Bahebheru 1
1
Dama le Ndzimu lizha nge Nkololo wawo
1Ntolo, Ndzimu wakalebeleka na bobatategulu bedu nge zila njinji dzakasiyana ushingisa balebesambeli, 2koga mu mazhuba ano e bupelo wakalebeleka naswi nge Nkololo wawo, iye wawakabumba lubumbo ndiye ukabuya ukambiga kube n'gali thaka we zwithu zose. 3Ndiye tjilakidzo tje gudzo ne ifano tje mbumbiko yawo. Wakabhata lubumbo nge dama lile lina masimba. Wakati asinothama tjenapadzo ye zwibi kagala ku luboko gwe luji gwe Ndzimu Masimbawose.
Bukulu gwe Nkololo we Ndzimu
4Nkololo kabe nkulu pa batumwa be kudzimu, se zina laakamutjila lili gulu pana abo, 5#Njimbo 2:7; 2 Samuele 7:14; 1 Zwiyitikalo 17:13ngobe Ndzimu auzotongo dwa mmwe we batumwa bawo be kudzimu ukati,
“U nkololo wangu,
nasi ndabe Tate babo.”
Kakale Ndzimu auzotongo dwa mmwe we batumwa be kudzimu ukati,
“Ndowobe Tate babe,
iye unowobe Nkololo wangu.” 6#Matama 32:43Koga Ndzimu wakati uzhisa Nkololo wawo we mbano mu shango, ukati,
“Batumwa be Ndzimu bose ngabannamate.” 7#Njimbo 104:4Ngekwe batumwa be kudzimu, wakalebeleka ukati,
“Unothama batumwa bawo be kudzimu bakabe phepo,#1:7 phepo: Dama le Tjigiriki lodwa “phepo” kene “meya.”
ne balanda bawo unobathama bakabe nthuto we moto.”
8 #
Njimbo 45:6, 7 Koga ngekwe Nkololo wawo wakalebeleka uti,
“Tjigalo tjenyu tje bushe,#1:8 Tjigalo tjenyu tje bushe: Kene “Ndzimu ndi She wenyu.” Ndzimu,
tjowobepo nge kusingapele
ne ludozo gwe ndulamo ludozo gwe bushe gwenyu.
9Makada ndulamo mukabenga bubi;
ndizo Ndzimu, iwo Ndzimu wenyu,
wakamuzhodza mafuta e kushatha
kunopinda kwe bakwinya benyu.” 10#Njimbo 102:25-27Kakale wakati,
“Imwi, She, mu kutangisa makabumba shango,
ne zhuzhugwi nshingo we maboko enyu.
11Zose zowoloba, koga imwi mukagalila tjose,
zowoshakala zose se tjiambalo.
12Se ngubo mowozwipeta
zwikashandugwa.
Koga imwi mowogalila tjose,
ne butjilo gwenyu agutowopela.”
13 #
Njimbo 110:1
Koga ndi upi ntumwa we kudzimu wakatongo dwiwa nge Ndzimu uti,
“Gala ku luboko gwangu gwe luji
kudzina ndithama zwita zwizo tjigalo tje makumbo awo.”
14Apa batumwa be kudzimu bose ate bali meya inoshinga, yakatumwa kushingila ibabo banowoamutjila jidzo kene?
Currently Selected:
Bahebheru 1: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
