala. Zose nge bubili zwili zhele bgwisa gwakanathiwa gwakashanganyiwa ne mafuta gwe tjipo tje mathunde; 14ne ndilo ye golide ye bulemo gwe shekele dzili gumi ilizhele motsha; 15ne nkong'wana ung'ompela ne nyundo ne pkhwizana ndume ing'ompela ina gole zwe tjibhayilo tjinopisiwa; 16ne phoko ing'ompela ye tjibhayilo tje tjibi; 17ne tjibhayilo tje mbakisano ali mangabe mabili ne nyundo dzili shanu ne phoko dzili shanu ne pkhwizana ndume dze gole ling'ompela dzili shanu. Izwezwi ndizo zwipo zwa Nahishoni nkololo wa Aminadabu.
18Mu zhuba le bubili ndi Nethanele nkololo wa Zuari, ntungamili we ludzi gwa Isakari; 19tjipo tjitje kwakabe kuli ndilo ing'ompela ye bulemo gwe shekele dzili zana lina makumi matatu (130), ne ikutili tje siliva tjing'ompela tje bulemo gwe shekele dzili makumi ali kutendeka (70), kuyenda nge shekele dze bugalo gwakayengemala, bubili gwadzo dzilizhele bgwisa gwakanathiwa gwakashanganyiwa ne mafuta gwe tjipo tje mathunde; 20ne ndilo ye golide ye bulemo gwe shekele dzili gumi ilizhele motsha; 21ne nkong'wana ung'ompela ne nyundo ne pkhwizana ndume ing'ompela ina gole zwe tjibhayilo tjinopisiwa; 22ne phoko ing'ompela ye tjibhayilo tje tjibi; 23ne tjibhayilo tje mbakisano ali mangabe mabili ne nyundo dzili shanu ne phoko dzili shanu ne pkhwizana ndume dze gole ling'ompela dzili shanu. Ezwi ndizo zwipo zwa Nethanele nkololo wa Zuari.
24Mu zhuba le butatu ndi Eliabu nkololo wa Heloni ntungamili we ludzi gwa Zebuluni; 25tjipo tjitje kwakabe kuli ndilo ing'ompela ye bulemo gwe shekele dzili zana lina makumi matatu (130), ne ikutili tje siliva tjing'ompela tje bulemo gwe shekele dzili makumi ali kutendeka (70), kuyenda nge shekele dze bugalo gwakayengemala, bubili gwadzo dzilizhele bgwisa gwakanathiwa gwakashanganyiwa ne mafuta gwe tjipo tje mathunde; 26ne ndilo ye golide ye bulemo gwe shekele dzili gumi ilizhele motsha; 27ne nkong'wana ung'ompela ne nyundo ne pkhwizana ndume ing'ompela ina gole zwe tjibhayilo tjinopisiwa; 28ne phoko ing'ompela ye tjibhayilo tje tjibi; 29ne tjibhayilo tje mbakisano ali mangabe mabili ne nyundo dzili shanu ne phoko dzili shanu ne pkhwizana ndume dze gole ling'ompela dzili shanu. Ezwi ndizo zwipo zwa Eliabu nkololo wa Heloni.
30Mu zhuba le bunna ndi Elizuri nkololo wa Shedeuri ntungamili we ludzi gwa Rubheni; 31tjipo tjitje kwakabe kuli ndilo ing'ompela ye bulemo gwe shekele dzili zana lina makumi matatu (130), ne ikutili tje siliva tjing'ompela tje bulemo gwe shekele dzili makumi ali kutendeka (70), kuyenda nge shekele dze bugalo gwakayengemala, bubili gwadzo dzilizhele bgwisa gwakanathiwa gwakashanganyiwa ne mafuta gwe tjipo tje mathunde; 32ne ndilo ye golide ye bulemo gwe shekele dzili gumi ilizhele motsha; 33ne nkong'wana ung'ompela ne nyundo ne pkhwizana ndume ing'ompela ina gole zwe tjibhayilo tjinopisiwa; 34ne phoko ing'ompela ye tjibhayilo tje tjibi; 35ne tjibhayilo tje mbakisano ali mangabe mabili ne nyundo dzili shanu ne phoko dzili shanu ne pkhwizana ndume dze gole ling'ompela dzili shanu. Ezwi ndizo zwipo zwa Elizuri nkololo wa Shedeuri.
