Matewu 25
25
Tjifaniso tje baanadi bali gumi
1 #
Luke 12:35
“Ndizo bushe gwe kudzimu gofanana ne baanadi bali gumi bakatola mavone abo bakabhuda kunoshanganidza nkwasha. 2Bashanu mubali bakabe bali zwilengwe, koga bashanu bakatjenjela. 3Bezwilengwe bakati betola abo mavone bakasisenge mafuta. 4Bakatjenjela bakasenga mavone abo kose ne mafuta ali mu zwikuyu. 5Nkwasha wakanonoka kuzha, ndizo bose bakatshumwaila bakayizela.
6“Kwakati pakati kwe busiku mima ikahwika iti, ‘Bonani nkwasha hwoyu! Bhudani munshanganidze!’ 7Ipapo baanadi ibabo bose bakamuka bakalulwamisa mavone abo. 8Bezwilengwe bakati kuna bakatjenjela, ‘Mutipenibo mafuta enyu, ngobe mavone edu anodzima.’ 9Bakatjenjela bakadabila beti, ‘Aa, aangalizane iswi kose namwi. Mungayenda ku batengesi mukazwitengegwa enyu.’ 10Bakati batjimu zila benotenga mafuta, nkwasha kaswika. Baanadi bakabe bakazwilulwamisa bakangina naye mu nzano we ndobolo, nkoba ukazhaligwa.
11 #
Luke 13:25
“Shule kwe tjibaka bezwilengwe bakabuya bakati, ‘She! She! Mutizhulile!’ 12She kashandula eti, ‘Ndolebesa ndoti, anditomuziba.’ ”
13Ndizo Jesu kati, “Galani makalindila, ngobe amutoziba nsi ne tjibaka.
Tjifaniso tje balanda batatu
(Luke 19:11-27)
14 #
Luke 19:11-27
“Kakale, bushe gwe kudzimu gowofanana ne nthu unoyenda gwendo, kadana balanda babe kabakobanya thundu iye kuitjengeta. 15Wakapa mmwe talenta dzili shanu, mmwe kampa dzili mbili, mmwe kampa ili ing'ompela, mmwe ne mmwe epiwa kwakalizana kutubula kukwe. Ipapo kayenda gwendo gugwe. 16Ngono tjinyolotjo, wakapiwa talenta dzili shanu kayenda kanoshaba ndidzo, dzikambuzila dzimwe talenta dzili shanu. 17Sa ikoko na iyebo una talenta mbili kawana mbili kwadzo. 18Koga iye wakaamutjila talenta ing'ompela kayenda kanotsha gomba kasumbika mari a tetshi uwe mulili.
19“Shule kwe tjibaka tjilefu tetshi we balanda ibabo kabuya kuwolulwamisa zwikoloto nabo. 20Nlume wakabe apiwa talenta shanu kazhisa dzimwe shanu eti, ‘Tetshi, makandipa talenta dzili shanu. Bonani, ndakashaba abuyigwa nge dzimwe shanu.’ 21Tetshi uwe kadabila eti, ‘Wakayita zubuyanana, u nlanda wakalulwama kakale unogalikabgwe! Wakabe ne kugagwabgwe mu zwithu zwitukununu; ndowokubiga ntjengeti we zwithu zwikulu. Izha ushathe na tetshi uwo.’
22“Nlume una talenta dzili mbili na iyebo kazha kati, ‘Tetshi, makandipa talenta mbili; bonani ndakashaba abuyigwa nge dzili mbili kakale.’ 23Tetshi uwe kadabila eti, ‘Wakayita zubuyanana, u nlanda wakalulwama kakale unogalikabgwe! Wakabe ne kugalikabgwe mu zwithu zwishomanana; ndowokubiga ntjengeti we zwithu zwangu zwinjinji. Izha ushathe na tetshi uwo!’
