Matama 17
17
1“Musitongo bhayila Yahwe Ndzimu wenyu ng'ombe kene pkhwizi ina bulema, tjifo kene tjili tjakatini zwatjo ngoti ikoku koshimika kuna Yahwe Ndzimu wenyu.”
2“Ha ili kuti pakati kwenyu mu mmwe we mizi yenyu yamunopiwa ndi Yahwe Ndzimu wenyu kowanika nlume kene nkadzi unothama tjimwe tjakabipa mu mesho a Yahwe Ndzimu wenyu, etjinya tjidumano tjawo, 3#Kufuluka 22:20ngono akayenda kanoshingila midzimu mimwe ngono kainamata, kuli zhuba kene mwedzi kene mibunga ye zhuzhugwi yandakadzibila, 4mabudziwa ngono mahwa ngekwatjo. Shakisisani, ngono ha kuli malebeswa kwakwako kuti tjinoshimika saikoku tjakashingwa mu Iziraela, 5ipapo muzhise kumikoba yenyu nlume iwoyo kene nkadzi iwoyo wakathama tjithu itjetji tjakabipa ngono mukikithidze nlume iwoyu kene nkadzi iwoyu nge mabgwe afe. 6#Mbalo 35:30; Matama 19:15; Matewu 18:16; 2 Bakorinta 13:1; 1 Timoti 5:19; Bahebheru 10:28Nge butendeki gwe batendeki babili kene batatu iye wakafanila kuti afe ngaabulawe, nthu asitongo bulawa nge butendeki gwe nthu nng'ompela. 7#1 Bakorinta 5:13Maboko e batendeki abe iwo e kutanga kumbulaya, shule kube kuzha maboko e bathu bose. Ndizo muduse tjibi pakati kwenyu.”
8“Ha kungabe ne ndebo yakasima mumuli, ingabe ye kubulayana kene ye kutjetana kene ye kukubadzana, ndebo imwe ne imwe koga mu mizi yenyu yakamusimila, ipapo mumilike muyende ku bugalo gunowoshalugwa ndi Yahwe Ndzimu wenyu. 9Muyende ku bapirisiti be Balevi ne ku nsumikilisi umu tjigalo mazhuba iyawo, mu bakumbile ngono banoleba nkumbulo wakalingisana. 10Ipapo muthame tjinodumana ne tjabamubudza kudwa mu bugalo igogo gunowoshalugwa ndi Yahwe, ngono mube ne njele kuthama tjinodumana na kose kwabamudwa. 11Muthame kuyendidzana ne milayo yabamupa, kudumane ne bheledzo labaleba kumuli, muthame sayikoko, musitongo pambuka mu kusumikilisa kwabaleba kumuli, musitongobuyila ku luji kene lumeshwe. 12Nthu unothama tjinolambana ne mpirisiti umilile kushingila mbeli kwa Yahwe Ndzimu kene nsumikilisi unowofa, ndizo muduse tjibi mu Iziraela. 13Ngono bathu bose banowohwa bakatja bakasitongobe ne manyimwe kakale.
Fanilo dza mambo
14 #
1 Samuele 8:5
“Uti waswika ku shango yaunopiwa ndi Yahwe Ndzimu uwo ngono ube ugala muili, ipapo ube uti, ‘Ndowozwibigila mambo se njudzi dzose dzakandipoteleka,’ 15malebeswa ungazwibigila mambo iye washalugwa ndi Yahwe Ndzimu uwo. Ali unodwa mu bana ba tate babo ungambiga mambo wenyu, usitongozwibila ntaya. 16#1 Bomambo 10:28; 2 Zwiyitikalo 1:16; 9:28Koga tjiyapo asizwiwatshile mbizi dzikabe njinji kene kathama kuti bathu babgwilile ku Egipiti benowatsha mbizi se Yahwe bakati kumuli, ‘Musitongo shandukila ikweno kakale.’ 17#1 Bomambo 11:1-8; 1 Bomambo 10:14-22, 27; 2 Zwiyitikalo 1:15; 9:27Kakale asitongo be ne bakadzi banjinji, moyo uwe udwa upambuka mu zila, naiko asitongo watsha siliva iye ne golide iye.”
18“Ngono ati egala pa tjigalo tje bumambo gugwe azwikwaligwe mu lukwalo ntutshi we nlayo iwoyu, kudwa muna umu maboko e bapirisiti be Balevi. 19Agale anawo ngono awubale mazhuba wose e butjilo gugwe kuti azwidiye kutja Yahwe Ndzimu uwe nge kulondolodza matama wose e nlayo eashinga, 20kuti moyo uwe usitongomilidzika ezwiwana ali pezhugwi kwe bana batate babe ne kuti asitongo bhuda mu nlayo kayendila ku luji kene ku lumeshwe kuti adwilile tjibaka tjilefu mu bumambo gugwe, iye ne bana babe mu Iziraela.”
Currently Selected:
Matama 17: KBTP
Highlight
Copy
Compare
Share
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
