Matama 23
23
Basakafanila kuamutjigwa
1“Iye wakakhwanyiwa thele kene akathubuka mbeli asitongo ngina mu gubungano la Yahwe.
2“Kusitongo yita mwana we tjamba unongina mu gubungano la Yahwe kunoswika ku tjizekugwana tje bugumi.
3 #
Nehemiya 13:1, 2 “Kusibe ne N'amoni kene N'moabu unongina mu gubungano la Yahwe kunoswika ku tjizekugwana tje bugumi, kusitongo yita wabo unongina mu gubungano la Yahwe, 4#Mbalo 22:1-6ngoti abazomushangamidza nge zojiwa ne vula mu zila pamakabe mudwa ku Egipiti, ngekuti kakale bakatapa Bhaalamu nkololo wa Bheori kudwa ku Pethori mu Mesopotamiya kumulonga bhiso. 5#Mbalo 23:7—24:9Nenguba kwakajalo Yahwe Ndzimu uwo abazohwilila Bhaalamu, koga Yahwe Ndzimu uwo bakashandula bhiso likabe makombolelo kukuli ngoti Yahwe Ndzimu uwo bakabe bekuda. 6Usitongo shaka mbakiso yabo kene kuwatshika kwabo butjilo gugo gose.
7“Usitongoshima N'edomu ngekuti mwana wa tate babo, usitongoshima N'egipiti ngekuti wakabe nlubili mu shango iye. 8Bana be tjizekugwana tjitje tje butatu tjazwagwa bangangina mu gubungano la Yahwe.
9“Uti uyenda kunogwa ne zwita zwizo ngono uli mu bukotokelo, ipapo uzwidzibe mu tjimwe ne tjimwe tjakabipa.
10“Ha kungabe ne nlume pakati kwenyu usimbuyanana nge tjimwe tjanshingikalila busiku, ipapo abhude mu bukotokelo, asitongo zha mu bukotokelo. 11Koga ha kube madekwana angule nge vula ngono zhuba liti langina abe ebuya engina mu bukotokelo.
12“Ube ne pathu paunoyendila kuzhe ko, ngono kube kuli kuzhe kwe bukotokelo, 13ube ne ntsha waunoti uyenda kuzhe ukatsha ndiyo, kuti wapedza uvukidze shambgwa iyo. 14Ngoti Yahwe Ndzimu uwo banotendeleka pakati kwe bukotokelo gugo kumutjidza ne kulonga zwita zwizo mu maboko awo, ndizo wali bukotokelo gugo gube gwakayengemala kuti basibone tjimwe tje shambgwa bebe bekufupatila.
Mimwe milayo
15“Usitongobgwiliza nlanda kuna tetshi uwe ha atizhila kukuli. 16Agale nawe, pakati kwenyu mu bugalo gwaashalula mu mmwe we mizi yenyu panon'gutsha kwazo, usitongo ntshambilidza.
17 #
Zwipo 19:29
“Kusitongobe ne fukula ye ng'umba ye midzimu mu bakololokadzi be Iziraela kene mu bakololo be Iziraela. 18Usitongo zhisa themba ye fukula kene themba ye mbgwa mu ng'umba ya Yahwe Ndzimu uwo kulipa tjawakabe wagadzabgwe ngoti kose ikoku koshimisa kuna Yahwe Ndzimu wenyu.
19 #
Kufuluka 22:25; Zwipo 25:36, 37; Matama 15:7-11 “Usitongo adzima bana ba tate babo ube udana mwiso pezhugwi kwe tjawabaadzima, kungabe pezhugwi kwe mari kene zojiwa kene tjimwe koga tjaadzimiwa. 20Ntaya ungana ukan'adzima udana mwiso, koga ku bana ba tate babo usitongo dana mwiso kuti Yahwe Ndzimu uwo bakukombolele mu tjimwe ne tjimwe tjaunothama mu shango yaunongina kuyitola kube iyo.
21 #
Mbalo 30:1-16; Matewu 5:33 “Uti ha utuna kuna Yahwe Ndzimu uwo, usitongo nonoka kulipa tjawagadzabgwe, ngoti Yahwe Ndzimu uwo banowotjishaka itjo tjawagadzabgwe ngono kube kube tjibi kukuli. 22Koga ha usingagadzebgwe ngotuna akuteli tjibi kukuli. 23Uyele njele kuthama tjawaleba ngoti wazwidigwa kutuna kuna Yahwe Ndzimu uwo muna tjawagadzabgwe nge nlomo uwo.
24“Uti ungina mu minda ye mizhambi ye bana ba tate babo, uje ugute zhambi, kunjinji sekwa unoshaka, koga usitongo yita dzaunolonga mu seme iyo. 25Uti ungina mu minda ye babakidzani nawe mu mathunde amile, ungana ukamwawula zwiyako nge maboko, koga usitongo shingisa mpanga mu mathunde e mbakidzani wenyu amile.
Currently Selected:
Matama 23: KBTP
Highlight
Copy
Compare
Share
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