24“Ipapo nlume wakabe apiwa talenta ing'ompela kazha, ngono kati kunli, ‘Tetshi, ndoziba kuti mu nthu nkukutu, movuna pamusakadzwala, mukawolela pamusakawulusa. 25Ndakabe nditja, ndizo ayenda anosumbika talenta yenyu mu mavu. Bonani, kwenyu woku.’
26“Tetshi uwe kadabila eti, ‘Nlanda mbi we simbe ndiwe! Wakabe uzibazo kuti ndovuna pandisakadzwala, awolela pandisakawulusila? 27Ndizo unobe wakayisa mari angu ku babiganyi be mari, ndobe ndakati ndibuya aamutjila kwangu kwazwala. 28Muntolele talenta iye muipe una talenta dzili gumi. 29#Matewu 13:12; Mako 4:25; Luke 8:18Ngobe iye una tjaanatjo unowopaphidzigwa, ndizo unowobe ne kunjinji nge buzhalo. Koga iye usina ne tjitukununu tjaanatjo unowotjitolegwa. 30#Matewu 8:12; 22:13; Luke 13:28Mumposele kuzhe mu zhalima, nlanda iwoyu usina nshingo; ikoko kowobe yapo kulila ne kulobanya meno.’
Kusumikilisiwa kwe bupelo
31 #
Matewu 16:27;
Matewu 19:28
“Kowoti Nkololo we Nthu ezha nge gudzo lile ne batumwa be kudzimu bose ba naye, unowogala mu tjigalo tjitje tje bushe tjinokudziwa. 32Njudzi dzose dzowokubunganyigwa mbeli kukwe, ngono unowothubukanya bathu se nlisi ethewula pkhwizi mu mbudzi. 33Unowoyisa pkhwizi ku luboko gwe luji, kayisa mbudzi kuna gwe lumeshwe. 34Ipapo mambo unowoti kuna ba ku luji, ‘Izhani imwi bakakombolegwa ndi Tate bangu; amutjilani bushe gwamakabiganyidzigwa kudwa mu kuteyiwa kwe shango; 35ngobe ndakati ndina zhala mukandipa zojiwa, ndikati ndina nyota mukandipa tjinong'wiwa, ndikati ndili mwezi mukandiamutjila. 36Ndakati ndiyenda mbujo mukandiambadza, ndikati ndigwala mukandishola, ndikati ndili mu ng'umba ye busungwa mukandishola.’
37“Ipapo balulwami banowondabila beti, ‘She, iswi takamubona lini muna zhala tikamupa zojiwa, kene muna nyota tikamupa tjinong'wiwa? 38Takamubona lini muli mwezi tikamuamutjila, kene musina zwiambalo tikamuambadza kene? 39Takamubona lini mugwala, kene muli mu ng'umba ye busungwa tikamushola?’ 40Mambo banowobashandula beti, ‘Ndolebesa nditi, itjo tjamakayitila mmwe ntukununu wa izwezwi zwikamu zwangu makatjiyitila imi.’
41“Ipapo unowoti kuna baku lumeshwe gugwe, ‘Idwani pandili imwi makalongwa bhiso, muyende ku moto usingadzimwe wakabiganyidzigwa Satani ne batumwa babe. 42Ndakati ndina zhala mukasindipe zojiwa, ndikati ndina nyota mukasindipe tjinong'wiwa. 43Ndakati ndili mwezi mukasindiamutjile. Ndakati ndisina zwiambalo mukasindimbadze, ndikati ndigwala kakale ndili mu ng'umba ye busungwa mukasindishole.’
44“Na ibabo banowobhuzwa beti, ‘She, takamubona lini muna zhala kene muna nyota kene muli mwezi kene musina zwiambalo kene mugwala kene muli mu ng'umba ye busungwa, koga tikasimubhatshe?’ 45Unowoshandula eti, ‘Ndolebesa ndoti, tjamusakayitila mmwe wa ibaba batukununu, amuzotjiyitila imi.’ 46#Daniyele 12:2Ipapo banowoyenda ku shamu isingapele, koga balulwami ku butjilo gusingapele.”
