Malaki 1
1
1Dama la Yahwe lakapiwa Malaki kulipa Baiziraela.
Yahwe banoda Iziraela
2 #
Baroma 9:13
#
Isaya 34:5-17; 63:1-6; Jeremiya 49:7-22; Ezekiele 25:12-14; 35:1-15; Amosi 1:11, 12; Obhadiya 1:1-14 “Ndakamuda misi yose,” koleba Yahwe. Koga imwi mobhuzwa muti, “Makalakidza ngeni kuti motida?” Yahwe bakati, “Apa Esau wakabe asi nkulu wa Jakubo kene? Koga ndakada Jakubo 3abenga Esau, ndakathama shango iye ye matuthu ikashakadziwa, thaka iye ikabe ye phungubgwe dze tjilambanyika.” 4Ha Edomu angati, “Nenguba takashakadziwa, towomusa matongo.” Koga Yahwe Masimbawose ibo bakati, “Bangabaka zwabo koga imi ndowokolomodza kuswikila bedang'wa shango mbiimbi, bathu bapasi kwe bushongola gwa Yahwe misi yose.”
5“Mowokubona nge mesho enyu ikoku mubuya muti, ‘Yahwe bankulu, naiko ne kupinda migathu ye Iziraela.’
6“Nkololo unoteta tate babe, nlanda kakudza tetshi uwe. Ha ndili tate, lingayi gudzo lakandilingisana? Ha ndili tetshi, kungayi kutetiwa kwakandilingisana? Koleba Yahwe Masimbawose. Ndimwi bapirisiti munolengudza zina langu. Koga mobhuzwa muti, ‘Zina lenyu takalilengudza tjini?’ 7Moyisa zwibhayilo zwakatemapala mu tjibeso tjangu tjinopisigwa zwibhayilo. Mube mubhuzwa muti, ‘Takamutemapadza tjini?’ Nge kukumbula kuti tafuli ya Yahwe ingana ikalengudziwa. 8#Matama 15:21Apa ate kuli kubiibi ha mudusa zwithuwo zwakapofupala kube zwibhayilo? Ha mudusa zwibhayilo zwe zwithuwo zwina bulema ne zwinogwala, apa ate kuli kubiibi ikoku kene? Tongozwipani mbusi wenyu. Apa ungamushathila kene? Apa ungamuamutjila kene? Koleba Yahwe Masimbawose.
9“Ndizo ngwenu wali kumbilani Ndzimu utihwile ngoni. Se muna tjipo tjakajali mu maboko enyu, apa ungamuamutjila kene? Koleba Yahwe Masimbawose. 10Ungati mmwe wenyu ungazhalila nkoba we Ng'umba ye Ndzimu kuyita kuti musitongo bhatidza moto usina nshingo mu tjibeso tjangu tjinopisigwa zwibhayilo. Akuna tjinondishathisa mu muli, naiko andingaamutjile tjibhayilo tjinodwa kumuli. Koleba Yahwe Masimbawose. 11Zina langu lowokudziwa mu njudzi kudwa zhuba libhuda kunoti lingina. Mu magalo mamwe ne mamwe zina langu lowopisigwa motsha ne zwibhayilo zwibuyanana zowozhisigwa zina langu ngoti zina langu lowokudziwa pakati kwe njudzi. Koleba Yahwe Masimbawose.
12“Koga molilengudza ha muti, ‘Tafuli ya Yahwe yakatemapala ne zojiwa zwayo ate zwe tjimwe.’ 13Moti, ‘Aa, konyadza seni ikoku’ mube mulisinyalalila. Koleba Yahwe Masimbawose. Mozhisa zwamatolela bamwe nge masimba ne zwithuwo zwakalemala ne zwina bugwele muzwidusa zwibhayilo. Apa ndizwiamutjile mu maboko enyu kene? Koleba Yahwe.
14“Una bhiso ntjebeli una ithuwo mu zwithuwo zwizwe tjilume tjingaamutjilika ebuya etuna kutjidusa tjibhayilo, koga ebe ezhisa ithuwo tjakalemala kuna She. Kana ndi mambo nkulu, koleba Yahwe Masimbawose unolaula kose, zina langu ngalitjiwe pakati kwe njudzi.”
Kalanga Bible © Bible Society of Botswana, 2008, 2018.