Zwililo 5
5
Mahwilongoni
1Kumbulani imwi Yahwe tjakatishingikalila,
lingani, mubone kulengudzika kwedu!
2Thaka yedu yatjibe ye bataya,
mizi yedu yatjibe ye bazhi.
3Tatjibe siyang'wa dzisina botate,
bomme bedu batjibe tjilikadzi.
4Tolipa vula yatinong'wa nge mari,
hwuni todziwana ngotenga.
5Batatamili bedu bapa zwitshitshino zwedu,
tanyala atitowana kunyaluluka.
6Takazwipa ku Egipiti ne Asiriya,
kuti tiwane zojiwa tigute.
7Bobatategulu bedu bakatjinya ngono abatjipo,
ngono tolobgwa shamu ye matjinyo abo.
8Balanda banotibusa,
akuna ungatisunungula mu simba labo.
9Towana tjatingaja ngolonga matjilo edu mu mbhatsha,
ngekwe thumo mu tjilambanyika.
10Makanda edu anopisa se vutho,
tina luzhazhamo nge zhala.
11Bakadzi bakadzugwa mu Ziyoni,
baanadi mu mizi ye Juda.
12Makulukota akasungiligwa,
sholotjena adzitotetiwa.
13Bazhuzha banokombeledziwa kushinga ku gwiyo
balisana banodengadenga nge mitolo ye hwuni.
14Sholotjena adzitjagala ku mikoba ye nzi nkulu,
bazhuzha abatjalidza zwilidzo zwabo.
15Kushatha kwe mimoyo yedu kwakama,
zana kwedu kwatjishanduka tjililo.
16Tjiala tjakawa mu misholo yedu.
Yee mme wee! Tapalala ngobe takatjinya!
17Ngekwa ikoku mimoyo yedu yakatimbama,
ngekwe zwithu izwezwi mesho edu aatjabona ngolila,
18ngoti Dombo le Ziyoni latjibe dongo,
phungubgwe dzozanila mulili.
19Koga imwi Yahwe mobusa nge kusingapele,
tjigalo tjenyu tje bushe tjodwa mu tjizekugwana kunoti ku tjizekugwana.
20Ini mugala mutikangang'wa kene?
Ini mungatifupatila tjibaka tjingapa kene?
21Mutibgwilize kakale kumuli imwi Yahwe,
kuti ndizo tibgwilile,
bgwilizani mazhuba edu ange a ntolo!
22Kene makatilashila tjatjose?
Ne kugwadzamoyo kwenyu nge kusina tjilizanyo kene?
Kalanga Bible © Bible Society of Botswana, 2008, 2018.