Jona 2
2
Ntembezelo wa Jona mu ntumbu we hwobe
1Ipapo Yahwe bakazhisa zhihwobe lisishoma kumidza Jona, ngono Jona wakagala mu ntumbu we hwobe mazhuba matatu ne masiku matatu. 2Kudwa mu ntumbu we hwobe Jona katembezela Yahwe Ndzimu uwe 3eti,
“Ndakalilila kuna Yahwe ndili mu kumanikana,
ngono bakandidabila;
kudwa mukatikati kwe gomba le lufu, alila,
ngono makahwa hwi langu.
4Makandiposela mukatikati mu ntumbu#2:4 ntumbu: Tjihebheru tjina “moyo.” we gungwa,
ngono mikubila ikandikombeledza,
mabundo ne matuthu ose e gungwa kapinda pezhugwi kwangu.
5Ipapo akumbula nditi,
‘Ndakatatigwa kutjena ne mesho enyu.
Ngono ndowolinga tjini kakale ku ng'umba yenyu yakayengemala?’
6Gungwa gwakandikwididza gukashoko ndibulaya.
Ndili mukatikati kwe vula isishoma,
Imwi Yahwe, Ndzimu we bupenyu gwangu!
7Ndakadelukila kusi kusi ku midzi ye matombo,
ngono mazhalilo e shango ye lufu akandizhalilila nge kusingapele.
Koga makandidusa mu gomba,
imwi Yahwe, Ndzimu wangu.
8Kwakati meya yangu ipela mundili,
akumbula Yahwe;
ntembezelo wangu ukazha kumuli
mu ng'umba yenyu yakayengemala.
9Ibabo banothigamila midzimu isi ye tjimwe,
banolasha kugalikabgwe kwabo kwe lebeswa.
10Koga imi nge hwi linoboka,
ndomudusila tjibhayilo
sekwa ndakatuna ndowoshingikadza.
Jidzo lodwa kuna Yahwe!”
Ipapo Yahwe bakalebeleka ne hwobe,
ngono ikathwila Jona kuzhe ku shango.
Kalanga Bible © Bible Society of Botswana, 2008, 2018.