Matewu 24
24
Kukolomogwa kwe Ng'umba ye Ndzimu
(Mako 13:1-2; Luke 21:5-6)
1Jesu kabhuda mu Ng'umba ye Ndzimu, ngono kati atjayenda badiyiwa babe bakanlakidza bakika kwe Ng'umba ye Ndzimu. 2Kabadabila eti, “Mobona kose ikoku kene? Ndolebesa ndoti kumuli, akuna bgwe ling'ompela linowosala lakatiliyana ne limwe, lisingawoligigwa pasi.”
Kutangisa kwe kudziyidziwa
(Mako 13:3-13; Luke 21:7-19)
3Kukati Jesu atjigele pezhugwi kwe Dombo le Mitoba, badiyiwa babe bakazha kunli bali boga, ngono bakambhuzwa bakati, “Mutibudze, zwithu izwezwi zowoshingikala lini ne tjilakidzo tje kuzha kwenyu ne tje kupela kwe shango tjowobeni?”
4Jesu kabashandula eti, “Ibeni ne njele kuti mmwe asitongo mudzimidza. 5Banji banowozha nge zina langu beti, ‘Ndimi Mesiya,’ ngono banowodzimidza banji. 6Mowohwa ngekwe ngwa kose ne makwayi e ngwa, koga itani kuti musipaluke moyo. Zwithu izwezwi zwakajalo zwakafanila shingikala, koga bupelo gutjawozha. 7Itjaba tjowomukila itjaba ne bushe gukamukila bushe. Kowobe yapo bhamba ne kutengenyeka kwe shango mu magalo akasiyana. 8Zose izwezwi zofanana ne kutangisa kwe zwibhayo zwe thumbgwa.
9 #
Matewu 10:22
“Ipapo mowosungisiwa kunohwisiwa zogwadza mukabulawa ne zwitjaba zose zowomubenga ngekwe zina langu. 10Mu tjibaka itjetjo banjinji banowowa mu kugalamoyo kakale banowongana kakale bakabengana. 11Ne balebesambeli be manyepkhwa banjinji banowobe yapo bakadzimidza bathu banji. 12Nge kuwanda kwe matjinyo, ludo gwe banji gowotothola. 13#Matewu 10:22Koga iye unowodzikitadza kunoti ku bupelo ndiye unowotjidziwa. 14Ngono ndebo mbuya iyeyi ye bushe inowosumikigwa mu shango yose, guli butendeki mu zwitjaba dzose, ndizo ipapo bupelo gowozha.
Tjibaka tjakabipa
(Mako 13:14-23; Luke 21:20-24)
15 #
Daniyele 9:27; 11:31; 12:11 “Ndizo mowoti mubona kuli mile mu magalo akayengemala ‘Zhithu le mbipo linopaladza,’ lakalebgwa nge kwalo ndi Daniyele nlebesambeli (unobala ngaahwisise), 16ipapo bamu Judiya ngabatizhile ku matombo. 17#Luke 17:31Upezhugwi kwe ng'umba ngaasideluke kunotola zwithu zwimu ng'umba iye. 18Ngono na iye umu nnda ngaasibgwilile kunotola ngubo iye. 19Yee mme wee! Kowobangalala seni kumuli imwi bakadzi bakazwisenga ne banomwisa mu misi iyeyo. 20Tembezelani kuti kutizha kwenyu kusibe mu mbaba kene mu zhuba le Sabata; 21#Daniyele 12:1; Zumbunulo 7:14ngobe ipapo kowobe ne kudziyidziwa kukulu kusathu kukabe yapo kudwa mu kutangisa kwe shango kuwoti ngwenu, kakale kusingatjawobe yapo. 22Ha mazhuba iyawo akabe asatapudziwa, kwabe kusina unowotjidziwa. Koga ngekwe bashalugwa, mazhuba iyawo anowotapudziwa.
23“Mu misi iyeyo ha mmwe eti kumuli, ‘Bonani woyu Mesiya kene eti, bonani hwouje,’ musitongo duma ikoko. 24Bomesiya be manyepkhwa ne balebesambeli be manyepkhwa banowobe yapo bakayita zwilakidzo zwikulu ne matjenamiso makulu kudzimidza na ibo bashalugwa ha kwabe kutubuka. 25Bonani, ndamubudza tjibaka tjitjiyapo.
26 #
Luke 17:23, 24 “Ndizo ha beti kumuli, ‘Bonani umu tjilambanyika,’ musibhudileko. Kene beti, ‘Bonani, umukati kwe ng'umba,’ musitongo duma, 27ngobe se lupenyo gwe vula gudwa ku bhezhuba gukaboneka ku golombedzo, kowojalo ne kuzha kwe Nkololo we Nthu.
28 #
Luke 17:37
“Pana itumbu magola anokubunganapo.
