Ezera 2
2
Mazina e Bajuta bakabuya kutapiwa
(Nehemiya 7:4-73)
1Aba ndibo bathu be ntuthu bakabuya bedwa mu busungwa bakabe batogwa ndi Nebukadineza mambo we Bhabhiloni ebatapila ku Bhabhiloni, bakabgwilila ku Jerusalema ne Juda, mmwe ne mmwe eyenda ku nzi wakanyi kwabo. 2Mukubgwilila kwabo kwakabe kuli Zerubhabeli na Jeshuwa na Nehemiya na Seraya na Reelaya na Modekayi na Bhilishana na Misipa na Bhigivayi na Rehumu na Bhaana.
Mbalo ye balume be Iziraela yakabe ili sahwoku:
3Ludzi gwa Paroshi, bakabe bali zwiwulu zwili zwibili ne zana ling'ompela lina makumi ali kutendeka ana babili (2 172), 4be ludzi gwa Shefatiya bakabe bali mazana matatu ana makumi ali kutendeka ana babili (372). 5Be ludzi gwa Ara bakabe bali mazana ali kutendeka ana makumi ali kutendeka ana bashanu (775). 6Be ludzi gwa Pahatimoabu, bali be lutshinga gwa Jeshuwa na Joabu, bakabe bali zwiwulu zwibili ne mazana ali zhanakadzi ana gumi lina babili (2 812), 7be ludzi gwa Elamu bakabe bali tjiwulu tjing'ompela ne mazana mabili ana makumi mashanu ana banna (1 254). 8Ludzi gwa Zatu igo gwakabe guli mazana ali zhanalume ana makumi manna ana bashanu (945), 9ludzi gwa Zakhayi igo gwakabe guli mazana ali kutendeka ana makumi ali tathatu (760). 10Ludzi gwa Bhani gwakabe guli mazana ali tathatu ana makumi manna ana babili (642). 11Ludzi gwa Bhebayi gwakabe guli mazana ali tathatu ana makumi mabili ana batatu (623). 12Be ludzi gwa Azagadi bakabe bali tjiwulu tjing'ompela ne mazana mabili ana makumi mabili ana babili (1 222). 13Be ludzi gwa Adonikamu bakabe bali mazana ali tathatu ne makumi ali tathatu ana bali tathatu (666). 14Be ludzi gwa Bhigivayi bakabe bali zwiwulu zwibili ne makumi mashanu ana bali tathatu (2 056). 15Be ludzi gwa Adini bakabe bali mazana manna ana makumi ali mashanu ana banna (454). 16Be ludzi gwa Atere wa Hezekiya bakabe bali makumi ali zhanalume ana bali zhanakadzi (98). 17Be ludzi gwa Bhezayi bakabe bali mazana matatu ana makumi mabili ana batatu (323). 18Be ludzi gwa Jora bakabe bali zana ling'ompela lina gumi lina babili (112), 19be ludzi gwa Hashumu bakabe bali mazana mabili ana makumi mabili ana batatu (223). 20Be ludzi gwa Gibha bakabe bali makumi ali zhanalume ana bashanu (95).
21Bathu be Bhetelehema bakabe bali zana ling'ompela lina makumi mabili ana batatu (123). 22Balume be Netofa bakabe bali makumi mashanu ana bali tathatu (56). 23Be Anatoti bakabe bali zana ling'ompela lina makumi ali mabili ana bali zhanakadzi (128). 24Be Azimaveti bali makumi ali manna ana babili (42). 25Be Khiriyatarimu, Kefira ne Bheeroti bali mazana ali kutendeka ana makumi manna ana batatu (743). 26Be Rama ne Geba bali mazana ali tathatu ana makumi ali mabili ana nng'ompela (621). 27Bathu be Mikimashi bali zana ling'ompela lina makumi mabili ana babili (122). 28Be Bhetele ne Ai bali mazana mabili ana makumi mabili ana batatu (223). 29Be Nebo bali makumi mashanu ana babili (52). 30Be Magabhishi bali zana ling'ompela lina makumi mashanu ana bali tathatu (156). 31Be ludzi gwa Elamu mmwe bakabe bali tjiwulu tjing'ompela ne mazana mabili ana makumi mashanu ana banna (1 254). 32Ba Harimu bali mazana matatu ana makumi mabili (320). 33Be Lodi, Hadidi ne Ono bali mazana ali kutendeka ana makumi mabili ana bashanu (725). 34Be Jerikho bali mazana matatu ana makumi manna ana bashanu (345). 35Ba Senaa bakabe bali zwiwulu zwili zwitatu ne mazana ali tathatu ana makumi ali matatu (3 630).
36Bapirisiti: Bakololo ba Jedaya be nsha wa Jeshuwa bali mazana ali zhanalume ana makumi ali kutendeka ana batatu (973). 37Bakololo ba Imeri bali tjiwulu tjing'ompela ne makumi mashanu ana babili (1 052). 38Bakololo ba Phashuri bakabe bali tjiwulu tjing'ompela ne mazana ali mabili ana makumi manna ana bali kutendeka (1 247). 39Bakololo ba Harimu bakabe bali tjiwulu tjing'ompela ne gumi lina bali kutendeka (1 017).
40Ludzi gwe Balevi: Bakololo ba Jeshuwa na Kadimiyele, bakololo ba Hodaviya bali makumi ali kutendeka ana banna (74).
