Kufuluka 1
1
Baiziraela banodziyidziwa mu Egipiti
1 #
Kutangisa 46:8-27
Awa ndiwo mazina e bakololo ba Jakubo bakayenda naye ku Egipiti, mmwe ne mmwe ne nsha uwe. 2Ndi Rubheni na Simiyoni na Levi na Juda, 3Isakari na Zebuluni na Bhenjamini, 4Dani na Nafutali, Gadi na Asha. 5Bose be lutshinga gwa Jakubo mbalo yabo yakabe ili makumi ali kutendeka (70). Josefa iye wakabe ali ku Egipiti kale. 6Ngono Josefa kafa ne bakololo ba tate babe bose ne tjizekugwana tjitje tjose. 7#Mishingo 7:17Koga Baiziraela bakabe bana mbeleko bewanda ngolibilidza. Bakawanda bakabe banjinji, bakasima, ngono bakazhala shango.
8 #
Mishingo 7:18
Ngono kukabepo Mambo mu Egipiti usingazibe tjimwe ngekwa Josefa. 9Kadwa bathu babe kati, “Bonani, Baiziraela banjisa naiko bakasima kutipinda. 10#Mishingo 7:19Buyani tibalukile mano, banodwa bewanda bebe beti mu nsi ungabe ne ngwa bezwibhatshanya ne zwita zwedu begwa naswi bekotizha bebhuda mu shango iyeyi.” 11Ndizo bakabe bebapa bashingisi kubadziyidza nge kubakombeledza kushinga mishingo inolema. Baiziraela bakabakila Faro mizi ye matula, Pitomu ne Ramese. 12Koga kudziyidziwa kwabo kwakati kukula, bakawanda kunyanyisa bakaandama kwakayita kuti Baegipiti batje Baiziraela. 13Ndizo Baegipiti bakashingisa Baiziraela kunolema kwakapindilila basingabahwile ngoni, 14bakathama butjilo gwabo gukabipa nge kubashingisa kunolema bevangisiwa daka ne kuthamisiwa zwitina nenge nshingo mmwe ne mmwe mu minda. Baegipiti bakabe basina ngoni mu mishingo yose inolema yabakabe bebashingisa.
15Mambo we Egipiti kadwa batshibamisi be Bahebheru, Shifura na Puva kati, 16“Muti mushinga nshingo wenyu mutshibamisa bakadzi be Bahebheru, bati besununguka, ha mwana ali mbisana mu mbulaye, koga ha ali mwanadi musimbulaye.” 17Koga batshibamisi ibaba bakabe betja Ndzimu, ngono bakasitongo thama tjabakadwiwa ndi Mambo we Egipiti, bakasibulaye balisana. 18Ndizo Mambo we Egipiti kadana batshibamisi kababhuzwa kati, “Ini makathama saikoku muletja balisana betjila?”
19Batshibamisi bakadwa Faro bakati, “Bakadzi be Bahebheru abatonga bakadzi be Egipiti, banotshibama nge bulelu batshibamisi basathu bakaswika pabali.” 20Ndizo Ndzimu ukabhata batshibamisi zubuyanana, ne bathu bakawanda bakasima kwazo. 21Ngono se batshibamisi bakabe betja Ndzimu, ndizo Ndzimu ukabathamila zwakanaka ukabapa misha. 22#Mishingo 7:19Ipapo Faro kadwa bathu babe kati, “Mbisana mmwe ne mmwe we Nhebheru wazwagwa munlashile mu gwizi gwe Naili, koga muletje mwanadi mmwe ne mmwe atjile.”
Currently Selected:
Kufuluka 1: KBTP
Highlight
Share
Compare
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