Kuzha kwe Nkololo we Nthu
(Mako 13:24-27; Luke 21:25-28)
29 #
Isaya 13:10; Jowele 2:10, 31; 3:15; Zumbunulo 6:12;
Isaya 13:10; Ezekiele 32:7; Jowele 2:10; 3:15;
Isaya 34:4; Zumbunulo 6:13 “Koga tjinyolotjo shule kwe budziyili gwe mazhuba iyawo, zhuba lowoti zwii ne mwedzi autowopa tjedza tjawo. Nyenyedzi dzowowila pasi na zose zwe zhuzhugwi zowotengenyeka. 30#Daniyele 7:13; Zakhariya 12:10-14; Zumbunulo 1:7Mu misi iyeyo tjilakidzo tje Nkololo we Nthu tjowoboneka zhuzhugwi, ndizo njudzi dzose dze shango dzowolila. Dzowobona Nkololo we Nthu ezha ali mu makole ana simba ne gudzo gulu. 31Unowotuma batumwa babe be kudzimu kuti badane ne nsindo nkulu we lunyanga, ngono banowokubunganya bashalugwa babe kudwa mu mbizho nna dze shango ne kudwa ku bupelo gwe kudzimu kunoti mu gumwe bupelo.
Tjidiyo tje mpaya
(Mako 13:28-31; Luke 21:29-33)
32“Muzwidiye tjidiyo tje mpaya, tjinyolotjo ha thabi dzawo dzibe nyolo dzidusa mazhani, moziba kuti tjilimo tji pejo. 33Ndizo sa ikoko, ha mubona zwithu zose izwezwi muzibe kuti wabe pejo, pa nkoba.#24:33 wabe pejo, pa nkoba: Kene “tjibaka tjabe pejo kwe kutanga.” 34Ndolebesa ndoti kumuli, zwithu izwezwi zowoshingikala imwi bathu bangwenu musathu mapinda. 35Zhuzhugwi ne pasi zowopinda koga matama angu anowosala.
Zhuba ne tjibaka azwitozibgwa
(Mako 13:32-37; Luke 17:26-30, 34-35)
36“Akuna unoziba ngekwe zhuba ilelo kene tjibaka itjetjo, kene bali ibo batumwa be kudzimu, kene iye Nkololo#24:36 kene iye Nkololo: Dzimwe hwalo dza ntolo dze Bhaibhili adzina matama iyawa. kuzhe kwa Tate boga. 37#Kutangisa 6:5-8Sekwa kwakabe kuli iko mu misi ya Nuwa, kowobe sa ikoko pa kuzha kwe Nkololo we Nthu. 38Ngobe mu misi iyeyo, nkubila usathu ukabe yapo bathu bakabe beja, beng'wa, belobola, belobodza, kunoti mu zhuba Nuwa laakangina mu n'goro. 39#Kutangisa 7:6-24Bakabe basingazibe tjimwe kudzina nkubila uzha ubatola bose. Ndiko sekwa kunowobe iko pa kuzha kwe Nkololo we Nthu. 40Balume babili banowobe bali mu nnda, nng'ompela unowotogwa mmwe kasiyiwa. 41Bakadzi babili banowobe bekwiya pa gwiyo, nng'ompela unowotogwa mmwe kasiyiwa.
42“Ndizo galani makalindila, ngobe amutoziba kuti She wenyu unowozha mu zhuba lipi. 43#Luke 12:39, 40Ngono hwisisani woku, ha mweni we ng'umba akabe aziba kuti mbava inowozha nge tjibaka tjipi tje busiku, unobe akalinda kasiletje ng'umba iye ipkhwanyiwa. 44Ndizo namwibo galani makazwilulwamisa, ngobe Nkololo we Nthu unowozha nge tjibaka tjamusakakumbula.
Nlanda unogagwabgwe
(Luke 12:41-48)
45“Ndiupi ngono nlanda unogagwabgwe, wakatjenjela unowoti tetshi kambiga kabe nlingilili we balanda mu nsha uwe kuti abape zojiwa zwabo nge tjibaka tjakalingisana? 46Wakakombolegwa nlanda iwoyo ungati tetshi uwe ebuya kawana eshinga sa ikoko. 47Ndolebesa ndoti kumuli, unowompa masimba mu zwithu zose zwaanazo. 48Koga ha nlanda iwoyu ali mbi ebe ezwidwa eti, ‘Tetshi wangu wanonoka,’ 49ebe etangisa kuloba balanda bamwe, eja eng'wa ne zwidakwa, 50tetshi wa iwoyo nlanda unowobuya mu zhuba laasakankumbula nenge tjibaka tjaasingazibe. 51Unowonloba kunogwadza kan'gadza ne batjengedzi. Ikoko kowobe yapo kulila ne kulobanya meno nge kugwadziwa kukulu.