36Mu zhuba le bushanu ndi Shelumiele nkololo wa Zurishadayi ntungamili we ludzi gwa Simiyoni; 37tjipo tjitje kwakabe kuli ndilo ing'ompela ye bulemo gwe shekele dzili zana lina makumi matatu (130), ne ikutili tje siliva tjing'ompela tje bulemo gwe shekele dzili makumi ali kutendeka (70), kuyenda nge shekele dze bugalo gwakayengemala, bubili gwadzo dzilizhele bgwisa gwakanathiwa gwakashanganyiwa ne mafuta gwe tjipo tje mathunde; 38ne ndilo ye golide ye bulemo gwe shekele dzili gumi ilizhele motsha; 39ne nkong'wana ung'ompela ne nyundo ne pkhwizana ndume ing'ompela ina gole zwe tjibhayilo tjinopisiwa; 40ne phoko ing'ompela ye tjibhayilo tje tjibi; 41ne tjibhayilo tje mbakisano ali mangabe mabili ne nyundo dzili shanu ne phoko dzili shanu ne pkhwizana ndume dze gole ling'ompela dzili shanu. Ezwi ndizo zwipo zwa Shelumieli nkololo wa Zurishadayi.
42Mu zhuba le butathatu ndi Eliyasafu nkololo wa Deuele ntungamili we ludzi gwa Gadi; 43tjipo tjitje kwakabe kuli ndilo ing'ompela ye bulemo gwe shekele dzili zana lina makumi matatu (130), ne ikutili tje siliva tjing'ompela tje bulemo gwe shekele dzili makumi ali kutendeka (70), kuyenda nge shekele dze bugalo gwakayengemala, bubili gwadzo dzilizhele bgwisa gwakanathiwa gwakashanganyiwa ne mafuta gwe tjipo tje mathunde; 44ne ndilo ye golide ye bulemo gwe shekele dzili gumi ilizhele motsha; 45ne nkong'wana ung'ompela ne nyundo ne pkhwizana ndume ing'ompela ina gole zwe tjibhayilo tjinopisiwa; 46ne phoko ing'ompela ye tjibhayilo tje tjibi; 47ne tjibhayilo tje mbakisano ali mangabe mabili ne nyundo dzili shanu ne phoko dzili shanu ne pkhwizana ndume dze gole ling'ompela dzili shanu. Ezwi ndizo zwipo zwa Eliyasafu nkololo wa Deuele.
48Mu zhuba le butendeka ndi Elishama nkololo wa Amihudi ntungamili we ludzi gwa Ifureimi; 49tjipo tjitje kwakabe kuli ndilo ing'ompela ye bulemo gwe shekele dzili zana lina makumi matatu (130), ne ikutili tje siliva tjing'ompela tje bulemo gwe shekele dzili makumi ali kutendeka (70), kuyenda nge shekele dze bugalo gwakayengemala, bubili gwadzo dzilizhele bgwisa gwakanathiwa gwakashanganyiwa ne mafuta gwe tjipo tje mathunde; 50ne ndilo ye golide ye bulemo gwe shekele dzili gumi ilizhele motsha; 51ne nkong'wana ung'ompela ne nyundo ne pkhwizana ndume ing'ompela ina gole zwe tjibhayilo tjinopisiwa; 52ne phoko ing'ompela ye tjibhayilo tje tjibi; 53ne tjibhayilo tje mbakisano ali mangabe mabili ne nyundo dzili shanu ne phoko dzili shanu ne pkhwizana ndume dze gole ling'ompela dzili shanu. Ezwi ndizo zwipo zwa Elishama nkololo wa Amihudi.