Currently Selected:
Matewu 25: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
Matewu 25
25
Tjifaniso tje baanadi bali gumi
1 #
Luke 12:35
“Ndizo bushe gwe kudzimu gofanana ne baanadi bali gumi bakatola mavone abo bakabhuda kunoshanganidza nkwasha. 2Bashanu mubali bakabe bali zwilengwe, koga bashanu bakatjenjela. 3Bezwilengwe bakati betola abo mavone bakasisenge mafuta. 4Bakatjenjela bakasenga mavone abo kose ne mafuta ali mu zwikuyu. 5Nkwasha wakanonoka kuzha, ndizo bose bakatshumwaila bakayizela.
6“Kwakati pakati kwe busiku mima ikahwika iti, ‘Bonani nkwasha hwoyu! Bhudani munshanganidze!’ 7Ipapo baanadi ibabo bose bakamuka bakalulwamisa mavone abo. 8Bezwilengwe bakati kuna bakatjenjela, ‘Mutipenibo mafuta enyu, ngobe mavone edu anodzima.’ 9Bakatjenjela bakadabila beti, ‘Aa, aangalizane iswi kose namwi. Mungayenda ku batengesi mukazwitengegwa enyu.’ 10Bakati batjimu zila benotenga mafuta, nkwasha kaswika. Baanadi bakabe bakazwilulwamisa bakangina naye mu nzano we ndobolo, nkoba ukazhaligwa.
11 #
Luke 13:25
“Shule kwe tjibaka bezwilengwe bakabuya bakati, ‘She! She! Mutizhulile!’ 12She kashandula eti, ‘Ndolebesa ndoti, anditomuziba.’ ”
13Ndizo Jesu kati, “Galani makalindila, ngobe amutoziba nsi ne tjibaka.
Tjifaniso tje balanda batatu
(Luke 19:11-27)
14 #
Luke 19:11-27
“Kakale, bushe gwe kudzimu gowofanana ne nthu unoyenda gwendo, kadana balanda babe kabakobanya thundu iye kuitjengeta. 15Wakapa mmwe talenta dzili shanu, mmwe kampa dzili mbili, mmwe kampa ili ing'ompela, mmwe ne mmwe epiwa kwakalizana kutubula kukwe. Ipapo kayenda gwendo gugwe. 16Ngono tjinyolotjo, wakapiwa talenta dzili shanu kayenda kanoshaba ndidzo, dzikambuzila dzimwe talenta dzili shanu. 17Sa ikoko na iyebo una talenta mbili kawana mbili kwadzo. 18Koga iye wakaamutjila talenta ing'ompela kayenda kanotsha gomba kasumbika mari a tetshi uwe mulili.
19“Shule kwe tjibaka tjilefu tetshi we balanda ibabo kabuya kuwolulwamisa zwikoloto nabo. 20Nlume wakabe apiwa talenta shanu kazhisa dzimwe shanu eti, ‘Tetshi, makandipa talenta dzili shanu. Bonani, ndakashaba abuyigwa nge dzimwe shanu.’ 21Tetshi uwe kadabila eti, ‘Wakayita zubuyanana, u nlanda wakalulwama kakale unogalikabgwe! Wakabe ne kugagwabgwe mu zwithu zwitukununu; ndowokubiga ntjengeti we zwithu zwikulu. Izha ushathe na tetshi uwo.’
22“Nlume una talenta dzili mbili na iyebo kazha kati, ‘Tetshi, makandipa talenta mbili; bonani ndakashaba abuyigwa nge dzili mbili kakale.’ 23Tetshi uwe kadabila eti, ‘Wakayita zubuyanana, u nlanda wakalulwama kakale unogalikabgwe! Wakabe ne kugalikabgwe mu zwithu zwishomanana; ndowokubiga ntjengeti we zwithu zwangu zwinjinji. Izha ushathe na tetshi uwo!’