Currently Selected:
Matewu 24: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
Matewu 24
24
Kukolomogwa kwe Ng'umba ye Ndzimu
(Mako 13:1-2; Luke 21:5-6)
1Jesu kabhuda mu Ng'umba ye Ndzimu, ngono kati atjayenda badiyiwa babe bakanlakidza bakika kwe Ng'umba ye Ndzimu. 2Kabadabila eti, “Mobona kose ikoku kene? Ndolebesa ndoti kumuli, akuna bgwe ling'ompela linowosala lakatiliyana ne limwe, lisingawoligigwa pasi.”
Kutangisa kwe kudziyidziwa
(Mako 13:3-13; Luke 21:7-19)
3Kukati Jesu atjigele pezhugwi kwe Dombo le Mitoba, badiyiwa babe bakazha kunli bali boga, ngono bakambhuzwa bakati, “Mutibudze, zwithu izwezwi zowoshingikala lini ne tjilakidzo tje kuzha kwenyu ne tje kupela kwe shango tjowobeni?”
4Jesu kabashandula eti, “Ibeni ne njele kuti mmwe asitongo mudzimidza. 5Banji banowozha nge zina langu beti, ‘Ndimi Mesiya,’ ngono banowodzimidza banji. 6Mowohwa ngekwe ngwa kose ne makwayi e ngwa, koga itani kuti musipaluke moyo. Zwithu izwezwi zwakajalo zwakafanila shingikala, koga bupelo gutjawozha. 7Itjaba tjowomukila itjaba ne bushe gukamukila bushe. Kowobe yapo bhamba ne kutengenyeka kwe shango mu magalo akasiyana. 8Zose izwezwi zofanana ne kutangisa kwe zwibhayo zwe thumbgwa.
9 #
Matewu 10:22
“Ipapo mowosungisiwa kunohwisiwa zogwadza mukabulawa ne zwitjaba zose zowomubenga ngekwe zina langu. 10Mu tjibaka itjetjo banjinji banowowa mu kugalamoyo kakale banowongana kakale bakabengana. 11Ne balebesambeli be manyepkhwa banjinji banowobe yapo bakadzimidza bathu banji. 12Nge kuwanda kwe matjinyo, ludo gwe banji gowotothola. 13#Matewu 10:22Koga iye unowodzikitadza kunoti ku bupelo ndiye unowotjidziwa. 14Ngono ndebo mbuya iyeyi ye bushe inowosumikigwa mu shango yose, guli butendeki mu zwitjaba dzose, ndizo ipapo bupelo gowozha.
Tjibaka tjakabipa
(Mako 13:14-23; Luke 21:20-24)
15 #
Daniyele 9:27; 11:31; 12:11 “Ndizo mowoti mubona kuli mile mu magalo akayengemala ‘Zhithu le mbipo linopaladza,’ lakalebgwa nge kwalo ndi Daniyele nlebesambeli (unobala ngaahwisise), 16ipapo bamu Judiya ngabatizhile ku matombo. 17#Luke 17:31Upezhugwi kwe ng'umba ngaasideluke kunotola zwithu zwimu ng'umba iye. 18Ngono na iye umu nnda ngaasibgwilile kunotola ngubo iye. 19Yee mme wee! Kowobangalala seni kumuli imwi bakadzi bakazwisenga ne banomwisa mu misi iyeyo. 20Tembezelani kuti kutizha kwenyu kusibe mu mbaba kene mu zhuba le Sabata; 21#Daniyele 12:1; Zumbunulo 7:14ngobe ipapo kowobe ne kudziyidziwa kukulu kusathu kukabe yapo kudwa mu kutangisa kwe shango kuwoti ngwenu, kakale kusingatjawobe yapo. 22Ha mazhuba iyawo akabe asatapudziwa, kwabe kusina unowotjidziwa. Koga ngekwe bashalugwa, mazhuba iyawo anowotapudziwa.
23“Mu misi iyeyo ha mmwe eti kumuli, ‘Bonani woyu Mesiya kene eti, bonani hwouje,’ musitongo duma ikoko. 24Bomesiya be manyepkhwa ne balebesambeli be manyepkhwa banowobe yapo bakayita zwilakidzo zwikulu ne matjenamiso makulu kudzimidza na ibo bashalugwa ha kwabe kutubuka. 25Bonani, ndamubudza tjibaka tjitjiyapo.
26 #
Luke 17:23, 24 “Ndizo ha beti kumuli, ‘Bonani umu tjilambanyika,’ musibhudileko. Kene beti, ‘Bonani, umukati kwe ng'umba,’ musitongo duma, 27ngobe se lupenyo gwe vula gudwa ku bhezhuba gukaboneka ku golombedzo, kowojalo ne kuzha kwe Nkololo we Nthu.
28 #
Luke 17:37
“Pana itumbu magola anokubunganapo.