54Mu zhuba le buzhanakadzi ndi Gamalieli nkololo wa Phedazuri ntungamili we ludzi gwa Manase; 55tjipo tjitje kwakabe kuli ndilo ing'ompela ye bulemo gwe shekele dzili zana lina makumi matatu (130), ne ikutili tje siliva tjing'ompela tje bulemo gwe shekele dzili makumi ali kutendeka (70), kuyenda nge shekele dze bugalo gwakayengemala, bubili gwadzo dzilizhele bgwisa gwakanathiwa gwakashanganyiwa ne mafuta gwe tjipo tje mathunde; 56ne ndilo ye golide ye bulemo gwe shekele dzili gumi ilizhele motsha; 57ne nkong'wana ung'ompela ne nyundo ne pkhwizana ndume ing'ompela ina gole zwe tjibhayilo tjinopisiwa; 58ne phoko ing'ompela ye tjibhayilo tje tjibi; 59ne tjibhayilo tje mbakisano ali mangabe mabili ne nyundo dzili shanu ne phoko dzili shanu ne pkhwizana ndume dze gole ling'ompela dzili shanu. Ezwi ndizo zwipo zwa Gamalieli nkololo wa Phedazuri.
60Mu zhuba le buzhanalume ndi Abidani nkololo wa Gidiyoni ntungamili we ludzi gwa Bhenjamini; 61tjipo tjitje kwakabe kuli ndilo ing'ompela ye bulemo gwe shekele dzili zana lina makumi matatu (130), ne ikutili tje siliva tjing'ompela tje bulemo gwe shekele dzili makumi ali kutendeka (70), kuyenda nge shekele dze bugalo gwakayengemala, bubili gwadzo dzilizhele bgwisa gwakanathiwa gwakashanganyiwa ne mafuta gwe tjipo tje mathunde; 62ne ndilo ye golide ye bulemo gwe shekele dzili gumi ilizhele motsha; 63ne nkong'wana ung'ompela ne nyundo ne pkhwizana ndume ing'ompela ina gole zwe tjibhayilo tjinopisiwa; 64ne phoko ing'ompela ye tjibhayilo tje tjibi; 65ne tjibhayilo tje mbakisano ali mangabe mabili ne nyundo dzili shanu ne phoko dzili shanu ne pkhwizana ndume dze gole ling'ompela dzili shanu. Ezwi ndizo zwipo zwa Abidani nkololo wa Gidiyoni.
66Mu zhuba le bugumi ndi Ahieza nkololo wa Amishadai ntungamili we ludzi gwa Dani; 67tjipo tjitje kwakabe kuli ndilo ing'ompela ye bulemo gwe shekele dzili zana lina makumi matatu (130), ne ikutili tje siliva tjing'ompela tje bulemo gwe shekele dzili makumi ali kutendeka (70), kuyenda nge shekele dze bugalo gwakayengemala, bubili gwadzo dzilizhele bgwisa gwakanathiwa gwakashanganyiwa ne mafuta gwe tjipo tje mathunde; 68ne ndilo ye golide ye bulemo gwe shekele dzili gumi ilizhele motsha; 69ne nkong'wana ung'ompela ne nyundo ne pkhwizana ndume ing'ompela ina gole zwe tjibhayilo tjinopisiwa; 70ne phoko ing'ompela ye tjibhayilo tje tjibi; 71ne tjibhayilo tje mbakisano ali mangabe mabili ne nyundo dzili shanu ne phoko dzili shanu ne pkhwizana ndume dze gole ling'ompela dzili shanu. Ezwi ndizo zwipo zwa Ahieza nkololo wa Amishadai.
72Mu zhuba le bugumi lina ling'ompela ndi Pagiele nkololo wa Okirani ntungamili we ludzi gwa Asheri; 73tjipo tjitje kwakabekuli ndilo ing'ompela ye bulemo gwe shekele dzili zana lina makumi matatu (130), ne ikutili tje siliva tjing'ompela tje bulemo gwe shekele dzili makumi ali kutendeka (70), kuyenda nge shekele dze bugalo gwakayengemala, bubili gwadzo dzilizhele bgwisa gwakanathiwa gwakashanganyiwa ne mafuta gwe tjipo tje mathunde; 74ne ndilo ye golide ye bulemo gwe shekele dzili gumi ilizhele motsha; 75ne nkong'wana ung'ompela ne nyundo ne pkhwizana ndume ing'ompela ina gole zwe tjibhayilo tjinopisiwa; 76ne phoko ing'ompela ye tjibhayilo tje tjibi; 77ne tjibhayilo tje mbakisano ali mangabe mabili ne nyundo dzili shanu ne phoko dzili shanu ne pkhwizana ndume dze gole ling'ompela dzili shanu. Ezwi ndizo zwipo zwa Pagiele nkololo wa Okirani.
