Baefeso 6
6
Bana ne bazwadzi
1 #
Bakolosa 3:20
Bana, ihwani bazwadzi benyu muna She, ngobe oku kwakalulwama. 2#Kufuluka 20:12; Matama 5:16“Teta tate babo na mmeyabo,” oku nlayo we kutanga una kugadziwabgwe, 3“Kuti ndizo ululwamigwe nge butjilo nenge kuti utjile butjilo bulefu mu shango.”
4 #
Bakolosa 3:21
Botate, musishongole bana benyu, koga mubakudzile mu kudiya ne kulaya kwa She.
Balanda na botetshi
5 #
Bakolosa 3:22-25
Balanda, ihwani botetshi benyu be shango, mubatje kakale mubatetema nge moyo nng'ompela, sekwa mungahwa Kirisiti. 6Kusi kuti mubahwe nge kubabona nge mesho mushaka kubashathisa, koga mubahwe se balanda ba Kirisiti muthama kuda kwe Ndzimu nge mimoyo yenyu yose. 7Nge mazwimisilo akalulwama shingani se munoshingila She, kusi nthu, 8ngobe moziba kuti mu nshingo mmwe ne mmwe wakalulwama, kene uli upi mowouwanila mbhayilo kuna She, kene unlanda kene wakasununguka.
9 #
Bakolosa 4:1;
Matama 10:17; Bakolosa 3:25 Botetshi, shingilani balanda benyubo muijalo, letjani kubadziyidza. Muzibe, kuti iye She wabo, kakale ali She wenyu u kudzimu ngono aatoshalaula.
Zwibhayano zwe Ndzimu zose
10Gwe bupelo, simani muna She ne mu simba lile gulu. 11Ambalani zwiambalo zwe ngwa zose zwe Ndzimu kuti ndizo muzwigwile mu butjengedzi gwa Satani, 12ngobe ngwa yedu aizolingisana ne nyama ne malopa, koga yakalingisana ne babusi ne balauli ne masimba e zhalima anolaula shango ino, nenge meya mibi mu magalo ekudzimu. 13Ndizo ambalani zwiambalo zwe ngwa zose zwe Ndzimu, kuti zhuba le mbipo liti lizha muzwigwile, kakale mutimagwa ngwa yose, mume makasima.
14 #
Isaya 11:5;
Isaya 59:17
Imani makasima makazwilulwamisa, makazwisunga thunji nge malebeswa ali mwandabula mu thunji dzenyu, makaambala tjivikili* tje ndulamo mu ifuba, 15#Isaya 52:7ne makumbo enyu akambadziwa kuzwilulwamisa kuleba ndebo mbuya ye mbakiso. 16Pezhugwi kwa ikoku, tolani thebe ye kugalamoyo, yamungadzimisa misebe inothuta ye mbi. 17#Isaya 59:17Mbalani tjivikili tje jidzo mu nsholo ne thumo le Meya, ilo dama le Ndzimu. 18Tembezelani misi yose mu Meya, nge mitembezelo yose yakasiyanasiyana. Tjengetani kakale mudwilile mutembezelela bayengemali bose misi yose. 19Munditembezelelebo kuti ha ndizhula nlomo wangu koga, ndipiwe matama, akalulwama kuti ndizo nge kusatja, ndizibise bathu masazibgwe e ndebo mbuya, 20yandili mmilili wayo mu busungwa. Tembezelani kuti, dzene ndingaileba sekwa ndakafanila, ndisingatje.
Matama e bupelo
21 #
Mishingo 20:4; 2 Timoti 4:12 #
Bakolosa 4:7, 8 Tikikasi ikamu tjinodika, kakale ali nlanda unogagwabgwe muna She, unowomubudza tjimwe ne tjimwe, kuti ndizo namwibo muzibe kuti ndomuka tjini nenge kuti ndoshingani. 22Nditjo tjandantumila kumuli, kuti muzibe mamuko edu ne nge kuti amukulumbidze.
23Kunyalala ngakube ku zwikamu ne ludo guna kugalamoyo kunodwa ku Ndzimu Tate na She wedu Jesu Kirisiti. 24Ngoni dze Ndzimu ngadzibe kuna bose banoda She wedu Jesu Kirisiti nge ludo gusingame.
Kalanga Bible © Bible Society of Botswana, 2008, 2018.