41Bambi: Bakololo ba Asafa bali zana ling'ompela lina makumi mabili ana bali zhanakadzi (128).
42Bakololo be balisi be mikoba: Bakololo ba Shalumu, bakololo ba Atere, bakololo ba Talimoni, bakololo ba Akubu, bakololo ba Hatita, ne bakololo ba Shobayi bose bose bakabe bali zana lina makumi matatu ana bali zhanalume (139).
43Bashingi be Ng'umba ye Ndzimu: bakololo ba Ziha ne bakololo ba Hasufa ne bakololo ba Tabhaoti 44ne bakololo ba Kerosi ne bakololo ba Siyaha ne bakololo ba Padoni 45ne bakololo ba Lebhana ne bakololo ba Hagaba ne bakololo ba Akubu 46ne bakololo ba Hagabu ne bakololo ba Shamalayi ne bakololo ba Hanani 47ne bakololo ba Gideli ne bakololo ba Gahara ne bakololo ba Reya 48ne bakololo ba Rezini ne bakololo ba Nekoda ne bakololo ba Gazamu 49ne bakololo ba Uza ne bakololo ba Phaseya ne bakololo ba Bhesayi 50ne bakololo ba Asina ne Bameuni ne bakololo ba Nefisimi 51ne bakololo ba Bhakibuku ne bakololo ba Hakufa ne bakololo ba Harihuri 52ne bakololo ba Baziluti ne bakololo ba Mehida ne bakololo ba Harisha 53ne bakololo ba Bharikose ne bakololo ba Sisera ne bakololo ba Temaha 54ne bakololo ba Neziya na Hatifa.
55Bakololo be balanda ba Solomoni: Bakololo ba Sotayi ne bakololo ba Hasofereta ne bakololo ba Peruda 56ne bakololo ba Jaala ne bakololo ba Dakoni ne bakololo ba Gideli 57ne bakololo ba Shefatiya ne bakololo ba Hatili ne bakololo be Pokeretehazebayimu ne bakololo ba Ami.
58Mbalo yose ye bashingi be Ng'umba ye Ndzimu neye bakololo be balanda ba Solomoni, bakabuya kutapiwa yakabe ili mazana matatu ana makumi ali zhanalume ana babili (392).
59Aba ndibo bakabuya bedwa ku Telemela ne Telehasha ne kherubhu, Adani ne Imeri, ngono ibo abazotubula kulakidza ha bali bamwe be Iziraela: 60Bakololo ba Delaya ne bakololo ba Tobiya ne bakololo ba Nekoda, bakabe bali mazana ali tathatu ana makumi mashanu ana babili (652).
61Bakololo bamwe be bapirisiti: Bakololo ba Habhaya ne bakololo ba Hakozi ne bakololo ba Bharizilai, wakabe akalobola mmwe we bakololokadzi ba Bharizilai we N'giliyadi ndizo ngono bakadang'wa nge zina ilelo. 62Ibaba abazowana zwilakidzo zwinolakidza mazwago a bobatategulu babo. Se basakatubula kulakidza zwilakidzo zwa bobatategulu babo, abazoamutjigwa mu bupirisiti bakatogwa se bakatemapala. 63#Mbalo 27:21Nlauli wakababudza kuti abangaje zojiwa zwakayengemala kuswikilila kube ne mpirisiti ungashingisa Urimu ne Thumimu.#2:63 Urimu ne Thumimu: Zwithu zwakabe zwishingisiwa nge bapirisiti kuleba tjingabe tjishakwa nge Ndzimu, akutotjena kuti zwakabe zwishingisiwa tjini.
64Mbalo yose ye bathu bakabuya kutapiwa yakabe ili zwiwulu zwili makumi manna ana kubili ne mazana ali matatu ana makumi ali tathatu (42 360), 65kuzhe kwe balandalume babo ne balandakadzi babo bali zwiwulu zwili kutendeka ne mazana ali matatu ana makumi ali matatu ana bali kutendeka (7 337) kakale bakabe bana bambi be tjikadzi ne be tjilume bali mazana mabili (200). 66Bakabe bana mbizi dzili mazana ali kutendeka ana makumi matatu ana dzili tathatu (736) ne mowulo dzili mazana mabili ana makumi ali manna ana dzili shanu (245). 67Kamela dzili mazana manna ana makumi matatu ana dzili shanu (435) ne madonki ali zwiwulu zwili tathatu ne mazana ali kutendeka ana makumi ali mabili (6 720).
68Bakati koga beswika ku Ng'umba ya Yahwe mu Jerusalema, mimwe misholo ye misha ikadusa zwipo zwe moyo ntjena kuti zwibhatshe mu kumusa Ng'umba ye Ndzimu payakabe ilipo ntolo. 69Kuyenda nge tubula kwabo bakadusila dula le nshingo iwoyu zwipo zwe tjilizanyo tje seme dzili mazana mashanu (500) e golide ne tjilizanyo tje seme dzili zwiwulu zwibili ne mazana ali zhanakadzi (2 800) dze siliva ne hazu dze bapirisiti dzili zana ling'ompela (100).
70 #
1 Zwiyitikalo 9:2; Nehemiya 11:3 Bapirisiti ne Balevi ne bambi ne balisi be mikoba ne bashingi be Ng'umba ye Ndzimu bakagala mu mizi yabo ne bamwe bathu ne Baiziraela bose bakagala mu mizi yabo.
Kalanga Bible © Bible Society of Botswana, 2008, 2018.