Matewu 18

Ndiani nkulu tjose

(Mako 9:33-37; Luke 9:46-48)

1 # Luke 22:24 Nge tjibaka itjetjo badiyiwa bakazha kuna Jesu bakambhuzwa beti, “Ndiani nkulu tjose mu bushe gwe kudzimu?”

2Wakadana mwana ntukununu kammisa pakati kwabo, 3#Mako 10:15; Luke 18:17ndizo kati ku bali, “Ndolebesa ndoti kumuli, kuzhe kwe mungashanduka mukafanana ne bana batukununu, amungatongo ngina mu bushe gwe kudzimu. 4Ndizo, iye unozwiyisa pasi sa iwoyu mwana, ndiye nkulu tjose mu bushe gwe kudzimu. 5Na iye unoamutjila mwana ntukununu unonga iwoyu nge zina langu, unoamutjila imi.

Kulikwa

(Mako 9:42-48; Luke 17:1-2)

6“Koga iye unothama kuti mmwe wa ibaba batukununu banogalamoyo mundili athame jinyo, kungabhatsha kuti gwiyo gulu lisungiligwe mu ntshibha uwe atshindikigwe mu gungwa lakangina afe. 7Yee mme wee! Shango yapalala ngekwe ndiko inothama bathu kuti bathame jinyo! Kwakafanila kuti ndiko izhe, Yee mme wee wapalala! Iye unowoti zwithu izwezo zwikazha ndiye!

8 # Matewu 5:30 “Ha luboko gugo kene gumbo lilo likuthamisa jinyo, ulithubule ulilashe. Koyita kuti ungine mu butjilo uli tjilema kene ushudza, pakuti ube ne maboko mabili kene makumbo mabili ukowoposegwa mu moto usingapele. 9#Matewu 5:29Kakale ha zhisho lilo likuthamisa jinyo, ulikonyombole ulilashe. Koyita kuti ungine mu butjilo una zhisho ling'ompela pana kuti ube ne mesho mabili ukowolashigwa mu moto usingapele.

Tjifaniso tje pkhwizi yakamila

(Luke 15:3-7)

10 # Luke 19:10 “Mubone kuti musilingile pasi mmwe wa ibaba batukununu, ngobe ndomubudza nditi, batumwa babo be kudzimu banobona buso gwa Tate bangu ba kudzimu misi yose.#18:10: Dzimwe hwalo dza ntolo dze Bhaibhili dzopapha ndimana 11: “Iye Nkololo we Nthu wakazha kuwotjidza bakalashika.” (Lingani Luke 19:10.)

12“Mobona tjini? Ha nlume ana pkhwizi dzili zana ling'ompela (100), ngono ing'ompela yadzo ibe imila, apa aangasiye makumi ali zhanalume ana dzili zhanalume (99) mu matombo, enoshaka ing'ompela yamila kene? 13Ha eiwana, ndolebesa ndoti kumuli, unoshatha ngekwa iyeyo ing'ompela kupinda dzili makumi ali zhanalume ana zhanalume dzakabe dzisamila. 14Ndizo ate kuli kuda kwa Tate bangu ba kudzimu kuti mmwe wa ibaba batukununu alashike.

Gadzano ne ntembezelo mu gubungano

15 # Luke 17:3 “Ha ikamu tjitjo tjikutjinyila, yenda kutjili utjilakidze nlandu watjo, muli babili koga. Ha tjikuhwilila unowobe watjidza ikamu tjitjo. 16#Matama 19:15Koga atjisingakuhwilile dana nng'ompela kene babili, kuti ndizo dama limwe ne limwe lisimisiwe nge batendeki babili kene batatu. 17Ha tjilamba kubahwilila, ubudze gubungano, koga ha tjilamba kuhwilila na ilo gubungano, utjitole se mmwe we zwitjaba kene nkhethisi.

18 # Matewu 16:19; Johani 20:23 “Ndolebesa nditi, tjimwe ne tjimwe tjamunosunga mu shango tjowosungwa kudzimu ne tjimwe ne tjimwe tjamasunungula mu shango tjowosunungugwabo kudzimu.

19“Kakale, ndomubudza kuti ha babili benyu bedumilana mu shango ngekwe tjimwe tjabanokumbila, mowotjiyitigwa ndi Tate bangu ba kudzimu. 20Pakubungana babili kene batatu nge zina langu, ipapo ndi pakati kwabo.”

Tjifaniso tje nlanda usina ngoni

21 # Luke 17:3, 4 Ipapo Pita kazha kuna Jesu kambhuzwa kati, “She, ndizwiibhatigwe ikamu tjangu kangana ha tjinditjinyila? Katendeka kwakalizana kene?”

22 # Kutangisa 4:24 Jesu kashandula eti, “Ndokubudza nditi, kusi katendeka koga, koga kuswikila makumi ali tendeka katendeka. 23Ndizo, bushe gwe kudzimu gofanana na mambo wakabe eshaka kuti balanda babe banonkolota banlipe. 24Kati etangisa kukumbuludzana nabo, nlume wakabe enkolota talenta#18:24 talenta: Talenta ing'ompela akabe ali mari anopinda ndipo ye nshingi ye makole ali gumi lina mashanu. dzili zwiwulu zwili gumi (10 000) kazhisiwa kunli. 25Se akabe asina tjaangalipa nditjo, tetshi uwe kalaula kuti iye ne nkadzi uwe ne bana babe na kose kwaanako, batengesiwe kulipiwe ikoloto. 26Nlanda iwoyo kawa nge zwidwi mbeli kwa tetshi uwe, enkumbila eti, ‘Ibeni ne moyonlefu nge kwangu. Ndowolipa tjimwe ne tjimwe.’ 27Tetshi uwe kanhwila ngoni, kabukusha ikoloto tjitje, kanletja kayenda.

28“Kukati nlanda iwoyo ebhuda, kawana mmwe we balanda sa iye unonkolota mari e siliva ali zana ling'ompela. Kambhata nge hwulo kati kunli, ‘Lipa ikoloto tjitjo.’ 29Iwoyu mmwe we balanda sa iye kankumbila eti, ‘Ibe ne moyonlefu nge kwangu, ndowokulipa.’ 30Koga kalamba, kamilika kanomposela mu ng'umba ye busungwa kudzina elipa ikoloto tjitje. 31Kukati balanda bamwe bebona tjashingikala, bakahwa zogwadza kwazo, bakayenda bakanobudza tetshi wabo. 32Ipapo tetshi kadanila nlanda iwoyo kunli kan'dwa kati, ‘Nlanda wakabipa ndiwe! Ndakabukusha ikoloto tjitjo tjose, ngobe wandikumbila. 33Apa wabe usakafanila kube ne ngoni ngekwe mmwe nlanda sawe sekwa ndabe ne ngoni nge kuko kene?’ 34Nge bushongola, tetshi uwe kan'yisa ku balindi be ng'umba ye busungwa kudzina alipe ikoloto tjitje tjose.

35“Oku ndiko Tate bangu ba kudzimu kwabanowoyita mu mmwe ne mmwe wenyu kuzhe kwe mungazwiibhatigwa zwikamu zwenyu nge moyo wose.”

Currently Selected:

Matewu 18: KBTP

Highlight

Copy