24“Ipapo nlume wakabe apiwa talenta ing'ompela kazha, ngono kati kunli, ‘Tetshi, ndoziba kuti mu nthu nkukutu, movuna pamusakadzwala, mukawolela pamusakawulusa. 25Ndakabe nditja, ndizo ayenda anosumbika talenta yenyu mu mavu. Bonani, kwenyu woku.’
26“Tetshi uwe kadabila eti, ‘Nlanda mbi we simbe ndiwe! Wakabe uzibazo kuti ndovuna pandisakadzwala, awolela pandisakawulusila? 27Ndizo unobe wakayisa mari angu ku babiganyi be mari, ndobe ndakati ndibuya aamutjila kwangu kwazwala. 28Muntolele talenta iye muipe una talenta dzili gumi. 29#Matewu 13:12; Mako 4:25; Luke 8:18Ngobe iye una tjaanatjo unowopaphidzigwa, ndizo unowobe ne kunjinji nge buzhalo. Koga iye usina ne tjitukununu tjaanatjo unowotjitolegwa. 30#Matewu 8:12; 22:13; Luke 13:28Mumposele kuzhe mu zhalima, nlanda iwoyu usina nshingo; ikoko kowobe yapo kulila ne kulobanya meno.’
Kusumikilisiwa kwe bupelo
31 #
Matewu 16:27;
Matewu 19:28
“Kowoti Nkololo we Nthu ezha nge gudzo lile ne batumwa be kudzimu bose ba naye, unowogala mu tjigalo tjitje tje bushe tjinokudziwa. 32Njudzi dzose dzowokubunganyigwa mbeli kukwe, ngono unowothubukanya bathu se nlisi ethewula pkhwizi mu mbudzi. 33Unowoyisa pkhwizi ku luboko gwe luji, kayisa mbudzi kuna gwe lumeshwe. 34Ipapo mambo unowoti kuna ba ku luji, ‘Izhani imwi bakakombolegwa ndi Tate bangu; amutjilani bushe gwamakabiganyidzigwa kudwa mu kuteyiwa kwe shango; 35ngobe ndakati ndina zhala mukandipa zojiwa, ndikati ndina nyota mukandipa tjinong'wiwa, ndikati ndili mwezi mukandiamutjila. 36Ndakati ndiyenda mbujo mukandiambadza, ndikati ndigwala mukandishola, ndikati ndili mu ng'umba ye busungwa mukandishola.’
37“Ipapo balulwami banowondabila beti, ‘She, iswi takamubona lini muna zhala tikamupa zojiwa, kene muna nyota tikamupa tjinong'wiwa? 38Takamubona lini muli mwezi tikamuamutjila, kene musina zwiambalo tikamuambadza kene? 39Takamubona lini mugwala, kene muli mu ng'umba ye busungwa tikamushola?’ 40Mambo banowobashandula beti, ‘Ndolebesa nditi, itjo tjamakayitila mmwe ntukununu wa izwezwi zwikamu zwangu makatjiyitila imi.’
41“Ipapo unowoti kuna baku lumeshwe gugwe, ‘Idwani pandili imwi makalongwa bhiso, muyende ku moto usingadzimwe wakabiganyidzigwa Satani ne batumwa babe. 42Ndakati ndina zhala mukasindipe zojiwa, ndikati ndina nyota mukasindipe tjinong'wiwa. 43Ndakati ndili mwezi mukasindiamutjile. Ndakati ndisina zwiambalo mukasindimbadze, ndikati ndigwala kakale ndili mu ng'umba ye busungwa mukasindishole.’
44“Na ibabo banowobhuzwa beti, ‘She, takamubona lini muna zhala kene muna nyota kene muli mwezi kene musina zwiambalo kene mugwala kene muli mu ng'umba ye busungwa, koga tikasimubhatshe?’ 45Unowoshandula eti, ‘Ndolebesa ndoti, tjamusakayitila mmwe wa ibaba batukununu, amuzotjiyitila imi.’ 46#Daniyele 12:2Ipapo banowoyenda ku shamu isingapele, koga balulwami ku butjilo gusingapele.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.