Kuzha kwe Nkololo we Nthu
(Mako 13:24-27; Luke 21:25-28)
29 #
Isaya 13:10; Jowele 2:10, 31; 3:15; Zumbunulo 6:12;
Isaya 13:10; Ezekiele 32:7; Jowele 2:10; 3:15;
Isaya 34:4; Zumbunulo 6:13 “Koga tjinyolotjo shule kwe budziyili gwe mazhuba iyawo, zhuba lowoti zwii ne mwedzi autowopa tjedza tjawo. Nyenyedzi dzowowila pasi na zose zwe zhuzhugwi zowotengenyeka. 30#Daniyele 7:13; Zakhariya 12:10-14; Zumbunulo 1:7Mu misi iyeyo tjilakidzo tje Nkololo we Nthu tjowoboneka zhuzhugwi, ndizo njudzi dzose dze shango dzowolila. Dzowobona Nkololo we Nthu ezha ali mu makole ana simba ne gudzo gulu. 31Unowotuma batumwa babe be kudzimu kuti badane ne nsindo nkulu we lunyanga, ngono banowokubunganya bashalugwa babe kudwa mu mbizho nna dze shango ne kudwa ku bupelo gwe kudzimu kunoti mu gumwe bupelo.
Tjidiyo tje mpaya
(Mako 13:28-31; Luke 21:29-33)
32“Muzwidiye tjidiyo tje mpaya, tjinyolotjo ha thabi dzawo dzibe nyolo dzidusa mazhani, moziba kuti tjilimo tji pejo. 33Ndizo sa ikoko, ha mubona zwithu zose izwezwi muzibe kuti wabe pejo, pa nkoba.#24:33 wabe pejo, pa nkoba: Kene “tjibaka tjabe pejo kwe kutanga.” 34Ndolebesa ndoti kumuli, zwithu izwezwi zowoshingikala imwi bathu bangwenu musathu mapinda. 35Zhuzhugwi ne pasi zowopinda koga matama angu anowosala.
Zhuba ne tjibaka azwitozibgwa
(Mako 13:32-37; Luke 17:26-30, 34-35)
36“Akuna unoziba ngekwe zhuba ilelo kene tjibaka itjetjo, kene bali ibo batumwa be kudzimu, kene iye Nkololo#24:36 kene iye Nkololo: Dzimwe hwalo dza ntolo dze Bhaibhili adzina matama iyawa. kuzhe kwa Tate boga. 37#Kutangisa 6:5-8Sekwa kwakabe kuli iko mu misi ya Nuwa, kowobe sa ikoko pa kuzha kwe Nkololo we Nthu. 38Ngobe mu misi iyeyo, nkubila usathu ukabe yapo bathu bakabe beja, beng'wa, belobola, belobodza, kunoti mu zhuba Nuwa laakangina mu n'goro. 39#Kutangisa 7:6-24Bakabe basingazibe tjimwe kudzina nkubila uzha ubatola bose. Ndiko sekwa kunowobe iko pa kuzha kwe Nkololo we Nthu. 40Balume babili banowobe bali mu nnda, nng'ompela unowotogwa mmwe kasiyiwa. 41Bakadzi babili banowobe bekwiya pa gwiyo, nng'ompela unowotogwa mmwe kasiyiwa.
42“Ndizo galani makalindila, ngobe amutoziba kuti She wenyu unowozha mu zhuba lipi. 43#Luke 12:39, 40Ngono hwisisani woku, ha mweni we ng'umba akabe aziba kuti mbava inowozha nge tjibaka tjipi tje busiku, unobe akalinda kasiletje ng'umba iye ipkhwanyiwa. 44Ndizo namwibo galani makazwilulwamisa, ngobe Nkololo we Nthu unowozha nge tjibaka tjamusakakumbula.
Nlanda unogagwabgwe
(Luke 12:41-48)
45“Ndiupi ngono nlanda unogagwabgwe, wakatjenjela unowoti tetshi kambiga kabe nlingilili we balanda mu nsha uwe kuti abape zojiwa zwabo nge tjibaka tjakalingisana? 46Wakakombolegwa nlanda iwoyo ungati tetshi uwe ebuya kawana eshinga sa ikoko. 47Ndolebesa ndoti kumuli, unowompa masimba mu zwithu zose zwaanazo. 48Koga ha nlanda iwoyu ali mbi ebe ezwidwa eti, ‘Tetshi wangu wanonoka,’ 49ebe etangisa kuloba balanda bamwe, eja eng'wa ne zwidakwa, 50tetshi wa iwoyo nlanda unowobuya mu zhuba laasakankumbula nenge tjibaka tjaasingazibe. 51Unowonloba kunogwadza kan'gadza ne batjengedzi. Ikoko kowobe yapo kulila ne kulobanya meno nge kugwadziwa kukulu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.