78Mu zhuba le bugumi lina mabili ndi Ahira nkololo wa Enani ntungamili we ludzi gwa Nafutali; 79tjipo tjitje kwakabe kuli ndilo ing'ompela ye bulemo gwe shekele dzili zana lina makumi matatu (130), ne ikutili tje siliva tjing'ompela tje bulemo gwe shekele dzili makumi ali kutendeka (70), kuyenda nge shekele dze bugalo gwakayengemala, bubili gwadzo dzilizhele bgwisa gwakanathiwa gwakashanganyiwa ne mafuta gwe tjipo tje mathunde; 80ne ndilo ye golide ye bulemo gwe shekele dzili gumi ilizhele motsha; 81ne nkong'wana ung'ompela ne nyundo ne pkhwizana ndume ing'ompela ina gole zwe tjibhayilo tjinopisiwa; 82ne phoko ing'ompela ye tjibhayilo tje tjibi; 83ne tjibhayilo tje mbakisano ali mangabe mabili ne nyundo dzili shanu ne phoko dzili shanu ne pkhwizana ndume dze gole ling'ompela dzili shanu. Ezwi ndizo zwipo zwa Ahira nkololo wa Enani.
84Ndizo zwipo zwakadusiwa nge batungamili be Iziraela mu zhuba lakabe lizhodziwa tjibeso tjinopisigwa zwibhayilo: Ndilo dze siliva dzili gumi lina mbili (12), ne zwikutili zwe siliva zwili gumi lina mbili (12) ne ndilo hwulu dze golide dzili gumi lina mbili (12). 85Ndilo imwe ne imwe ye siliva yakabe ili ye bulemo gwe shekele dzili zana ling'ompela lina makumi matatu (130) ne ikutili tjimwe ne tjimwe tjili makumi ali kutendeka (70), zwija zose zwe siliva zwakabe zwili shekele dzili zwiwulu zwibili zwina mazana manna kuyendidzana nge shekele dze bugalo gwakayengemala. 86Ndigwana dzinopisila motsha dze golide dzili gumi lina mbili, dzili zhele motsha, bulemo gwe imwe ne imwe guli shekele dzili gumi kuyendidzana ne shekele dze bugalo gwakayengemala, ndigwana dzinopisila motsha dzose dze golide dzakabe dzili bulemo gwe shekele dzili zana lina makumi mabili (120); 87Zwithuwo zose zwe tjibhayilo tjinopisiwa kwakabe kuli mikono ili gumi lina mbili, ne nyundo dzili gumi lina mbili ne pkhwizana ndume dzina gole ling'ompela dzili gumi lina mbili zwakapelekwa nge tjipo tjadzo tje mathunde ne mbudzi dze phoko dzili gumi lina mbili dze tjibhayilo tje tjibi; 88Zwithuwo zose zwakadusigwa tjipo tje tjibhayilo tje mbakisano yakabe mikono ili makumi mabili ana ili minna (24) ne nyundo dzili makumi ali tathatu (60) ne mbudzi dze phoko dzili makumi ali tathatu (60) ne pkhwizana ndume dze gole ling'ompela dzili makumi ali tathatu (60). Tjakabe itjo tjipo tje tjibeso tjinopisigwa zwibhayilo, shule kwe tjazhodziwa. 89Kukati Mushe engina mu nshasha we bushanganilo kunolebeleka na Yahwe, kahwa hwi lilebeleka naye lidwa pezhugwi kwe tjigalo tje ngoni tjakabe tjili pezhugwi kwe bhokisi le butendeki, lidwa pakati kwe dzikherubhu mbili; ngono likalebeleka naye.
Currently Selected:
Mbalo 7: KBTP
Highlight
Share
Compare
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
