Esita 10
10
Kudziwa kwa Ahasurusi na Modekayi
1Mambo Ahasurusi kalaula kuti bathu bose bamu bushe gugwe ne baku ndzibo we gungwa baduse mimwiso. 2Mishingo yose iye simba lile ne bukulu gugwe nenge sekwa akakudza Modekayi, azwizokwagwa mu lukwalo gwe zwiyitikalo zwa boshe be Mediya ne Pheshiya kene? 3Modekayi ndiye wakabe etobela Mambo Ahasurusi nge mamo ngono wakabe ali nkulu kwazo mu Bajuta, ezibgwa kwazo ne Bajuta bakanyi kwabo ana ntutshi ngobe akabashingila zwakanaka ngo balebelekela ne kuti bathu bakanyi kukwe babe ne mbakiso.
Kalanga Bible © Bible Society of Botswana, 2008, 2018.